என்னை அறிந்தால் (2015) - எமோஷனல் த்ரில்லர்

 தன் காதல் மனைவியை கொன்றவர்களை பழிவாங்கும் படலத்தில் அஜித் எடுக்கும் பல அவதாரமே என்னை அறிந்தால்.  அஜித்தின் ரசிகர்களை நன்கு அறிந்து, அவர்களுக்கு அஜித்தை எப்படி வழங்க வேண்டுமோ அப்படி வழங்கி ஹாட்ரிக் வெற்றியை அஜித்துக்கு வழங்கி இருக்கிறார் கௌதம்மேனன். அஜித்தின் கேரியரில் என்னை அறிந்தால் மிக பெரிய திருப்புமுனை என்பதில் எந்த சந்தேகமும் இல்லை. கிங் ஆப் ஓபனிங் என்கிற பட்டதை மீண்டும் தக்க வைத்து உள்ளார் ஆசை நாயகன்.

 சத்யதேவ் (அஜித்) நேர்மையான் காவல் துறை அதிகாரி. அண்டர்கவரில் இருக்கிறார். இந்த பணியில் இருக்கும் போது விக்டர் (அருண் விஜய்) நண்பன் ஆகிறான். சந்தரபவசத்தில் சத்யதேவ் எடுக்கும் சில முயற்சிகளால் விக்டர் காயம் அடைகிறான். வழக்கமான கெளதம் படத்தில் வருவது போல், கடமை தவறாத காப் காதலில் விழுகிறார். வே.விளை போல் டைவர்ஸ் ஆகி பெண் குழந்தையுடன் வசிக்கும் ஹேமானிக்கா (திரிஷா) மீது காதல் கொள்கிறார். திருமணத்தின் போது ஹேமா கொல்ல பட, இந்த கொலைக்கான காரணத்தை தேவ் தேடி போகும் போது பல மர்ம முடிச்சுகளை அவிழ்க்க வேண்டியது வருகிறது. இறுதியில் ஹேமாவின் மரணத்திருக்கு தேவ் பழி வாங்கினாரா இல்லையா என்பதை விறுவிறுப்பாய் சொல்லி இருக்கிறார் கௌதம்மேனன்.

அஜித்: வெள்ளை தலைமுடியுடன் கோட் அணிந்து கெக்கே பிக்கே என்று ஆடிய வீரம் படத்தையே ரசிகர்கள் விழுந்து விழுந்து ரசித்தார்கள். இதில் இளமையான ஸ்டைலிஷான அஜீத். தாடியுடன் கரடுமுரடான கெட்டப், தாடி இல்லாமல் கறுத்த தலைமுடி மீசையுடன் ஒரு அமுல்பேபி லுக், சால்ட் அண்ட் பெப்பர் ஹேர் ஸ்டைலுடன் மீசையில்லாமல் ஒரு அதிரடி தோற்றம். ரசிகர்கள் வலிக்க வலிக்க விசிலடித்தே ஓயப்போகிறார்கள். ஸ்டைல் மட்டும் இல்லாமல் நல்ல தரமான நடிப்பையும் வழங்கி உள்ளார். படத்தின் பாதி பாரத்தை ஒத்தை ஆளாய் தாங்கி பிடித்து இருக்கிறார். கெளதம் போன்ற நல்ல தரமான டைரக்டருடன் அஜித் இணைவது அவரது ரசிகர்களுக்கு மிகவும் நல்லது. காக்க காக்க படத்தில் அஜித் தான் நடித்து இருக்க வேண்டியது, அதில் மிஸ் பண்ணியதை இப்பொழுது மொத்தமாய் பிடித்து இருக்கிறார்.

அருண் விஜய்: வில்லன் கதாபாத்திரம். பொதுவாக பிரபலமாக இருக்கும் வில்லன் நடிகரைத்தான் எதிர்மறை கதாபாத்திரத்தில் நடிக்க வைப்பார்கள். இதில், ஹீரோவாக நடித்துவரும் அருண் விஜய்யை வில்லனாக்கியிருக்கிறார் கௌதம். இந்தத் தேர்வே, படத்தில் வருவது வழக்கமான வில்லன் கதாபாத்திரம் இல்லை என்பதை உணர்த்துகிறது. அதற்கேற்ப சிக்ஸ்பேக் வைத்து நாயகனின் நண்பனாக வருகிறார் அருண் விஜய். அவர் ஏன், எப்படி எதிரியாகிறார்? இந்தக் கேள்விகள் உங்களை நிச்சயம் சீட் நுனியில் உட்கார வைக்கும்.

திரிஷா: கெளதமின் படங்களில் ஹீரோயின் கதாபாத்திரம் மிகவும் அழகாக செதுக்க பட்டு இருக்கும். ஹேமானிக்காவும் அதருக்கு விதிவிலக்கு அல்ல. பெண்களை எப்படி காட்சி படுத்த வேண்டும், என்பதில் கெளதம் மகா திறமைசாலி. சமீரா ரெட்டியை கூட மிக அழகாய் காட்டிய கெட்டிக்காரர் கெளதம், திரிஷாவை நன்றாக பயன்படுத்தி உள்ளார். அனுஷ்காவிற்க்கு பெரிய ரோல் இல்லை.

கெளதம்: அஜித்தின் கதாபாத்திரத்தை அறிந்து கொண்டு செம்மையாய் செதுக்கி இருக்கிறார் கௌதம். தனக்கென்று தனி ஸ்டைல் உடையவர். ஸ்டைலிஷான மேக்கிங் அவருக்கு கைவந்த கலை. காக்க காக்க, வேட்டையாடு விளையாடு படங்கள் அந்த நடிகர்களின் ரசிகர்களை திருப்திப்படுத்தும் நோக்கில் இல்லாமல் கௌதமின் கிரியேடிவிட்டியுடன் இருந்ததே அதற்கு சான்று. என்னை அறிந்தால் படத்திலும் அந்த முத்திரைதான் மற்ற அஜீத் படங்களிலிருந்து அதனை வேறுபடுத்தி காட்டி இருக்கிறது. ஆரண்ய காண்டம் தியாகராஜன் குமாரராஜா படத்தின் கிளைமாக்ஸை எப்படி அமைப்பது என்பதில் கௌதமுக்கு உதவியிருக்கிறார்.

கௌதம், ஹாரிஸ் ஜெயராஜின் கூட்டணி. மின்னலேயில் அறிமுகமான இந்தக் கூட்டணி தமிழ் சினிமாவுக்கு மிகப்பெரிய இசை பங்களிப்பை ஆற்றியுள்ளது. அவர்கள் பிரிந்துபோனது துரதிர்ஷ்டம். இனி ஒருபோதும் இணைய மாட்டார்கள் என்று நினைத்தவர்களை என்னை அறிந்தால் ஒன்றிணைத்துள்ளது. நான்கு டியூன்களை வைத்து இன்னும் எத்தனை வருஷங்கள் தான் ஒப்பு எத்துவாரோ. ஆனால் இந்த முறை அதிசியமாய் பின்னணி இசை நன்றாக பொருந்தி இருக்கிறது.

என்னை அறிந்தால் - எமோஷனல் த்ரில்லர்

My Rating : 8.5

The World's End (2013) - அடிமைப்படுத்தும் தொழில்நுட்பம்

விஞ்ஞானம் என்பதும், தொழில்நுட்பம் என்பது வேறு. விஞ்ஞானத்தையும் டெக்னால‌ஜி எனப்படும் தொழல்நுட்பத்தையும் பல நேரங்களில் நாம் குழப்பிக் கொள்வதுண்டு. விஞ்ஞானம் மனிதகுலத்துக்கு அவசியமானது. டெக்னால‌ஜி பொரும்பாலும் நம்மை நுகர்வுப் பொருளாக்குவதற்கு பயன்படுத்தப்படுவது. மனிதன் படிப்படியாக டெக்னால‌ஜியின் அடிமையாகி வருகிறான். இந்த அபாயத்துக்கு எதிராக இந்தியாவில் அழுத்தமாக குரல் கொடுத்தவர் காந்தி.

தாராளமயமாக்கலின் நுகர்வு உலகு இந்த உலகின் அனைத்தையும் ஒன்றாக சேர்த்து கட்டுகிறது. அதாவது standardization செய்கிறது. உலகின் எந்த மூலையில் நீங்கள் வாங்கும் ஒரு அங்குல நட்டும் போல்டும் (சில நாடுகள் தவிர்த்து) உலகம் முழுக்க ஒரே மாதி‌ரியாகதான் இருக்கும் அதனால் எங்கும் அதனை பொருத்த முடியும். பத்தாம் எண் காலணியின் அளவு உலகம் முழுக்க ஒன்றுதான். இப்படி standardization செய்யும் போது அதனை சந்தைப்படுத்துதல் எளிது. அமெரி்க்காவில் தயா‌ரிக்கிற ஒரு பொருளை தென்தமிழகத்தில் ஒரு குக்கிராமம்வரை கொண்டு வந்துவிட முடியும், விற்பனை செய்ய இயலும். 

நெல் அ‌ரிசி சோறு சாப்பிடுகிறவர்களை பீட்சா சாப்பிடுகிறவர்களாக மாற்றினால் இத்தாலியிலோ, அமெரிக்காவிலோ தமிழர்களுக்கான உணவுகளை தயா‌ரிக்க முடியும், தமிழகத்தில் சந்தைப்படுத்த இயலும். பெரிய கார்ப்பரேட் நிறுவனங்கள் இந்த standardization ஐ திட்டமிட்டு செயல்படுத்துகின்றன. அவர்களின் பர்கரையும், பீட்சாவையும், கென்டகி சிக்கனையும் - அவைதான் உயர்ந்தது, நாக‌ரிகமானது என்ற மோஸ்தரை உருவாக்குவதன் மூலம் நம்மிடையே சந்தைப்படுத்துகின்றன.

தி வோல்ட்ஸ் என்ட் திரைப்படம் இந்த நெட்வொர்க்கின் ஒழுங்கமைவை நகைச்சுவைப் பின்னணியில் சின்னதாக கோடிட்டு காட்டுகிறது. இந்த இடத்தில் கலை என்றால் என்ன என்பது குறித்தும் பார்க்க வேண்டும். வாழ்வின் சாத்தியக் கூறுகளை அதிகப்படுத்துவது கலையின் ஆதாரமான விஷயம். அது நுகர்வு கலாச்சாரத்தின் ஒழுங்கமைவுக்கு எதிரானது. ஏன் தினம் ஒரே மாதி‌ரியான வேலைகளை செய்ய வேண்டும்? ஒரே மாதி‌ரியான உடைகளை போட வேண்டும்? ஒரே மாதி‌ரியான பழக்க வழக்கங்களை மட்டும் கொண்டாட வேண்டும் என்று கேளிவிகளை எழுப்பக் கூடியது. தாரளமயமாக்கல் அனைத்தைம் சேர்த்துக் கட்டினால் கலை அதனை பி‌ரித்துப் போடுகிறது. தொழில்நுட்ப நெட்வொர்க் அனைத்தையும் standardization செய்கிறது. கலை ஒவ்வொன்றின் தனித்துவத்தை நிலைநிறுத்துகிறது.

தி வேர்ல்ட்ஸ் என்ட் திரைப்படத்தில் இருபது வருடங்களுக்குப் பிறகு சில நண்பர்கள் தங்களின் சொந்த நகரத்தில் ஒன்றிணைகிறார்கள். படிக்கிற காலத்தில் அவர்கள் மேற்கொண்ட pub crawl தோல்வியில் முடிந்திருக்கும். pub crawl என்றால் நகரத்தில் இருக்கும் அடுத்தடுத்த பஃப்களில் தொடர்ச்சியாக ஒரே இரவில் மது அருந்துவது. நண்பர்களின் கணக்கு 12 பஃப்கள். 12 வது வேர்ல்ட்ஸ் என்ட் எனப்படும் பஃப். ஆனால் அவர்களால் அந்த சுற்றை முடிக்க முடியாமல் போய்விடும். அதனை பூர்த்தி செய்யவே இந்த சந்திப்பு.

இந்த தொடர் குடியில் இந்த சந்திப்பை ஒழுங்கு செய்யும் கேரி கிங் நகரத்தில் இருப்பவர்கள் அனைவரும் ரோபோக்கள் என்பதை கண்டு பிடிக்கிறான். மற்ற நண்பர்களும் அதனை அறிந்து கொள்கிறார்கள்.

அசலாக மனிதர்கள் போலவே இருக்கும் ரோபோக்களுடன் சண்டையிட்டு கேரி கிங்கும் நண்பர்களில் ஒருவரான ஆன்டியும் கடைசி பஃப்பான தி வேர்ல்ட்ஸ் என்ட்வரை வந்து விடுகிறார்கள். அங்குதான் இந்த குளறுபடிக்கான காரணத்தை - நாம் மேலே சொன்னதை - அவர்கள் நெட்வொர்க் என்ற குரலின் மூலம் கண்டு கொள்கிறார்கள். போதை அடிமையான கேரி நெட்வொர்க்கில் ஒன்றாக தங்களால் இணைய முடியாது என்பதை திட்டவட்டமாக தெரிவிக்கிறான். நெட்வொர்க்கின் தோல்வியைத் தொடர்ந்து அந்தப் பகுதியே வெடித்து சிதறிவிடுகிறது.

இயக்குனர் எட்கர் Shaun of the Dead (2004), Hot Fuzz (2007) படங்களைப் பார்த்தவர்களுக்ககு இந்தப் படம் பெரிய ஆச்ச‌ரியமாக இராது. தி வேர்ல்ட்ஸ் என்ட் படம் த்‌ரி ஃப்ளேவர்ஸ் கார்னெட்டோ ட்ரையால‌ஜியின் (Three Flavours Cornetto trilogy) கடைசிப் படம். முதலிரு படங்கள்தான் Shaun of the Dead மற்றும் Hot Fuzz. 

இந்த ட்ரையால‌ஜியில் கார்னெட்டோ ஐஸ்க்‌ரிம் ஏதாவது காட்சியில் இடம்பெறும். முதல் படத்தில் ஸ்ட்ராபெர்‌ரி ஃப்ளேவர் கார்னெட்டோ. இரண்டாவதில் ப்ளூ ஒ‌ரி‌ஜினல் கார்னெட்டோ மூன்றாவதான தி வேர்ல்ட்ஸ் என்டில் பச்சை நிறத்தை குறிக்கும் மின்ட் சாக்லெட் சிப்.

இந்த மூன்று பாகங்களிலும் முக்கிய வேடங்களில் நடித்தவர்கள் சைமன் பெக்கும், நிக் ஃப்ரோஸ்டும். மூன்று ட்ரையால‌ஜியில் இரண்டாவது படமான ஹாட் ஃபஸ் திரைப்படமே சிறந்தது. போலீஸ் அதிகா‌ரியான சைமன் பெக் குற்றங்களே நடக்காத இங்கிலாந்தின் கிராமம் ஒன்றுக்கு மாற்றப்படுகிறார். சைமனின் கைது நடவடிக்கையும், குற்றச் செயல்களை கண்டு பிடிக்கும் திறனும் மற்ற போலீஸ் அதிகா‌ரிகளைவிட பல மடங்கு அதிகம். ஒருகட்டத்தில் அவரை கட்டுப்படுத்த முடியாமல்தான் இந்த மாற்றமே.

குற்றமே நடக்காத கிராமத்தில் அடுத்தடுத்து நடக்கும் விபத்துகளில் பலர் கொல்லப்படுகிறார்கள். ஆனால் அவையெல்லாம் திட்டமிட்ட கொலைகள். கொலை செய்கிறவர்களில் முக்கியமானவர்கள் அந்த கிராமத்திலுள்ள கிழங்கட்டைகள். யாராவது போட்டிருக்கும் உடை பிடிக்கவில்லை என்றாலும் கொலைதான். இந்த அபத்த நாடகத்தை சைமன் சக போலீஸ்காரர் நிக் ஃப்ரோஸ்டுடன் வெளிச்சத்துக்கு கொண்டு வருவார்.

எட்கர் ரைட் படங்களின் பிரதான அம்சம் ஷார்ப்பான எடிட்டிங் மற்றும் கதை சொல்லும்முறை. இந்த இரண்டும் மூன்று படங்களிலும் கிட்டத்தட்ட ஒரே மாதி‌ரியாக இருந்தாலும் ஹாட் ஃபஸ் பலவகைகளில் மற்ற படங்களை சிறந்தது.

மூன்று படங்களையும் pub crawl மாதி‌ரி ஒரே இரவில் தொடர்ந்து பார்த்தால் ஒரு புதிய அனுபவம் கிடைக்கும்.

நன்றி : வெப்துனியா

சலீம் (2014) - கொரியன் தழுவல் த்ரில்லர்.

கத்தி பிடித்து ஆபரேஷன் செய்யும் மருத்துவர் அதே கத்தியை எடுத்து சமுதாயத்தில் இருக்கும் விஷ கிருமி ஒன்றை வேட்டையாடும் படம் தான் சலீம். ஐடெண்டிட்டி தெப்ட் என்கிற மைய கருவை கொண்டு 2012 ஆம் ஆண்டு வெளிவந்து நல்ல பேரையும் வசூலையும் பெற்ற படம் "நான்", அதன் முடிவில் இருந்து சலீமின் தொடர்ச்சியை ஆரம்பம் ஆகிறது. சலீம் (விஜய் ஆண்டனி) நேர்மையாக வாழும் டாக்டர். ஏழைகளுக்கு சாப்பாடு வாங்கி தருவது, புறா வளர்ப்பது, இல்லாதவர்களுக்கு இலவசமாய் வைத்தியம் பார்ப்பது, காசு கம்மியான மருந்துகளை பரிந்துரை செய்வது போன்ற அக்மார்க் தமிழ் சினிமா நல்லவன் கதாபதிரத்தில் வருகிறார்.

 எந்த வம்புக்கும் போக்காமல் அந்நியன் "ரூல்ஸ் ராமானுஜம்" போல் வாழ்கிறார். தன் காதலியிடம் வீண் வம்பு செய்தவனை கூட மன்னிக்கும் அம்பியாய் இருக்கிறார். தன் வீட்டின் முன்பு காரை நிறுத்தி விட்டு எகத்தாளம் பேசும் எதிர்வீட்டு காரனை கூட மன்னித்து விட்டு ஷேர் ஆட்டோவில் வேளைக்கு போகிறார். தவறான ஆபரேஷன் முலம் ஒருவரை கொலை செய்ய வேண்டும் என்ற ஆஃபரை கொண்டு வரும் சீனியர் மருத்துவர் ஒருவரின் கழுத்தில் கத்தியை வைக்கிறார். அது போக தன் காதலி கூப்பிடும் இடத்துக்கு, சரியான நேரத்தில் போக முடியாமல் வேலை வேலை என்று இருந்து விட்டு காதலியிடம் திட்டு வாங்குகிறார். இது போன்ற முதல் பாதியின் காட்சிகளை வைத்தே படம் இரண்டாம் பாதியில் எந்த திசையில் பயணிக்க போகிறது என்று நம்மால் யூகிக்க முடிகிறது.

 

 
 நீங்கள் நினைத்தது போல் படம் இரண்டாம் பாதியில் அக்ஷன் பாதையில் பயணம் செய்கிறது. நேர்மையாய் இருந்த காரணத்திலால் தன் காதலி, வேலை, மரியாதை அனைத்தையும் இழந்து நடு ரோடில் நிர்கதியாய் நிற்கும் சலீம் தான் விரும்பும் வாழ்க்கையை ஒரு நாளாவது வாழ வேண்டும் என்று முடிவு எடுத்து விபரீத காரியம் ஒன்றை செய்ய முற்படுகிறார், அதனால் ஏற்படும் விளைவுகள் தன் பிற்பாதி கதை. சாதுவான சலீம் முர்கமாய் மாறும் காட்சி செம அமர்க்களம். அதன் பின்பு சலீம் எடுக்கும் முடிவுகள் எல்லாமே பர பர ரகம் தான். சலீம் ஏன் இப்படி செய்கிறார் என்கிற முடிச்சு மெதுவாய் அவிழும் போது நமக்குள் பரபரப்பு தொற்றி கொள்கிறது.

 எல்லாம் சரி தான், ஆனால் சலீம் "Big Bang" (2007) என்கிற கொரியன் படத்தின் அப்பட்டமான் தழுவல் என்று கடைசி வரை எங்கேயும் குறிப்பிடவில்லை. "Big Bang" படத்தின் ஹீரோ சலீம் போலவே நேர்மை விரும்பி. ஒருநாள் காலையில் அடித்துப் பிடித்து ஆபிஸுக்கு கிளம்புகையில், அவனது  மனைவி அநியாய பொறுமையுடன் எனக்கு ஒன்று வேணும் என்கிறாள். இவன் என்னவென்று கேட்க அவள் பொறுமையாய் டைவர்ஸ் வேண்டும் என்று கேட்கிறாள். ஹீரோ அதிர்ந்து போய், "ஏன் என்னாச்சு? நான் அப்படி என்ன பண்ணுனேன்?" என்று கேட்க அவள் மிக சந்தமாய் "நீ எந்த தப்புமே பண்றதில்லை. வாழ்க்கை போரடிச்சுப் போச்சு" எனக்கு டைவர்ஸ் குடுத்திரு என்று கேட்க. வந்து பேசுகிறேன் என்று ஓடுகிறான் ஹீரோ. அவனது காரை மறித்தபடி ஒரு கார் பார்க் செய்யப்பட்டு இருப்பதை பார்த்து அந்த காரின் சொந்தக்காரனுக்கு போன் செய்தால் அவன் ஊரில் இருந்து கொண்டே வெளியூ‌ரில் இருப்பதாக பதில் சொல்கிறான். அதன் பிறகு ஹீரோ பஸ் பிடித்து வியர்வையில் நினைந்து அலுவலகம் சென்றால், இரண்டு நிமிடங்கள் லேட். ஆபிஸ் மொத்தமும் ஆச்ச‌ரியம். ஹீரோ இதுவரை லேட்டாக வந்ததாய் ச‌ரித்திரம் இல்லை.

அடுத்த நிமிடம் உயரதிகா‌ரி ஹீரோவை அழைத்து ஆட்குறைப்பு நடவடிக்கை, இனி உனக்கு வேலையில்லை என்கிறார். மாலையில் பார்ட்டி தர வேண்டும் என்று வலுக்கட்டாயமாக அழைத்துச் சென்று மொத்த ஆபிஸும் அவன் வேலை போனதை முன்னிட்டு கொண்டாடி கூத்தடிக்கிறது. நீ இந்த உலகத்தில் வாழ லாயக்கில்லாதவன் என்கிறான் உயரதிகா‌ரி. உயர் அதிகாரியின் கோல்மால் நடவடிக்கைக்கு துணை போகாததுதான் அவன் வேலை இழக்க காரணம். வாழ்கையே வெறுத்து போகும் ஹீரோ குடித்து விட்டு ரோட்டில் அலைந்து பெட்டி கேஸில் ஒரு போலீஸ்காரரிடம் மாட்டி பிறகு தப்பித்து சமுதாயத்தை திருத்த புறப்படுகிறார். நம்ம சலீம் கூட இதையே தான் செய்கிறார். இரண்டாம் பாதியில் மட்டும் இரு படங்களும் வெவ்வேறு பாதையில் பயணம் செய்கிறது.

 சமுதாயத்தில் நடக்கும் அநியாங்களை கண்டு சலீம் போன்ற படைப்பாளிகள் பொங்குவது ஒரு பக்கம் இருக்கட்டும், ஆனால் அந்த பொங்கலையும் சொந்தமாக யோசிக்காமல் கொரியனிடம் இருந்து திருடி எடுத்தததை தான் ஏற்று கொள்ள முடியவில்லை. திருடி படம் எடுப்பதை கூட போனால் போகுது என்று விட்டு விடலாம், ஆனால் இந்த திருட்டு படைப்பாளிகள் பேஸ்புக்கில் பேசும் பேச்சு இருக்கிறதே அதை தன் பார்க்க முடியவில்லை. சமிபத்தில் வெளியான் புரட்சிகர மற்றும் வித்தியாசமான திரைக்கதைகளை கொண்ட தமிழ்  படங்கள் எல்லாம் கொரியன் படத்தின் அப்பட்ட தழுவல் தன். மூடர் கூடம் தென் கொரியாவின் Attack the Gas Station (1999 ) , விடியும் முன் London to Brighton (2007), ஜிகிர்தண்டா A Dirty Carnival (2006)  மற்றும் Rough Cut (2008). இந்த படங்கள் தன் தமிழ் சினிமாவை மாற்று பாதையில் அழைத்து செல்கிறது என்று ஜல்லி அடித்து கொண்டு ஒரு கூட்டம் கிளம்பி இருக்கிறது. இது போன்ற திருட்டு படைப்பாளிகளை விட சொந்தமாய் ஸ்கிரிப்ட் ரெடி செய்து படம் எடுக்கும் பேரரசு, டி.ஆர் போன்றவர்கள் எவ்வளவவோ மேல். சலீம்  படத்தைப் பாராட்டியிருக்கும் ஒலக பட இயக்குனர் ராம், இது அறம் சார்ந்து எடுக்கப்பட்டிருக்கும் படம் என்றிருக்கிறார். பிறருடைய கதையை திருடுவதில் என்ன அறம் இருக்கிறது? இன்னொரு கொடுமை படத்தை இயக்கிய நிர்மல் குமார் பத்து வருடங்களுக்கு மேலாக பாரதிராஜாவிடம் வேலை பார்த்தவராம். பத்து வருடங்கள் உழைத்து சொந்தமாய் படம் எடுக்க தெரியாத இந்த இயக்குனரை நினைத்து பரிதாபம் தான் பட முடியும்.

 சலீம் (2014) - கொரியன் தழுவல் த்ரில்லர்.

My Rating : 7.0

The Call (2013) - சீரியல் சைக்கோ கில்லர்.

ஹாலிவுட் சினிமாக்கள் இரண்டு வகைகளில் முக்கியமானவை. கலாபூர்வமான படங்களை எப்படி எடுக்கக் கூடாது என்பதற்கும், கமர்ஷியல் படங்களை எப்படி எடுக்க வேண்டும் என்பதற்கும். கலாபூர்வத்துக்கும் தமிழ் சினிமாவுக்கும் பூர்வஜென்ம பிரச்சனை என்பதால் அதை அப்படியே ஒதுக்கிவிட்டு கமர்ஷியலுக்கு வருவோம்.

ஹாலிவுட்காரர்களின் தொழில் அட்சர சுத்தம். லட்சம் ஆணடுகளுக்கு முன் இயற்கை பேரழிவால் இல்லாமல் போன டைனோசர்களை உயிர்ப்பிப்பது போல் எழுபது எம்எம்மில் ஃபிலிம் காட்டினாலும், அந்த டைனோசரை ஒரு கொசு கடிச்சது, கடிச்ச உடனே ஒரு மெழுகில் அகப்பட்டது, டைனோசரின் டிஎன்ஏ யுடன் அது இத்தனை வருசமா கெட்டுப் போகாமல் அப்படியே இருந்திச்சி என்று சயன்டிபிகலாக நம்மை முட்டாளாக்கி படத்தை ரசிக்க வைத்து கரன்சியை உருவிக் கொள்வதில் கில்லாடிகள்.

அப்படிதான் தொலைபேசி என்ற சாதனத்தை வைத்து ஐம்பது படங்களாவது எடுத்திருப்பார்கள். போன் பூத், செல்லுலார் போன்றவை அதில் பிரபலமானவை. இன்னும் என்னென்ன வகையில் இந்த தொலைபேசி என்ற வஸ்துவை காசாக்க முடியும் என்று மூளையை கசக்கிய ரிச்சர்ட் டி ஓவிடியோ எழுதி திரைக்கதை அமைத்த படம்தான் தி கால். தொலைக்காட்சி தொடருக்காக எழுதியதை எழுத்துப் பட்டறையில் தட்டி குறுக்கி 94 நிமிடங்கள் ஓடக்கூடிய படமாக்கினார்கள்.   

அமெரிக்காவில் 911 என்ற தொலைபேசி சேவை இருப்பது அமெரிக்கா போகாமல் சென்னை பார்சன் காம்ப்ளக்ஸில் மலிவுவிலை திருட்டு டிவிடி யில் ஹாலிவுட் படம் பார்க்கிறவர்களுக்கும் தெரிந்திருக்கும். ராத்திரி பூனை ஓடுகிற சத்தத்துக்கு பயந்தவர்களும் 911 எண்ணை தட்டி, ஹலோ ஐ யம் இன் ட்ரபிள் என்று சொல்வதை பார்த்திருக்கலாம். எல்லாவித அத்தியாவசியங்களுக்கும் நீங்கள் இந்த 911 எண்ணை பயன்படுத்தலாம். நம்மூர் 108 போல என்று வைத்துக் கொள்ளுங்கள். 108 ல் ஆம்புலன்ஸ் வரும். பதிலாக 911 ல் போலீஸ். 911 ல் பேசுகிற பெண்ணின் குரல் நன்றாக இருக்கே என ஜொள் விடுவதற்காக பேசினால் சட்டப்படி உங்களை உள்ளே தள்ளவும் முடியும்.

911 சேவையில் பணியாற்றும் ஜோர்டன் டர்னருக்கு ஒரு போன்கால் வருகிறது. தன்னுடைய வீட்டிற்குள் மர்ம நபர் நுழைய முயல்வதாக இளம்பெண் ஒருத்தி உயிர் போகிற பதற்றத்தில் பேசுகிறாள். அதை ஜோர்டன் கேட்கும் போதே மர்ம நபர் கண்ணாடியை உடைத்து வீட்டிற்குள் புகுந்து விடுகிறான்.

அடுத்து அதிரடியாக டேக்கன் நீயாம் நீஸனின் அவதாரத்தை எடுக்கும் ஜோர்டன் போனில் அந்த பரிதாபத்துக்குரிய பெண்ணிடம் மாடிக்கு போ, பெட்ரூமுக்குள் புகுந்துக்கோ, கட்டிலுக்கு அடியில் படுத்துக்கோ என்று இன்ஸ்ட்ரக்ஷன் தர, அந்தப் பெண்ணும் அப்படியே செய்கிறாள். உள்ளே புகுந்த மர்ம மனிதன் ஆளைக் காணாமல் அடுத்த நாள் கச்சேரியை வச்சுக்கலாம் என்று கிளம்புகிற நேரம்... ஏதாவது ட்விஸ்ட் வேண்டுமே. போன் தொடர்பு துண்டித்துப் போகிறது. ஜோர்டனின் சமயோஜித புத்தி சட்டென்று மழுங்கிப் போக அந்த பெண்ணின் போனுக்கு தொடர்பு கொள்கிறார். போன் ரிங் சத்தம் கேட்டு திரும்பி வரும் மர்ம மனிதனிடம் அந்தப் பெண் சிக்கிக் கொள்கிறாள். நோ... அந்தப் பெண்ணை எதுவும் செய்யாதே என்று போனில் ஜோர்டன் மர்ம மனிதனிடம் கெஞ்சிக் கொண்டிருக்க அந்த மர்ம மனிதன் அந்த புகழ்பெற்ற பன்ச் டயலாக்கை சொல்கிறான். It's already done.

 இது போன்ற சீரியல் கில்லர் ஹாரர் படங்களின் சிறப்பம்சம் கில்லர் ஆட்களை எப்படி தேர்வு செய்கிறான் என்பதும், போலீஸ்காரர்கள் எப்படி துப்பறிந்து படிப்படியாக கொலையாளியை நெருங்குகிறார்கள் என்பதும்.  

கொலைக்கான காரணம் பெரும்பாலும் சப்பையாகவே இருக்கும். பூனை கண் காதலி ஏமாத்திட்டா அதுனால சைக்கோ பூனை கண் உள்ள பெண்களா தேடிப்பிடித்து கொன்றான் என்றோ, பத்து மணியானா கில்லரின் மண்டைக்குள் மணியடிக்க ஆரம்பிக்கும், யாரையாவது இழுத்துவச்சு கழுத்தை அறுத்தால்தான் மணிச் சத்தம் அடங்கும் என்றோ கதை அளப்பார்கள். இது மாதிரி ஒரு மயிர் பிளக்கும் பிரச்சனைதான் இந்தப் படத்திலும். சும்மா சொல்லலை. உண்மையிலே மயிருக்கு படத்தில் முக்கிய இடம் இருக்கிறது.

நாம் மேலே பார்த்தது சும்மா படத்தின் ஒரு அறிமுகக் காட்சி. பரிதாபத்துக்குரிய அந்தப் பெண்ணின் சடலம்... 

நான்கு நாட்கள் கழித்து கண்டெடுக்கப்படுகிறது. ஜோர்டன் மூக்கை சிந்தி, தலையை பிடித்து பெண்ணை காப்பாற்ற முடியாத கழிவிரக்கத்தில் நாட்களை நகர்த்திக் கொண்டிருக்க, ஆறு மாதம் கழித்து அதே கில்லரிடம் இன்னொரு பெண் மாட்டிக் கொள்கிறாள். அந்த பலிகடா பெண் கில்லரின் கார் டிக்கியில் பயணித்தவாறே போனில் 911 க்கு தொடர்பு கொள்கிறாள். போனை அட்டெண்ட் செய்வது ஜோர்டன். மீண்டும் அதே டேக்கன்... அதே நியாம் நீஸன். காரின் பின்பக்க விளக்கை உடை, டிக்கியில் என்னென்ன இருக்கிறது பார்... என்ன பெயிண்ட் டின் இருக்கிறதா? அதை உடைத்து அப்படியே அந்த ஓட்டை வழியாக வெளியே ஊற்று... அந்தப் பெண்ணும் தேம்பி கொண்டே எல்லாம் செய்கிறது.  

 

 

இதற்குப் பிறகு கதையைச் சொன்னால் படத்தைப் பார்க்கிறவர்களுக்கு படத்தின் கொஞ்ச நஞ்ச சுவாரஸியமும் போய்விடும். படத்தில் ஜோர்டனாக நடித்திருப்பவர் ஹலே பெர்ரி. 

தொலைக்காட்சி தொடர்களாக எடுத்துத் தள்ளும் பிராட் ஆண்டர்சன்தான் படத்தின் இயக்குனர். பழக்கதோஷத்தில் இழுக்காமல் 94 நிமிடங்கள் பரபரவென படத்தை நகர்த்தியிருக்கிறார். இந்த பரபரதான் படத்தின் வெற்றியே.   

Netflix கில் இந்த படத்தை பார்க்கும் வாய்ப்பு கிட்டியது, படத்தை பற்றி எழுதும் முன்பு, யாரவது எழுதி இருகிறார்களா என்று தேடும் போது வெப்துனியாவில் இந்த பதிவு கிட்டியது. அதை தன் இங்கு பகிர்ந்து உள்ளேன்.

நன்றி - வெப்துனியா 

பிரியாணி (2013) - செம டேஸ்ட் மா !!

சான்டியாகோவில் ரீலீஸ் ஆகும் அணைத்து தமிழ் படங்களையும் தியேட்டரில் தான் பார்க்க வேண்டும் என்ற கொள்கையின் படி இன்று இரவு "பிரியாணி" படத்துக்கு சென்றோம். கார்த்திக்கின் முந்திய படங்களினால் ஏகத்துக்கும் பல்பு வாங்கி இருந்த காரணத்தால் பிரியாணியை ஸ்கிப் செய்து விடலாம் என்று தான் முடிவு செய்து இருந்தேன். இருந்தாலும் வெங்கட் பிரபுவின் இயக்கத்தின் மீது மிகுந்த நம்பிக்கை வைத்து தான் படத்துக்கு சென்றோம். கோவா தவிர்த்து வெங்கட்டின் அணைத்து படங்களும் எனக்கு மிகவும் பிடித்து இருந்தது. வெங்கட் பிரபு வழக்கம் போல் எங்களை ஏமாற்ற வில்லை. பிரியாணியை மிகுந்த சுவையுடன் பரிமாறி, வயறு நிறைய திருப்தியுடன் எங்களை திருப்பி அனுப்பி உள்ளார். வெங்கட் ஸ்டைலில் நல்ல சஸ்பென்ஸ் படம் பார்த்த திருப்தி கிட்டியது.

சுகன் (கார்த்திக்) மற்றும் பிரேம்ஜி சிறு வயது நண்பர்கள். தற்சமயம் ஒரே கம்பெனியில் வேலை செய்கிறார்கள். கார்த்திக்கின் காதலி ஹன்சிகா. வீக் எண்ட்டில் பப்பு, பார்ட்டி என்று வாழ்க்கையை கொண்டாடி மகிழ்கிறார்கள். இந்தியாவின் பெரிய பணக்காரர் நாசர். கிரானைட் முறைகேட்டில் சிபிஐ அவரை கைது செய்ய துடிக்கிறது. பிளே பாய் வாழ்க்கையை வாழும் கார்த்திக்கிற்கு ஒரு கெட்ட பழக்கம். பார்ட்டியில் தண்ணி அடித்துவிட்டால் வயிறு முட்ட பிரியாணி சாப்பிட வேண்டும். ஆம்பூரில் தண்ணி பார்ட்டிக்கு போகும் கார்த்திக் பிரேம்ஜி கூட்டணி பிரியாணி சாப்பிட அலைகிறார்கள். பிரியாணி சாப்பிடும் இடத்தில அழகிய (!) பெண் ஒருத்தியை பார்த்து அவள் பின்னால் போகிறர்கள். ரீசர்ட்டுக்கு போகும் அவர்கள் அங்கு குடித்து விட்டு மட்டை ஆகிறார்கள். 

முழித்து பார்க்கும் போது தான் தாங்கள் பெரிய பிரச்சினையில் மாட்டி இருப்பது தெரியவருகிறது. அதுவும் யாரோ இவர்களை ப்ளான் செய்து மாட்டி விட வைத்து இருப்பதும் தெரிய வருகிறது. அது என்ன பிரச்சனை, இவர்களை மாட்டி விட நினைப்பது யார், அந்த பிரச்சனையில் இருந்து எப்படி மீண்டார்கள் என்பதை வெங்கட் பிரபு சரோஜா பாணியில் சொல்லி இருக்கிறார். முதல் பாதியில் நடைபெறும் சிறு சிறு சம்பவங்களை கூட இரண்டாம் பாதியில் மையின் சஸ்பென்ஸுடன் முடிச்சு போட்டு மிக அழகாய் அவித்து இருக்கிறார் இயக்குனர். முதல் பாதி ஜாலி பட்டாசு என்றால் இரண்டாம் பாதி நிற்காமல் வெடிக்கும் சரவெடி. 

கார்த்திக்கின் ஈவாய் சிரிப்பு, ஸ்டைல் என்று நினைத்து தலைசாய்ந்து நடக்கும் கோண நடை, கிண்டல் பேச்சு போன்ற கிளிசேக் மேனரிசம் எதுவும் இந்த படத்தில் இல்லை. மிகவும் சீரியஸாக நடித்து இருக்கிறார். பிளே பாய் கதாபாத்திரத்துக்கு நன்றாக பொருந்தி வருகிறார். அக்ஷன் காட்சிகளில் செமையாய் ஸ்கோர் செய்கிறார். பிரேம்ஜியை இவர் கலாய்ச்சு எடுக்கும் காட்சிகள் அனைத்துமே அருமை. ஹன்சிகாவிடம் பிரியாணி கடையில் நடந்த சம்பவங்களை விவரிக்கும் காட்சிகள் சிரிப்பு வெடி. ஹன்சிகா தனது பணியை கச்சிதமாக செய்து இருக்கிறார். ஒரு கவர்ச்சி (!) பாட்டு, ஹீரோ பின்னால் வர ஒரு பாட்டு என்று தன் வேலையை குறை சொல்ல முடியாத படி செய்து இருக்கிறார்.

பிரேம்ஜி பற்றி என்ன சொல்ல. அவரிடம் ஆஸ்கார் நடிப்பை எல்லாம் எதிர்பார்க்க முடியாது. ஆரம்பத்திலே "என்ன கொடுமை சார் இது", அளவுக்கு தான் நடிக்க முடியும் என்று மிக தெரிவாக சொல்லி விட்டார்கள். நீண்ட நாட்கள் கழித்து ராம்கி, நல்ல ரோல். வயது கூடினது போல் தெரியவில்லை. செந்துரபூவே படத்தில் பார்த்தது போலே இருக்கிறார். 90's அக்ஷன் ஹீரோவான் ராம்கிக்கு கிளைமாக்ஸ் சண்டைகாட்சியில் இன்னும் நல்ல ஸ்கோப் உள்ள அக்ஷன் பிளாக் வைத்து இருக்கலாம். நசார் வழக்கம் போல் தன் பங்கை மிக சிறப்பாய் செய்து இருக்கிறார். உமா ரியாஸ் சப்ரைஸ் பேக்கேஜ். காண்ட்ராக்ட் கில்லர் ரோலில் நன்றாக மிரட்டி உள்ளார். மௌன குரு படத்திருக்கு பிறகு நல்ல ரோல்.

சம்பத் மற்றும் ஜெயப்ரகாஷ் வீணடிக்க பட்டு விட்டார்கள். ஜெயப்ரகாஷ் கதாபாத்திரதால் கதைக்கு பெரிய யூஸ் எதுவும் இல்லை. போலீஸ் கேரக்டர் ஒன்று வேண்டும் என்பதால் அவரை நுழைத்து இருக்கிறார் என்று நினைக்கிறன். முந்திய வெங்கட் படத்தில் வந்த  ஜெய், வைபவ், அரவிந்த் ஆகாஷ் என்று அனைவரும் படத்தில் ஒரு காட்சியிலாவது தலை காட்டி விடுகிறார்கள். ரசிகர்கள் பல்ஸ் பார்த்து காட்சி வைப்பதில் வெங்கட் கில்லாடி. யார் யாருக்கு என்ன என்ன டயலாக் குடுத்தால் எடுபடும் என்று நன்றாக் தெரிந்து வைத்து இருக்கிறார். அதனால் தான் பிரேம்ஜி போன்ற நடிகர்கள் வைத்து தொடர்ச்சியாய் ஹிட் குடுக்க முடியாது. யுவனின் 100 படம் இது. இசை ஓகே, பின்னணி இசை எனக்கு ஏமாற்றமே. இன்னும் உழைத்து இருக்கலாம் யுவன். வெங்கட்டின் ஆஸ்தான் ஒளிபதிவாளர் சக்தி சரவணன், சேஸ்ஸிங் காட்சிகளில் கேமரா விளையாடி உள்ளது. கெஸ்ட் ரோலில் அஜித் வேறு இருக்கிறார் என்று யாரோ புண்ணியவான் விக்கிபீடியாவில் அப்டேட் செய்து இருந்தார்கள். அது மாதிரி எல்லாம் எதுவும் இல்லை. வெங்கட் பிரபுவின் சரோஜா படம் உங்களுக்கு பிடித்தது என்றால் நீங்கள் தவற விட கூடாத "பிரியாணி".

பிரியாணி - செம டேஸ்ட் மா 

My Rating: 8.0/10.

சமிபத்தில் எழுதியது : இவன் வேற மாதிரி (2013)

வில்லா (2013) - பயமே இல்லா திகில் படம் !!

தமிழில், இல்லை இல்லை இந்தியாவிலே இது வரை வந்த திகில் பேய் படங்களிலே சிறந்தது எது என்று என்னை கேட்டால் கண்ணை முடி கொண்டு "பீட்சா" என்று சொல்வேன். ஹார்ட் பீட் எகிறும் அளவுக்கு பயத்தை விதைத்து இருப்பார்கள். அது போக கிளைமாக்ஸ் ட்விஸ்ட் யாராலும் அவ்வளவு சீக்கிரம் யூகித்து இருக்க முடியாது. ஹாலிவுடில் பீட்சா ரீமேக் செய்யபடுவதாய் கூட ஒரு செய்தி படித்தேன். அடுத்த பாகத்துக்கான அடித்தளத்துடன் தான் பீட்சா முடிக்க பட்டு இருக்கும். ப்ரம் மேக்ர்ஸ் ஆப் பீட்சா என்கிற விளம்பரத்தோடு வெளியான வில்லா பீட்சாவின் தொடர்ச்சியாய் இருக்கும் என்று தான் நம்பி இருந்தேன். ஆனால் படத்தின் முதல் ட்ரைலரில் ஒரு கதாபாத்திரம் “இது சீக்வலா ?” என்று கேட்க்கும், அதற்கு கதாநாயகன் “இல்ல, இது டோட்டலா வேற கதை” என்று சொல்லுவார். பீட்சாவின் தொடர்ச்சியாக இல்லாமல் இது புது கதைக்களம் என்று இயக்குனர் மிக தெளிவாக குறிப்பிட்டு விட்டார். அதனாலே வில்லாவை பீட்சாவுடன் ஒப்பிட்டு பார்க்க கூடாது என்று முடிவு செய்து விட்டேன். ஆனால் "வில்லா" சராசரி திகில் படத்தின் அனுபவத்தையே எனக்கு குடுத்து ஏமாற்றி விட்டது.

கதையின் நாயகன் ஜெபின் (அசோக் செல்வன்) சாதிக்க துடிக்கும் இளம் எழுத்தாளர். அவரது அப்பா (நாசர்) கோமாவில் படுத்து இறந்து போகிறார். அப்பா இறந்தவுடன், தன் குடும்ப வக்கீல் முலம்  பாண்டிச்சேரியில் தனக்கு ஒரு வில்லா இருப்பது தெரிய வருகிறது. அதை விற்று தான் எழுதிய புத்தகத்தை பதிப்பிக்க விரும்புகிறார். அதனால் அந்த வில்லாவை விற்க தன் காதலி ஆர்த்தியை (சஞ்சிதா ஷெட்டி) கூட்டி கொண்டு பாண்டிச்சேரி செல்கிறார். அந்த வில்லாவில் சில பல ஓவியங்களை பார்க்கிறார். ஜெபின் வாழ்வில் பல வருடங்கள் முன்பு நடைபெற்ற சம்பவங்களின் தொகுப்பாய் அவ் ஓவியங்களை அவர் கண்ணுக்கு தெரிகிறது. அந்த ஓவியங்களை வரைந்தது யார் ?  ஏன் வரைந்தார்கள் ? ஓவியங்களில் வரைந்த இருந்த சம்பவங்கள் எல்லாம் நடந்தனவா என்கிற சுவாரசிய முடிச்சுகளை சுவாரசியம் இல்லாமல் அவிழ்ப்பது தான் மீதி கதை. 

எனர்ஜியை உருவாகவும் முடியாது, அதை அழிக்கவும் முடியாது. எல்லா வினைக்கும் ஒரு எதிர் வினை உண்டு, என்று நாம் எப்போதோ படித்த அறிவியல் பாடங்களை வைத்து கதையை பின்னி இருக்கிறார் அறிமுக இயக்குனர் தீபன் சக்ரவர்த்தி. தன் அப்பா வரைந்த ஓவியங்களிலால் ஒருவனின் வாழ்வில் ஏற்படும் மாற்றங்களும் திகில் முடிச்சுகளை, எப்படி அவன் எதிர்கொள்கிறான் என்பது தான் கதையின் ஆதார முடிச்சு. இதை வலுவில்லாத திரைக்கதையின் மூலம் சொல்லி சொதப்பி விட்டார். இன்னும் நிறைய பில்ட் வொர்க் பண்ணி இருந்தால் சிறப்பாய் குடுத்து இருக்கலாம்.

மணிவண்ணனின் 100 ஆவாது நாள் படத்தில் கூட, நளனி கனவில் காண்பது எல்லாம் நிஜத்தில் நடப்பது போல் கதை அமைக்க பட்டு இருக்கும். பேய், பிசாசு, பில்லி, சூனியம் என்று எந்த ஜல்லியும் அடிக்காமல், ஏன் அது போன்று நடக்கிறது என்பதருக்கு விஜயகாந்த முலம் மிக எளிமையாக விளக்கி இருப்பார் மணிவண்ணன். ராஜவின் பின்னணி இசை சாதாரண காட்சியை கூட திகில் காட்சி போன்ற தோற்றத்தை உண்டு பண்ணும். இதிலும் கனவு போன்றே எதிர்காலத்தை நடப்பதை கணிக்கும் கான்செப்ட் தான், ஆனால் நெகடிவ் எனர்ஜி, பிளாக் மேஜிக், நர பலி என்று ஏதோ ஏதோ சொல்கிறார்கள். சரி திகில் காட்சிகளாவது நன்றாக இருக்குமா என்று பார்த்தால், அதிலும் பெரிய அளவு தாக்கம் ஏற்படவில்லை.

நாயகன் அசோக், படம் முழுக்க இறுக்கமான முக தோற்றத்துடன் தான் வருகிறார். கதையின் தேவைக்கு அப்படி வருகிறாரா, இல்லை அவரின் முகமே அப்படித்தானா என்று புரிந்துகொள்ள முடியவில்லை. திகில் காட்சிகளிலும் ஒரே மாதிரியான முகபாவனைகைகள். பீட்சா விஜய் சேதுபதியுடன் கம்பேர் செய்தால் ஒன்றுமே இல்லை. நாயகி சஞ்சிதா ஷெட்டி, சூது கவ்வும் ஷாலுமா. நடிக்க பெரிய வாய்ப்பு இல்லை. இவரின் கதாபாத்திரத்தை பீட்சா போல் கிளைமாக்ஸ் ட்விஸ்ட் வைக்கிறேன் என்று சொல்லி குழப்பி கூல் ஆக்கி விட்டார் இயக்குனர்.

பின்னணி இசையில் சந்தோஷ் நாராயணன் கலக்கியிருந்தாலும் படத்தின் திரைக்கதை அவருடைய பின்னணி இசைக்கு ஈடு கொடுக்கவில்லை என்பதுதான் உண்மை. நெகடிவ் எனர்ஜியை விரட்ட எடுக்க படும் முயற்சியின் போது ஒளிப்பதிவில் கலக்கியிருக்கிறார் தீபக் குமார், ஆனால் பார்வையாளனை பயமுறுத்தும் வகையில் காட்சிகள் இல்லாமல் போனது அவரின் துரதிஷ்டம். கடைசியாக இன்னும் மெனக்கெட்டு கட்டி இருந்தால் வில்லா பேச பட்டு இருக்கும்.

வில்லா - பயமே இல்லா திகில் படம்.

My Rating: 6.2/10.

சமிபத்தில் எழுதியது : FAR CRY 3

New World (2013) - கொரியன் கேங்ஸ்டர் மூவி !!!

கேங்ஸ்டர் படங்களின் மீது எனக்கு எப்பொழுதும் தனி ஈர்ப்பு உண்டு. கேங்ஸ்டர் படங்கள் மீதான் என்னுடைய காதல் 8 வயதில் ஆரம்பம் ஆனது என்று நினைக்கிறன். அந்த வயதில் தான் "நாயகன்" படம் பார்த்தேன். கோவை அருண் தியேட்டரில் நாயகன் படம் பார்த்து, கமல் இறக்கும் இறுதி காட்சியில் நான் தேம்பி தேம்பி அழுதது இன்னும் என் நினைவில் இருக்கிறது. பெரியவன் ஆனதும் வேலு நாயகர் போல் நானும் கேங்ஸ்டர் ஆக வேண்டும் என்றெல்லாம் எண்ணியது உண்டு. விவரம் புரிய ஆரம்பித்தவுடன் நான் அதிக முறை ரசித்து பார்த்த ஸ்டைலிஷ் கேங்ஸ்டர் படம் "பாட்ஷா". ரஜினி டானாக மாறி படியில் நடந்து வரும் காட்சியை இப்பொழுது பார்த்தாலும் எனக்கு வேர்த்து விடும். IMDB மற்றும் ஹாலிவுட் படங்களின் அறிமுகம் கிடைத்தவுடன் நான் தேடி தேடி பார்த்தது அனைத்துமே கேங்ஸ்டர் படங்கள் தான். 

இன்று வரையில் நான் சிறந்த கேங்ஸ்டர் படமாக கருதுவது கொப்பாலாவின் "The God Father" படம் தான். அதன் பிறகு நான்  வேர்க வேர்க்க ரசித்து பார்த்த ஹாலிவுட் கேங்ஸ்டர் படம் "The Departed". பிறகு தான் தெரிந்தது "The Departed" "Infernal Affairs" என்கிற கேன்டனீஸ் படத்தின் தழுவல் என்று. அன்று ஆரம்பித்த ஆசியன் படங்கள் மீதான் மோகம் இன்னும் எனக்கு குறையவேயில்லை. சமிபத்தில் நண்பர் பிரதீப் ரெகமென்ட் செய்த கொரியன் படமான "New World" பார்க்கும் வாய்ப்பு கிட்டியது. Infernal Affairs, Departed அளவுக்கு வேர்கவில்லை என்றாலும், மிக சிறந்த த்ரில்லர் படம் பார்த்த திருப்தி  கிட்டியது. பிரதீப்க்கு என் நன்றிகள்.

படத்தின் ஆரம்பம்பமே ரத்த களரி தான். போலீஸ் உளவாளி என்று சந்தேகிக்கும் ஒரு நபரை சித்திரவதை செய்து கொலை செய்கிறார்கள் "கோல்ட்மூன்" என்கிற கொரிய மாபியா கும்பலை சேர்ந்தவர்கள்.  கோல்ட்மூன் நிறுவனம் கொரியாவின் மிக பெரிய கார்ப்பரேட் மாபியா கூட்டமைப்பு. இந்த மாபியா கும்பலில் கடந்த எட்டு வருடங்கள் விசுவாசமாய் கொலை செய்து வருபவன் கதையின் நாயகன் "Jung-Jae". இவர் போலீஸ் என்பது படம் ஆரம்பித்தவுடன் நமக்கு தெரிந்து விடுகிறது.

 Jung-Jae-னை ஆட்டுவிப்பது போலீஸ் கமிஷனர் Min-sik Choi. "Old Boy" படத்தில் மாயாஜாலம் நிகழ்த்தியவர். இதிலும் வெயிட்டான ரோல். இவரின் ஒரே மிஷன் கோல்ட்மூன் கூட்டமைப்பை போலீஸ் கட்டுபாட்டில் கொண்டு வந்து அவர்களை மொத்தமாய் ஒழித்து புது உலகம் படைப்பது தான். அந்த ஆபரேஷனுக்கு பெயர் தான் "New World". ஆபரேஷனின் ஒரு பகுதியாய் தான் Jung-Jae போன்று பல போலீஸ் அதிகாரிகளை கோல்ட்மூன் நிறுவனத்தில் ஊடுருவி இருப்பார்கள். யார் போலீஸ், யார்  மாபியா என்று நம்மால் யூகிக்க முடியாத படி ஏகப்பட்ட ட்விஸ்ட்.

கோல்ட்மூன் கூட்டமைப்பின் சேர்மன் கார் விபத்தில் மர்மமான முறையில் கொல்லபடுகிறார். அடுத்த தலைவருக்கான் தேர்தல் நடைபெறும் வேளையில், சேர்மன் பதவிக்கு இரண்டாம் கட்ட தலைவர்களான Jeong மற்றும் Lee யிடையே கடும் கேங் வார் மூள்கிறது. கதையின் நாயகன் "Jung-Jae" Jeong - கின் வலது கை. இவர்களின் கேங் வாரின் இறுதியில் யார் உயிர் பிழைக்கிறார்கள், யார் மரணத்தை தழுவுகிறார்கள் என்பதை ஏகப்பட்ட ட்விஸ்ட் மூலம் சொல்லி இருக்கிறார் இயக்குனர். 

துரோகம் மற்றும் நம்பிக்கை துரோகதிருக்கு இருக்கும் மிக மெல்லிய வித்தியாசத்தை மிக அழகாக காட்சிபடுத்தி இருப்பார் இயக்குனர் Hoon-Jung Park. முதல் காட்சி மற்றும் கார் பார்கிங் சண்டை தவிர்த்து அதிக ரத்த வன்முறை இல்லாமல் படத்தை கொண்டு சென்றது பெரிய ஆறுதல்.  "The GodFather" படத்தின் சாயல் இல்லாமல் எந்த கேங்ஸ்டர் படமும் எடுக்க முடியாது. அல் பசினோ டான்னாக மாறும் காட்சியை அவரின் மனைவி மிரட்சியுடன் கதவின் வழியே பார்க்கும் காட்சி போன்று இதிலும் உள்ளது. 

கொரியன் கேங்ஸ்டர் படங்களின் சிறப்பே, கேங்ஸ்டர் கதாபாத்திரங்களின் வடிவமைப்பு தான். செம ஸ்டைலிஷாய் இருப்பார்கள். கார்ப்பரேட் கம்பெனியில் வேலை செய்யும் சீப் அதிகாரிகள் போல் இருப்பார்கள். இந்த படத்திலும் செம காஸ்ட்யூம். அதிக வன்முறையை காட்டாமல், வசனங்கள் மூலமாய் சூழ்நிலையின் வீரியத்தை சொல்லி விடுகிறார் இயக்குனர். குறைந்த அக்ஷன் காட்சிகள் இருந்தாலும், இருக்கும் இரண்டு சண்டை காட்சிகள் ரியலிஸ்டிக்காக இருப்பது மற்றுமோர் சிறப்பு. 

இயக்குனர் Park Hoon Jeong இதற்க்கு முன்பு "I Saw the Devil" என்கிற கிரைம் படத்துக்கு திரைக்கதை எழுதியவர். ஒளிப்பதிவும் பின்னணி இசையும் பிரமாதம். பின்னணி இசை படத்தின் டெம்போவை குறைக்காமல் கொண்டு செல்வதில் பெரும் பங்கு ஆற்றி உள்ளது. The Departed ஸ்டைல் கேங்ஸ்டர் படம் பார்க்கும் எண்ணம் இருந்தால் நீங்கள் கண்டிப்பாய் தவற விட கூடாத படம் New World.

சமிபத்தில் எழுதியது : The chaser (2008)

New World  - கொரியன் கேங்ஸ்டர் மூவி

My Rating: 7.8/10.

The chaser (2008) - சீரியல் கில்லரை துரத்தும் பிம்ப் !!

தமிழ், ஹாலிவுட் தவிர்த்து நான் மிகவும் விரும்பி பார்ப்பவை கொரியன் படங்களே. சில கொரியன் படங்கள் தரத்தில் ஹாலிவுட் படங்களையே மிஞ்சி விடும். தரம் என்று நான் இங்கு குறிப்பிடுவது தொழில்நுட்பத்தை அல்ல, தொழில்நுட்பத்தில் இவர்கள் இன்னும் அவதார், அவென்ஜர்ஸ் அளவுக்கு வளரவில்லை என்றாலும், புதுமையான கதை களம், அற்புதமான திரைக்கதை, பர பர அக்ஷன் படங்கள் குடுப்பதில் இவர்கள் கை தேர்ந்தவர்கள். உலக சினிமாவில் அணைத்து ஜெனரில் இருந்தும் சிறந்த படங்களை தேர்வு செய்தால், அந்த அந்த ஜென்ரில் இருக்கும் முதல் ஐந்து படங்களில் கண்டிப்பாய் கொரியன் படங்கள் தவறாமல் இடம் பிடித்து இருக்கும். The chaser 2008 ஆம் ஆண்டு வெளிவந்த மிக சிறந்த த்ரில்லர் படம். சவுத் கொரியாவில் நடைபெற்ற உண்மை சம்பவத்தை அடிப்படையாக வைத்து எடுக்க பட்ட படம். 

கதையின் நாயகன் "Yun-seok Kim", சந்தர்ப வசத்தால் தன் டிடெக்டிவ் வேலையை விட்டு விட்டு விபசாரத்துக்கு பெண்களை சப்பளை செய்யும் மாமா வேலை பார்க்கிறான். தொழில்க்கு அனுப்பிய அவனது இரு பெண்களை திடீரென்று மாயமாய் மறைந்து போகிறார்கள். ஒரு கஸ்டமரிடம் இருந்து அழைப்பு வர, அவனது டீமில் இருக்கும் "Mi-jin" என்கிற பெண்ணை அந்த கஸ்டமரை அட்டென்ட் செய்ய அனுப்புகிறான். "Mi-jin" க்கு எட்டு வயதில் பெண் குழந்தை வேறு இருக்கிறது. கால் வரும் நேரத்தில் அவளுக்கு உடம்பு முடியாமல் வேறு இருக்கிறது. 

Yun-seok Kim அவளை மிகவும் வற்புறுத்தி அந்த கஸ்டமரை அட்டென்ட் செய்ய சொல்கிறான். Kim ஆபீஸில் உட்கார்ந்து இருக்கும் போது தான் அந்த கஸ்டமரின் போன் நம்பரை எதேச்சையாக பார்க்கிறான். "4885" என்று முடிகிறது அந்த நம்பர். கடைசியாக காணாமல் போன அவனது இரு கால் கேர்ள்சை அழைத்த அதே நம்பர். "Mi-jin"-னை பகடை காயாய் வைத்து காணமல் போன அவனது இரண்டு பெண்களை மீட்க நினைக்கிறான். 

Mi-jin வேறு வழி இல்லாமல் "4885" கஸ்டமரின் வீட்டுக்கு செல்கிறாள். ரெஸ்ட் ரூம் சென்று அங்கிருந்து Kim க்கு அவள் இருக்கும் வீட்டின் அட்ரெசை அனுப்புவது தான் திட்டம். ரெஸ்ட் ரூமில் தன் மொபைல் போனை எடுத்தால், அதில் சிக்னல் பார் சீரோ. வெளியில் வந்தால் கையில் சுத்தியில் மற்றும் உளியுடன் "4885". Yun-seok Kim Mi-jin-னை தேடி கொண்டு அதே ஏரியாவில் வந்து சேர்கிறான். இங்கு இருந்து வேகம் பிடிக்கும் படம் இறுதி வரை பரபரப்பு குறையாமல் பயணம் செய்கிறது. Mi-jin மீட்கப்பட்டாளா ?? "4885"  யார் ?? காணமல் போன கால் கேர்ள்ஸ் என்ன ஆனார்கள் ?? போன்ற கேள்விக்கான விடைகளை "நெட்பிளிக்ஸ்" அல்லது "டோரென்ட்" உதவியை நாடி அறிந்து கொள்ளுங்கள். 

படம் சீரியல் கில்லரை பற்றியது என்று முன்பே சொல்லி விட்டேன். ஆனால் நார்மல் படங்களில் இருப்பதை விட ரத்த வன்முறை குறைவு தான். படத்தின் போஸ்டரில் "புருடல்" என்று விளம்பரத்துக்கு பயன்படுத்தி இருப்பார்கள். ஆனால் அதித கொடூர காட்சிகளுக்கு வாய்ப்பு இருந்தும் இயக்குனர் ஏனோ அதை தவிர்த்து இருப்பார். பின்னணியில் மெல்லிய இசை தவழ, ரத்தம் தெறிக்க நடைபெறும் ஒரு கொலை காட்சியை தவிர படத்தில் கொடூர காட்சிகள் ஒன்றுமேயில்லை. அதிலும் கூட பார்வையாளனின் கற்பனைக்கே அந்த காட்சியை விட்டு விடுவது இன்னும் சிறப்பு.

Yun-seok Kim தேர்ந்த டிடெக்டிவ். அவன் ஏன் பிம்ப் ஆனான் என்பதருக்கு எந்த சோக பிளாஷ்பேக்கும் இல்லாதது பெரிய ஆறுதல். இவரது கதாபாத்திர தன்மையை ஆரம்ப காட்சிகளில் இயக்குனர் நன்றாக புரிய வைத்து விடுவார். தனது டீமில் இருக்கும் கால் கேர்ள்ஸுக்கு ஏதாவது பிரச்சினை என்றால் உதவிக்கு ஓடி வருவதில் இருந்ததே பிம்ப் ஆக இருந்தாலும் அவனுக்கும் ஈரம் இருக்கிறது என்பது புரிந்து விடுகிறது. Mi-jin அடைக்க பட்ட வீட்டை இவர் தேடி செல்லும் ட்ரையல் செமையாக இருக்கும். கிடைக்கும் தடையங்களை வைத்து சிக்கலான முடிச்சுகள் இவர் அவிழ்க்கும் காட்சிகளில் பரபரப்புக்கு பஞ்சமே இருக்காது. 

Jung-woo Ha "4885" சீரியல் கில்லர் கதாபாத்திரத்தில் நடித்து இருப்பவர். இவருக்கும் எந்த பிளாஷ்பேக்கும் வைக்காமல், இவர் ஏன் கால் கேர்ள்சை தேடி தேடி கொல்கிறார் என்பதை ஒரு விசாரணை காட்சியில் விவரித்து இருப்பார்கள். அட்டகாசமான காட்சி அது. விசாரணை செய்பவர் Jung-woo தொடர் கொலைகளை செய்வதின் காரணத்தை விவரிக்கும் காட்சியில் இவரின் முகபாவனைகைகள் மிகவும் தந்துருபமாய் இருக்கும். இந்த பூனையும் பால் குடிக்குமா போன்ற இவரின் முகம் சீரியல் கில்லர் கதாபாத்திரத்துக்கு நன்றாக பொருந்தி உள்ளது. 

Na Hong-jin என்பவரின் முதல் படைப்பு The chaser. படத்தில் நிறைய லாஜிக் ஓட்டைகள் அப்பட்டமாய் தெரியும். ஆனால் திரைகதையின் வேகத்தில் அந்த குறைகள் பெரிதாய் தெரியாது.  இதே படத்தை தழுவி (??!) ஹிந்தியில் மர்டர் -2 என்கிற காவியத்தை எடுத்தார்கள். நல்ல த்ரில்லர் படங்களை பார்க்க விரும்பும் யாரும் தவற விட கூடாத படம் இது. 

The chaser - செம த்ரில்லர் !!!

My Rating: 8.1/10.

அஸ்ஸாசின்ஸ் (2009)- திட்டமிட்ட விபத்துக்கள்- கேன்டனீஸ் மூவி

பதிவு எழுதி கிட்ட தட்ட முன்று மாதங்கள் ஆகி விட்டது. இங்கு அமெரிக்காவில் வேலை பளு காரணமாக பதிவுலக வாழ்கையில இருந்து தற்காலிக ஓய்வு எடுக்க வேண்டி நிலைமை. இடைப்பட்ட காலத்தில் பல நல்ல தமிழ்/ பிறமொழி திரைப்படங்கள் பார்க்க நேர்ந்தது ஆனாலும் ஏதோ ஒன்று எழுதுவதை தடுத்து கொண்டே வந்தது.அது நிச்சியம் சோம்பேறித்தனம் தவிர வேறொன்றும் இல்லை.

இந்த பதிவில் ஒரு மகிழ்ச்சியான செய்தியை இந்த ப்ளாக் ரீடர்ஸ்களுக்கும் மற்றும் எனது நண்பர்களுக்கு பகிர்ந்து கொள்கிறேன். அதாவது ஏப்ரல் மாதம் 29 ஆம் தேதி எனக்கு "அப்பா" என்கிற உயரிய ப்ரோமோஷன் கிடைத்தது. பையன் பிறக்கும் போது நான் பக்கத்தில் இருந்து அவன் அழுகையை ரசிக்க முடியாமல் போனது எனக்கு பெரிய வருத்தமே. அந்த வருத்தத்தை போக்க மே மாதம் 15 ஆம் தேதி இந்தியா வந்து கிட்ட தட்ட முன்று வாரம் பையனுடன் இருந்து விட்டு நேற்று (ஜூன் 7) தான் திரும்ப யூ.ஸ் வந்து சேர்ந்தேன். இடைப்பட்ட நாட்களில் சென்னையில் பதிவுலகத்தை சேர்ந்த நண்பர்களை சந்தித்தது மனதுக்கு பெரிய நிறைவை குடுத்தது. பதிவு எழுதுவதை விட்டு விடுவது பெரிய முட்டாள்தனம் என்பதை உணர்ந்து கொண்டேன். நிறைய படங்களை எழுத முடியாவிட்டாலும் அவ்வப்போது நேரம் ஏற்படுத்தி நான் ரசித்த படங்களை பற்றி எழுதாமல் என்று எண்ணுகிறேன். பார்க்கலாம் எப்படி போகிறது என்று.

அஸ்ஸாசின்ஸ் AKA ஆக்சிடென்ட்ஸ் (2009) கேன்டனீஸ் மொழி திரைப்படம். கேன்டனீஸ் என்பது நமது பாஷையில் சைனீஸ் மொழி. இந்தியா டூ லண்டன் விமான பயணத்தில் இந்த படத்தை பார்க்க நேர்ந்தது. படம் அட்டகாசமான திரில்லர் வகையை சேர்ந்தது. இன்ஃபெர்னல் அஃபேர்ஸ் (Infernal Affairs - 2002) வகை கேன்டனீஸ் படங்களை நீங்கள் விரும்பி பார்த்து இருந்தீர்கள் என்றால் இந்த படம் உங்களுக்கு நிச்சியம் பிடிக்கும். The Departed (2006) படம் இன்ஃபெர்னல் அஃபேர்ஸ் படத்தின் தாக்கத்தில் உருவானது தான். 90 நிமிடங்கள் ஓடும் ஆக்சிடென்ட்ஸ் திரைப்படம் ஒரு நல்ல ரோல்லர் கோஸ்டர் ரைட் என்றல் அது மிகையாகாது. படத்தின் இறுதி காட்சி வரை சுவாரிசியமா இருக்கும். படத்தை பற்றி இப்பொழுது பார்க்கலாம்.

கூட்டம் நிறைந்த பீக் ஹவர்ஸ் டிராபிக்கில் இளம் பெண் ஓட்டி வந்த கார் பஞ்சராகி நடுவில் நின்று விடுகிறது. பின்னால் வரும் நடுத்தர வயதுக்காரர் கடுப்பாகி தனது காரை காலியான பக்கத்து தெருவுக்கு திருப்புகிறார். நேரத்தில் அவர் ட்ரக் ஒன்றுக்கு வழிவிட்டு ஓரமாகச் செல்கையில் வீதியின் மேலே கட்டியிருந்த பேனர் ஒன்று எதிர்பாராத விதமாக கார் கண்ணாடி மீது விழுகிறது. இவர் காரை விட்டு இறங்கி கடைக்கார‌ரிடம் பேனரை அகற்றும்படி சொல்கிறார். அவரோ அது தன்னுடையதில்லை, மேலே உள்ளவர்களுடையது என்கிறார். கோபத்தில் காரை ஓட்டி வந்தவர் பேனரை இழுக்க, அதை கட்டியிருந்த கம்பி விசையுடன் அவருக்கு மேலேயுள்ள கண்ணாடியில் மோதி, கண்ணாடி உடைந்து அவர் மீது மழை போல பொழிகிறது. அந்த இடத்திலேயே ரத்த வெள்ளத்தில் துடிதுடிக்க சாய்கிறார் காரை ஓட்டி நடுத்தர வயது ஆசாமி. முதலுதவிக்கு அவரை எடுத்துச் செல்லவோ, ஆம்புலன்ஸ் உதவிக்கு வரவோ முடியாதபடி சுற்றிலும் ட்ராஃபிக் ஜாம். சற்று நேரத்தில் எல்லோரும் பார்த்து நிற்க அந்த  துரதிஷ்டவசமாக விபத்தில் அவர் இறந்து போகிறார்.

சிறிது நேரம் கழித்து தான் நமக்கு புரிகிறது இது விபத்து இல்ல, திட்ட மிட்ட படுகொலை என்பது. இதில் இருந்து நாம் நிமிர்ந்து உட்காருவோம். அடுத்து இந்த கொலையை செய்தவர்களை பற்றி நாம் தெரிந்து கொள்வோம். அவர்கள் நான்கு பேர் கொண்ட டீம். அழகிய இளம் பெண், வயதான அங்கிள் ஒருவர், குண்டு மனிதன் இவர்கள் மூவரையும் வழி நடத்தும் விபத்துகளை திட்டமிடும் பிரைன் (Brain) எனப்படும் இளைஞன். தமிழ் சினிமா பாஷையில் சொன்னால் கூலிப்படை. ஆனால் இவர்களின் வொர்க்கிங் ஸ்டைல்தான் வித்தியாசம். யாருக்கும் சந்தேகம் வராதபடி விபத்து போல் கொலைகளை செட்டப் செய்வதுதான் இவர்களின் ஸ்பெஷாலிட்டி.

அடுத்து இவர்களுக்கு ஒரு ஆஃபர் வருகிறது. நடக்க முடியாமல் சக்கர நாற்காலியில் அமர்ந்து இருந்து ஒரு பெரியவரை கொலை செய்ய வேண்டும் என்பது தான் அந்த வேலை. இவர்களும் அந்த வேலையை ஏற்று கொண்டு அதற்கான ப்ளான் தயார் செய்கிறார்கள். அந்த காட்சி மிகவும் நன்றாக படமாக்க பட்டு இருக்கும், அந்த ப்ளானை மிகவும் வி‌ரிவாக காட்டுவார்கள். சக்கர நாற்காலி மனிதரை இவர்கள் வெற்றிகரமாக கொலை செய்த பிறகு எதிர்பாராதவிதமாக அவர்கள் டீமைச் சேர்ந்த குண்டு மனிதன் விபத்தில் இறந்து போகிறான். இறப்பதற்கு முன் பிரைனிடம் அவன் சொல்வது, "இதுவும் விபத்துதானா?"

இதை கேட்டவுடன் மற்ற டீம் மெம்பெர்ஸ்க்கு பயம் பிடித்து கொள்கிறது. குண்டு ஆள் இறந்து போனது நிஜமாகவே விபத்தா இல்லை அவர்களைப் போல் யாரேனும் திட்டமிட்டு உருவாக்கிய விபத்து கொலையை என்று? பிரைன் தனது விசாரணையை முடுக்கி விட, சக்கர நாற்காலி ஆளின் இன்சூரன்ஸ் ஏஜெண்ட் மீது சந்தேகம் வலுக்கிறது. ஏஜெண்ட் தான் குண்டு ஆளை திட்டமிட்டு கொலை செய்து விட்டான் என்று பிரைன் நம்பி அந்த ஆளை நெருங்கும் சமயம் இவர்கள் டீமின் வயதான அங்கிள் மற்றுமொரு விபத்தில் உயிரை விடுகிறார். இனி பழிக்கு பழி என்று பிரைன் முடிவு செய்து ஏஜெண்டை விபத்து போல் கொலை செய்ய துல்லியமாய் திட்டமிட்டு தனது ப்ளானை செயல்படுத்தும் போது தான் உண்மை தெரியவருகிறது. அதுவும் கடைசிக்கு கடைசியாக தான் யார் கொலையாளி என்று தெரியவருகிறது. அது தெரியும் போது நிச்சியம் ஒரு "அட" போட வைக்கும். அது என்ன வென்று படம் பார்த்து தெரிந்து கொள்ளுங்கள்.

ஆக்சிடென்ட்ஸ் - விபத்தா..?? கொலையா...??

படத்தின் ட்ரைலர் காண:
http://www.youtube.com/watch?v=V9ljtnwHOUE

My Rating: 7.7/10......

க்வென்டினின் மாஸ்டர் பீஸ் -Inglourious Basterds (2009)

இன்னைக்கு நான் உங்களுக்கு அறிமுக படுத்த போகும் படம் Inglourious Basterds. படம் வெளி வந்த ஆண்டு 2009. படத்தோட டைரக்டர் என்னோட ஆல் டைம் பேவரைட் க்வென்டின் டரென்டினோ (Quentin Tarantino). எனக்கு பிடிச்ச டாப் 5 படங்களில் இவரு படம் 2 இருக்கும், அது Pulp Fiction & Kill Bill. க்வென்டினின் கதை சொல்லும் பாணி மிகவும் வித்தியாசமானது, இவரின் அனேக படங்களில் நான்-லீனியர் பாணி கையாள பட்டு இருக்கும். சரி நான்-லீனியர்னா என்ன? நம்ப ஒரு நாவல் வாங்குறோம், எப்படி படிப்போம்? முதல் அத்தியாத்தில் இருந்து கடைசி அத்தியாயம் வரைக்கும் படிச்சா அது லீனியர் (Linear) வகை. அதே நாவலை கடைசி அத்தியாயத்தின் சில பத்திகளை, எடுத்தவுடன் படித்து விட்டு மீண்டும் முதல் அத்தியாயத்திலிருந்து படிக்கத் துவங்கி, நடுவில் நான்காவது அத்தியாயத்தை மூன்றாவதாகவும், மூன்றாவதை நான்காவதாகவும் படித்து விட்டு, மீண்டும் கடைசி அத்தியாயத்தை முழுமையாகப் படித்து முடித்தால் அதுதான் நான்-லீனியர் (Non-Linear). க்வென்டின் நான்-லீனியர் ஆக கதை சொல்லுவதில் வல்லவர். அவரின் அனேக படங்கள் நான்-லீனியர் வகையை சேர்ந்தவை. ஒரு நல்ல நாவல்னா எப்படி படிச்சாலும் புரியணும். அதே போல தான் நல்ல திரைகதை-ஆசிரியர் எழுதிய திரைக்கதையும் நமக்கு புரியணும். க்வென்டின் ஒரு நல்ல திரைகதை-ஆசிரியர். ஆனால் Inglourious Basterds படத்தை சற்று மறுபடத்தி லீனியர் வகையில் எடுத்திருப்பார். படம் நேர் கோட்டில் போகும்.

க்வென்டினின் படங்களுக்கு என்று சில விதிமுறைகள் இருக்கும். படத்தில் கதை சொல்லும் பாணியை நாவலில் வருவது போல் அத்தியாயம் (Chapter) வரியாக பிரித்து இருப்பார். நீநீநீநீண்ட மற்றும் கூர்மையான வசனங்கள், அளவை மீறிய வன்முறை, மெல்லிய நகைச்சுவை, நான்-லீனியர் பாணி போன்றவை க்வென்டினின் படங்களில் தவறாமல் இடம் பெறுபவை. ஆனால் இந்த படம் அவரின் மற்ற படங்களில் இருந்து மாறுபட்டு இருக்கும். ஏன் என்றல் இந்த படத்தில் க்வென்டினின் லீனியர் பாணியில், அதாவது நேர் கோட்டில் கதை சொல்லி இருப்பார். திரைக்கதையில் ஒரு ஐந்து நிமிடம் கூட தொய்வு இல்லாமல் படம் செல்கிறது. படத்தில் ஒரு முக்கியமான் கதாபாத்திரத்தில் அமெரிக்க உளவாளியாக ப்ராட் பிட் (Brad Pitt) நடித்து இருப்பார். மற்றும் ஒரு மிக முக்கிய கதாபாத்திரத்தில் ஜெர்மன் ராணுவ அதிகாரியாக க்ரிஸ்டஃப் வால்ட்ஸ் (Christoph Waltz) நடித்து இருப்பார். இப்படத்தில் நடித்ததற்காக க்ரிஸ்டஃப் வால்ட்ஸ்க்கு 2010 ஆம் ஆண்டு சிறந்து துணை நடிகருக்கான ஆஸ்கார் விருது வழங்க பட்டது. சரி இப்போது இந்த படத்தின் கதை என்னவென்று பார்போம்.

Chapter-1: Once Upon a Time in Nazi-Occupied France: 

இரண்டாம் உலக போர் நடக்கும் காலகட்டத்தில் “Once Upon a Time in Nazi-Occupied France” என்ற வரிகளுடன் படம் ஆரம்பிக்கும். வால்ட்ஸ் (Waltz) ஒரு பிரெஞ்சு விவசாயின் வீட்டுக்கு வந்து, அவனது வீட்டில் யூதர்கள் யாரையாவது ஒளிந்து கொண்டு இருக்கிறார்களா என்று விசாரணை செய்வார். அந்த விசாரணை, சுமார் 7 நிமிடங்கள் நடக்கும். க்வென்டின் ஸ்டைல் நீண்ட உரையாடல்கள், சும்மா அதகளமாய் இருக்கும், விசாரணையின் முடிவில் அந்த விவசாயி தன் வீட்டில் ஒரு யூத குடும்பம் ஒளிந்து இருப்பதை ஒத்துகொள்வார். வால்ட்ஸ் (Waltz) சிறிதும் இரக்கம் இல்லாமல் அந்த மொத்த குடும்பத்தை சுட்டு கொன்று விடுவார். அந்த குடும்பத்தில் இருந்து ஒரு பெண் மட்டும் தப்பி ஓடி விடுவார். பெண்ணின் பெயர் ஷோசான்னா (Shosanna). நிற்க....

Chapter-2: Inglourious Basterds: 

இந்த அத்தியாயத்தில் அமெரிக்கன் உளவாளி ப்ராட் பிட் (Brad Pitt) தனது Inglourious Basterds படைகளுடன் அறிமுகம் ஆவார். இந்த படை படையின் முக்கிய குறிக்கோள் ஜெர்மன் நாட்டில் இருக்கும் ஜெர்மன் படை வீரர்கள் மனதில் அச்சத்தை விதைப்பது. அதற்காக இந்த படை கையில் அகப்படும் ஜெர்மன் வீரர்களின் கபாலத்தைக் கொய்வது, அவர்களை மிகவும் கொடுரமான முறையில் கொலை செய்வது போன்ற நல்ல காரியங்களை செய்து வருகிறார்கள். இதில் ப்ராட் பிட் (Brad Pitt) பேசும் அசென்ட், மிகவும் அற்புதமாக இருக்கும். இந்த ரெண்டு அத்தியாயத்தில் முடிவில் வால்ட்ஸ் (Waltz) மற்றும் ப்ராட் பிட் (Brad Pitt) இரு வேறு துருவங்கள் என்று நாம் உணர்ந்து விடுவோம்....

Chapter-3: German Night In Paris: 

இப்பொழுது முதல் அத்தியாயத்தில் வால்ட்ஸ்யிடம் (Waltz) இருந்து தப்பித்த யூத பெண் ஷோசான்னா (Shosanna), பாரிஸ் நகரத்தில் ஒரு சினிமா தியேட்டர்ரை நிர்வகித்து வருவார். இரவு கட்சிக்கு தயார் ஆகி கொண்டிருக்கும் போது அங்கு வரும் ஒரு ஜெர்மன் ராணுவ வீரன் ஷோசான்னாவை (Shosanna), முதல் பார்வையிலே காதலிக்க ஆரம்பத்து விடுவார். ஜெர்மன் ராணுவ வீரனின் பெயர் பெட்ரிக் (Fredrick Zoller). இவர் ஜெர்மனியின் பெருமையை எடுத்து விளக்கும் Nation's Pride என்ற போர் திரைபடத்தில் கதாநாயகனாக நடித்து இருப்பார். அந்த திரைபடத்தின் முதல் காட்சி பாரிஸ் இருக்கும் ஒரு பெரிய திரைஅரங்கில் வெளியிட பட இருக்கும். பெட்ரிக்கு ஷோசான்னாவின் மேல் இருக்கும் காதலால் தன் கனவு திரைபடத்தை ஷோசான்னாவின் திரைஅரங்கிலே முதல் காட்சியை வெளியிட முடிவு செய்து விடுவான். அதற்கான அனுமதியையும் ஜெர்மன் உயர் அதிகாரியிடம் பெற்று விடுவான். அந்த உயர் அதிகாரி வேறு யாரும் இல்ல, நம்ப முத அத்தியாயத்தில் பார்த்த வால்ட்ஸ் (Waltz) தான்.

Chapter- 4 & 5: Operation KINO & Revange of the Gaint Face:

அந்த திரைபடத்தை பார்பதற்கு ஜெர்மனியின் மிக முக்கிய புள்ளிகள், உயர் ராணுவ அதிகாரிகள் முதல், ஹிட்லர் வரை அனைவரும் பாரிஸ் உள்ள ஷோசான்னாவின் தியேட்டர்க்கு வர இருப்பார்கள். ஹிட்லரின் வருகையை ஒட்டி பாதுகாப்பு ஏற்பாடுகளை கவனிக்கும் பொறுப்பு வால்ட்ஸ்யிடம் (Waltz) தர பட்டு இருக்கும். ஷோசான்னாவிற்கு தன் குடும்பத்தை கொன்ற ஜெர்மானியர்களை கொல்ல அருமையான் சந்தர்ப்பம்.... ப்ராட் பிட்னின் (Brad Pitt) Inglourious Basterds படையும் ஹிட்லரை கொல்ல நல்ல சந்தர்ப்பம் பார்த்து கொண்டு இருப்பார்கள்... ஹிட்லர் பாரிஸில் ஒரு தியேட்டர்க்கு வருவது தெரிந்ததும், மொத்த தியேட்டர்ரை வெடி குண்டு முலம் தகர்க்க திட்டம் தீட்டி விடுவார்கள்... அந்த திட்டத்தின் பெயர் “ஆபரேஷன் கினோ” (Operation Kino).

ஷோசான்னா தியேட்டர்ரை மொத்தம்மாக தீயிட்டு எரித்து விட திட்டம் தீட்டி இருப்பாள்... இதற்கு இடையே வால்ட்ஸ் (Waltz) Basterds படையின் திட்டத்தை கண்டு பிடித்து விடுவார்..

வால்ட்ஸ் (Waltz) Basterds படையின் சதியை முறியடித்தாரா..?? ஷோசான்னா ஜெர்மனியார்களை பழி வாங்கினாளா..?? Basterds என்ன ஆனார்கள்…..?? போன்ற பல கேள்விகளுக்கு க்வென்டின் தனது பாணியில் பதில் சொல்லி இருப்பார். வேகமான நகரும் திரைக்கதையை விரும்பும் அனைவரும் இந்த படத்தை கண்டிப்பாக பார்க்கலாம்....

படத்தின் கடைசி இரண்டு அத்தியாயங்கள் தான் படத்தின் பலமே. அடுத்து என்ன, அடுத்து என்ன என்று உங்களின் டெம்போவை ஏற்றி விடும். 

ப்ராட் பிட் (Brad Pitt) , இது தான் என் “மாஸ்டர் பீஸ்” என்று படம் முடிந்தும் சொல்லுவார். உண்மையில் அவருக்கு இது “மாஸ்டர் பீஸ்” தான்.

வால்ட்ஸ் (Waltz) சும்மா வாழ்ந்து இருப்பார். இரண்டு இடத்தில் இரு வேறு ஆட்களை விசாரணை செய்வார். பார்க்கும் நமக்கே பயமாக இருக்கும்.. அந்த இரண்டு காட்சிக்கு மட்டுமே அவருக்கு ஆஸ்கார் குடுக்கலாம். சிறந்த துணை நடிகருக்கான ஆஸ்கார் விருதை 2010 ஆம் ஆண்டு பெற்றார் வால்ட்ஸ்.

My Rating: 8.2/10......

க்ளாசிக்கல் கொலைகாரன்- No Country For Old Men(2007)

இந்த பதிவு முலமாக நான் உங்களுக்கு அறிமுகப்படுத்த போகும் படம் No Country for Old Men. படம் வெளி வந்த ஆண்டு 2007. இது சஸ்பென்ஸ் த்ரில்லர் வகையை சேர்ந்த படம். ஏதாவது படம் பார்க்கலாம்ன்னு தேடுனப்போ No Country for Old Men என்னோட கண்ணுல பட்டுச்சு. 2008 ஆம் ஆண்டு 4 பிரிவுகளில் ஆஸ்கார் விருதுகளை வாங்கி குவிச்ச படம் இது. அதுவும் சிறந்த படம், சிறந்த துணை நடிகர், சிறந்த டைரக்டர் மற்றும் சிறந்த தழுவல் திரைக்கதை ஆகிய பிரிவுகளில் விருது வாங்கி இருந்தது. அதுவும் இல்லாம இது No Country for Old Men என்ற த்ரில்லர் நாவலை அடிப்படையாக கொண்டு எடுக்க பட்ட விஷயத்தை அறிய முடிந்தது. நாவலை நான் படிக்க வில்லை, அதனால் நான் படத்தை பற்றிய என்னுடைய அனுபவத்தை மட்டும் பகிர்கிறேன்.

அப்படி என்ன தான் படத்துல இருக்குன்னு பார்த்தா, படம் பார்த்த என்னை ரொம்பவே மற்றும் ரொம்ப நேரம் யோசிக்க வச்சிருச்சு. என்ன யோசனையினா “ங்கொயால என்ன படம் டா இது” அப்படிங்கிற மாதிரி. என்ன மாதிரி சராசரி சினிமா ரசிகனுக்கு இந்த படம் ஒரு ரொம்ப வித்தியாசமான அனுபவம். ஏனா ஹாலிவுட்டின் நிறைய பார்முலாவை இந்த படம் ஒடச்சு இருக்கும். சாதாரனமா ஒரு படத்துல, ஹீரோ இருப்பார், வில்லன் இருப்பார், ஹீரோயின் இருப்பாங்க. ஆனா இதுல்ல அந்த மாதிரி நம்ப யாரையும் பாகு படுத்தி பார்க்க முடியாது. மொத்தம் முன்று முக்கியமான கதாபாத்திரங்கள், அதுல நமக்கு யார புடிச்சுருக்கோ, அவங்களையே நம்ப ஹீரோவா வச்சுக்கலாம். பிடிக்காதவங்களை வில்லனா வச்சுக்கலாம். நம்ப இஷ்டம். அந்த மூன்னு கதாபாத்திரங்கள் யாரு யாரு..?? அப்புறம் படத்தோட கதை என்னன்னு இப்போ பார்போம்.

அமெரிக்காவின் டெக்சாஸ் மகாணத்தில் நடைபெறும் சில சம்பவங்களின் தொகுப்பே இந்த திரைப்படம். மரண தண்டனை விதிக்க பட்ட ஒரு கொலையாளி போலீஸ் கஸ்டடியில் இருந்து தப்பிப்பதில் இருந்து படம் ஆரம்பிக்கும். அந்த கொலையாளி தான் நம்ப Javier Bardem. இவரு கேரக்டர் நம்பர் 1, பேரு ஆண்டன் சிகுரு (Anton Chiguru). இவருக்கு தான் சிறந்த துணை நடிகருக்கான ஆஸ்கர் விருது குடுக்க பட்டது. மனுஷன் சும்மா மிரட்டி இருப்பாரு. இந்த ஆளு அதிகமா பேச மாட்டாரு, ஆனா இவரு வர எல்லா காட்சிகளிலும் பார்க்குற நமக்கு ஒரு மாதிரியான திகல் அனுபவத்தை குடுக்கும். பயம் கலந்த மிரட்சியோடு தான் நாம் இவர பார்போம். ஏன்னா இவரு ஒரு சைக்கோ கொலைகாரன்.

ஆண்டன் 14 வயசு பொண்ண கொலை பண்ணிட்டாரு, என்பது தான் அவரு மீது சுமத்த பட்டுள்ள குற்றச்சாட்டு. “ஏன்யா கொன்னேணு” ?? ஷெரிப் (Sherif) கேட்டா, “எனக்கு யாரையாவது கொலை பண்ணனும்ன்னு ரொம்ப நாளா ஆசை, அதனால தான் கொன்னனே” அப்படின்னு வித்தியாசமான பதில்லை குடுப்பார். இதுலயே நமக்கு ஆண்டன் (Anton) ஒரு மரம் கழண்ட கேஸுன்னு தெரிஞ்சுடும். கொலை குற்றத்திற்காக, ஷெரிப் (Sherif) அவருக்கு மரண தண்டனை குடுத்து இருப்பார். இங்க ஷெரிப் பேரு எட டாம் (Edd Tom). இவரும் நான் முன்னாடியே சொன்ன 3 முக்கிய கதாபாத்திரங்களில் ஒருத்தர். கேரக்டர் நம்பர் 2. ஆண்டன்யை ஜெயிலுக்குள் போடறதுக்கு முண்ணாடி அங்க இருக்குற ஒரே ஒரு போலீஸ்காரரை ரொம்ப ரொம்ப கொடூரமான முறையில் கொலை செஞ்சுட்டு அங்கிருந்து தப்பிச்சுடுவார்.

அடுத்து டெக்சாஸ் பாலைவனத்துல ஒரு வேட்டைக்காரன் (நம்ப டாக்கூடர் விஜய் இல்லேங்க, இவரு Hunter), சில விலங்குகளை வேட்டையாடிகிட்டு இருக்காரு. அவரு பேரு மோஸ் (Moss). அவரு தான் கேரக்டர் நம்பர் 3.இவரு தான் சுட்ட மானை எடுக்க போன எடத்துல ஒரு அசம்பாவித்தை பார்க்க வேண்டியதா போகுது. அங்க கொஞ்சம் நேரத்துக்கு முன்னாடி ரெண்டு போதை மருந்து கடத்தல் கும்பல்கிடையே பெரிய துப்பாக்கி சண்டை நடந்து முடிந்து இருக்கும். கடத்தல் கும்பலில் எல்லோரும் செத்து போய் இருப்பாங்க. ஒருத்தருக்கு மட்டும் உயிர் ஒட்டி கிட்டு இருக்கும். அந்த ஆள் தண்ணிக்கு தவித்து பாவமாய் மோஸ்யை (Moss) பார்பார். மோஸ் அதை எல்லாம் கண்டுக்காம அந்த எடத்தை தேடுவார். அங்க ஒரு டிராக்கில் போதை பொருட்களும், வேறு ஒரு பெட்டியில் 2 மில்லியன் டாலர் பணம் இருக்கும். அதை எடுத்து கொண்டு தன் வீட்டுக்கு போய் விடுவார்.    

அந்த எடத்துக்கு வரும் ஒரு போதை மருந்து கும்பல், தங்கள் பணம் திருட பட்டு இருப்பதை பார்த்து, பணத்தை மீட்கும் பொறுப்பை நம்ப சைக்கோ கொலைகாரன் ஆண்டன் சிகுரு (Anton Chiguru) கிட்ட தராங்க. பொறுப்பை வாங்குன அடுத்த நிமிஷமே ஆண்டன் அந்த ரெண்டு பேரை கொன்னுடுவார். சும்மா டைம் பாஸுக்கு கொலை செஞ்சவர் நம்ப ஆண்டன், இப்போ அவருக்கு நல்ல வேலைவேற கிடைச்சிருக்கு, விடுவாரா என்ன ? அந்த 2 மில்லியன் டாலர் பண பெட்டியில ஒரு டிரன்சிமிட்டர் (Transmitter) பொறுத்த பட்டு இருக்கும். ஆண்டன் தன் கிட்ட இருக்குற ரிசிவரை (Receiver) வச்சு பண பெட்டிய தேடுவாறு. இங்க இருந்து படம் வேகம் எடுக்கும். மோஸ் (Moss) பண பெட்டிய தூக்கிட்டு ஊர் ஊரா ஒடுவாரு. சைக்கோ ஆண்டன் (Anton) மோஸ் (Moss) போற எடத்துக்கு எல்லாம் வருவாரு. இவங்க ரெண்டு பேர தேடி நம்ப ஷெரிப் எட டாம் (Edd Tom) வேற அலைவார். இப்படியாக போகும் படம்.

பண பெட்டிய கடைசியில் யார் கைப்பற்றினார்கள் ?? ஷெரிப் எட டாம் (Edd Tom) ஆண்டனை (Anton) பிடிச்சாரா ?? மோஸ் (Moss) என்ன ஆனாரு ?? இது போல பல கேள்விக்கான விடையை டைரக்டர் சஸ்பென்ஸ் மற்றும் த்ரில்லர் கலந்து சொல்லி இருப்பார். இந்த படம் த்ரில்லர் ரசிகர்கள் கண்டிப்பாக பார்க்க வேண்டிய திரைப்படம்.

• சைக்கோ ஆண்டன் சிகுரு (Anton Chiguru) ஒரு வித்தியாசமான துப்பாக்கி உபயோக படுத்துவார். ஏர் கன் (Air Gun) மாதிரி ஒரு வஸ்து. அந்த கன்யை அவரு தூக்கிட்டு வர காட்சியை பார்த்தாலே நமக்கு பீதி ஆகும். ஆண்டன் அத வச்சுக்கிட்டு படம் பூரா யாரையாவது கொன்னுகிட்டே இருப்பாரு. 
• படத்தோட கிளைமாக்ஸ் தாங்க, படத்தை தூக்கி நிறுத்தும். கண்டிப்பா அதுக்கே ஆஸ்கார் குடுக்கலாம். நிறைய பேருக்கு கிளைமாக்ஸ் புரியாது. என்னக்கும் புரியல. அப்புறம் திரும்ப திரும்ப பார்த்து தான் எனக்கு கிளைமாக்ஸ் புரிந்தது.
• ஷெரிப் எட டாம் (Edd Tom) ரொம்ப நல்லா நடிச்சு இருப்பார். ஊரில் நடக்கும் குற்றங்களை தடுக்க முடியாமல் அவர் கஷ்ட படும் காட்சிகள் மிகவும் அழகாக இருக்கும்.
• ஆண்டன் சிகுரு (Anton Chiguru) மற்றும் மோஸ் (Moss) இடையே நடக்கும் துப்பாக்கி சண்டை மிகவும் நேர்த்தியாக இருக்கும். அந்த கட்சிகளை நீங்கள் முச்சு விட மறந்து பார்ப்பீர்கள்.

வித்தியாசமான ஹாலிவுட் படங்களை பார்க்க விரும்பும் நீங்கள் கண்டிப்பாக தவற விட கூடாத படம் தான் No Country for Old Men.

My Rating: 8.4/10......

மர்ம முடிச்சு - பிரெஞ்சு படம்- Les Diaboliques (1955)

இந்த பதிவு முலமாக நான் உங்களுக்கு அறிமுக படுத்த போகும் படம் Diabolique. படம் வெளிவந்த ஆண்டு 1955. இது ஒரு பிளாக் அன்ட் ஒயிட் திரைப்படம் அதுவும் இல்லாமல் இது பிரெஞ்சு மொழி படம். என்னடா நமக்கு பிரெஞ்சு எல்லாம் தெரியாதே, படம் புரியாமான்னு சந்தேகமே வேண்டாம் சப்-டைட்டில் சேர்த்து பார்த்தா படம் கண்டிப்பா புரியும். இந்த படம் சஸ்பென்ஸ்/த்ரில்லர் வகையை சேர்ந்தது.

இந்த படம் ஒரு பிரெஞ்சு நாவலை அடிப்படையாக கொண்டு எடுக்க பட்டு இருக்கும்.நமக்கு நாவலை (அதுவும் ஃப்ரென்ச்) விமர்சனம் செய்யும் அளவுக்கு தகுதி இல்லாதனால், நேரடியாக படத்தை பத்தி பார்போம். படம் கொஞ்சம் மெதுவாக போகும். ஆனா ரொம்ப நல்ல சஸ்பென்ஸ் கதை, அதை இயக்குனர் அப்படியே படமா எடுத்து இருப்பாரு.

கதை ரொம்ப சாதாரணமானது. கதையை விளக்குவது ரொம்ப சுலபம். பிரான்சில் ஒரு சின்ன கிராமத்தில், ஒரு ஸ்கூல் (School) இருக்கு. அந்த ஸ்கூல்ல ஹாஸ்டல் வேற இருக்கு. நிறைய பசங்க அங்க படிக்கிறாங்க. ஸ்கூல்ல மொத்தம் 4 ஆசிரியர்கள், ஒரு தலைமை ஆசிரியர். அந்த பள்ளியின் தலைமை ஆசிரியர் தான் நம்ப கதைக்கு ரொம்ப தேவையான ஆளு. அவருக்கு 2 பொண்டாட்டி, தப்பு தப்பு ஒரு மனைவி, ஒரு துணைவி.

நம்ப ஊருலத்தான் ரெண்டு பொண்டாட்டி இருந்த அதுல ஒன்னு பேரு மனைவி, இன்னொன்னு பேரு துணைவி ஆச்சே, அதுனால தான் அப்படி சொன்னனே !!!!! சரி இப்போ கதைக்கு வருவோம். தலைமை ஆசிரியரின் மனைவி மற்றும் துணைவி ரெண்டு பேருமே அதே ஸ்கூல்ல ஆசிரியர்களாக வேலை பார்ப்பாங்க. இவங்களை தவிர இன்னும் ரெண்டு ஆசிரியர்கள் அதே ஸ்கூல்ல வேலை பார்கிறாங்க.

தலைமை ஆசிரியர் பேரு மைக்கேல். மனைவி பேரு கிறிஸ்டியானா . துணைவி பேரு நிக்கோல். மைக்கேல் ரொம்ப மோசமானவர். ஹாஸ்டல்ல பசங்களுக்கு சாப்பாடு சரியா போடாமல் அவங்களை ரொம்ப கொடுமை படுத்துறாரு.

அவரு மனைவி மற்றும் துணைவி ரெண்டு போரையும் மதிக்கவே மாட்டார். மனைவி (கிறிஸ்டியானா) .ரொம்ப சின்ன வயசு பொண்ணு. கடவுள் நம்பிக்கை உள்ளவங்க. ரொம்ப பயந்த சுபாவம் உடையவங்க. மைக்கேல் அவரைத்தான் ரொம்ப ரொம்ப கொடுமை படுத்துவார். துணைவி (நிக்கோல்) கொஞ்சம் தைரியமானவ... இருந்தாலும், அப்பப்போ மைக்கேல் அவளையும் கொடுமைப்படுத்தறான். நிக்கோல் & கிறிஸ்டியானா ரெண்டு பேரும் தினமும் மைக்கேல் கிட்ட திட்டு வாங்கறதுனால, அவன் மேல கடுப்புல இருக்காங்க... மைக்கேலிடம் இருந்து எப்படி தப்பிப்பது என்று ரொம்ப தீவரமா யோசிக்கறாங்க. கடைசியில் மைக்கேலை கொலை செய்வது என்று முடிவு எடுக்குறாங்க. மனைவி (கிறிஸ்டியானா) ரொம்ப பயபடுறாங்க. துணைவி (நிக்கோல்) தான் ரொம்ப தைரியசாலி ஆச்சே, அதனால் அவங்க தான் எல்லா ப்ளானும் பண்ணுறாங்க. மனைவி ரொம்ப பயந்தாலும், அதுக்கு உடன்படறா.

ஸ்கூல்க்கு சம்மர் லீவு வருது. மைக்கேலை கொல்றதுக்கு ப்ளான் ரெடி. மனைவியும் துணைவியும் சேர்ந்து வெளியூர் போன மாதிரி எல்லார்கிட்டேயும் காட்டிகிட்டு, மைக்கேலை பாத்ரூம் தொட்டியில அழுத்தி கொலை பண்ணிட்டு, பள்ளிக்கூட நீச்சல் குளத்துல டெட்பாடியை போட்டுடறாங்க.

எல்லோரும் மைக்கேல் காணாம் போய்ட்டுடாருனு நெனச்சுக்கவாங்க. இப்போ ஸ்கூல் நம்ப மனைவி கண்ட்ரோல்க்கு வந்துருச்சு. ரெண்டு மூன்று நாளுக்கு அப்புறம் மனைவியும் துணைவியும் சேர்ந்து அந்த நீச்சல் குளத்தை தூர் வாற முடிவு செஞ்சு, ஒரு ஆளை வைச்சு குளத்துல உள்ள தண்ணியை எல்லாம் வெளிய எடுத்து போடுவாங்க. தண்ணி எல்லாம் காலி ஆனதுக்கு அப்புறம் பார்த்தா அங்க டெட்பாடியைக் காணோம். அங்க இருந்து டென்ஷன் ஆரம்பம் ஆகும். அடுத்த நாளு பார்த்தா மைக்கேல் சாகும் போது போட்டுருந்த கோட்-சூட் அவங்களுக்கு பார்சல்ல வருது. டெம்போ ஏறும்.....

ஸ்கூல்ல படிக்கற பையன் ஒருத்தன், ஹெட்மாஸ்டர் மைக்கேலை இப்பதான் பார்த்தேன்னு அடிச்சு சத்தியம் பண்ணறான். நமக்கோ டென்ஷன் ஏறும். ரெண்டுநாள் கழிச்சு, நிர்வாணமான நிலையில டெட்பாடி ஒரு ஆத்தங்கரையில ஒதுங்கி இருக்குன்னு நியூஸ் பேப்பர்ல ஒரு நியூஸ் வருது. மனைவி பயந்து போய் போலீஸ் ஸ்டேஷன் போய் பார்த்தா அது மைகேல் இல்லை. அங்க இருக்குற ஒரு வயசான போலீஸ்காரர் தானாகவே வந்து நான் மைக்கேலை கண்டுபிடிச்சு தரேன்னு அவரும் ஆட்டத்துல சேர்ந்துப்பார். மோர் டென்ஷன்........

அடுத்த நாள் ஸ்கூல்ல குரூப் போட்டோ எடுப்பாங்க, அந்த போட்டோவுல பார்த்த மைக்கேல் முஞ்சி மாதிரியே ஒரு முஞ்சி தெரியும். மறுபடியும் டெம்போ ஏறும். மைக்கேல் ஆவியா வந்துட்டார்னு துணைவி (நிக்கோல்) ரொம்ப பயந்துபோய் ஊரை விட்டே ஓடி போயிருவாங்க. அன்னைக்கி நைட் தான் திக் திக் கிளைமாக்ஸ்.........நான் அந்த கிளைமாக்ஸ் பார்த்து ரொம்ப பயந்துட்டேன் . இந்த படத்தோட கிளைமாக்ஸ் எங்க தேடினாலும் கிடைக்காது. அது தெரியணும்னா படத்த டவுன்லோட் செஞ்சு பாருங்க.

பலம்:

• கதையை ரொம்ப நேர்த்தியாக சொல்லி இருப்பாங்க. கிளைமாக்ஸ் நம்மால யூகிக்க முடியாத படி படமாக்க பட்டு இருக்கும்.
• ஹாலிவுட் த்ரில்லர் படங்கள்ல இருக்கற பயமுறுத்தற இசை, எக்குத்தப்பான கேமிரா கோணம் இதுல இல்லை. ஆனாலும் நம்ப பயப்படுவோம்.
• எல்லோரும் ரொம்ப நல்லா நடிச்சு இருப்பாங்க.

பலவீனம்:

• படம் கொஞ்சம் மெதுவாக போகும். அதுவும் மைக்கேலை கொலை செய்ற வரைக்கும் தான்.

நீங்க இந்த படத்தை பார்க்காம விட்டுட்டா, சினிமா உலகின் முக்கியமான சஸ்பென்ஸ் த்ரில்லர் படத்தை மிஸ் பண்ணுன மாதிரி ஆகிரும்... மிஸ் பண்ணாதீங்க.

My Rating: 8.5/10 ......