For a Few Dollars More - (1965) பண்டி ஹண்டர் ஈஸ்ட் வூட்

இந்த பதிவு முலமாக நான் உங்களுக்கு அறிமுக படுத்த போகும் படம் For a Few Dollars More. படம் வெளிவந்த ஆண்டு 1965. இந்த படம் வெஸ்டர்ன் (Western) படங்களின் வகையை சார்ந்து. சரி வெஸ்டர்ன் (Western) படம்னா என்னங்க...?? நம்ப ஊர்ல எப்படி படங்களை மசாலா படம், கிளாசிக்கல் !!! படம்,காமெடி படம்ன்னு பல வகையில் பிரிக்கிறோம், அதே போல ஹாலிவுட்ல வெஸ்டர்ன் வகைன்னு சில படங்கள் இருக்கும். எப்படி மசாலா படம்னா அஞ்சு பாட்டு, அஞ்சு பைட், பன்ச் டயலாக் அப்படின்னு ஒரு பார்முல்லா இருக்குமோ, அதே போல வெஸ்டர்ன் வகை படங்களுக்கு ஒரு பார்முல்லா இருக்கும். முக்காவாசி படங்கள் ஒரே மாதிரி தான் இருக்கும். நம்ப ஊர்லையும் வெஸ்டர்ன் டைப் படங்கள் நிறைய வந்து இருக்கு, அந்த காலத்துல நம்ப ஜெய்சங்கர் இந்த மாதிரி படங்கள் நிறைய பண்ணி இருக்கார். இப்போ “இரும்பு கோட்டை முரட்டு சிங்கம்”  கூட வெஸ்டர்ன் டைப்ல வந்த படம் தான். 

ஹாலிவுட் வெஸ்டர்ன் படங்களில் பார்த்தேங்கனா, ஹீரோ வில்லன், காமெடியன் முதல்கொண்டு எல்லோரும் துப்பாக்கி வச்சு இருப்பாங்க, ஹீரோ முக்காவாசி பண்டி ஹண்டர் (Bounty Hunter) கதாபாத்திரத்தில் தான் வருவார். வில்லன் கண்டிப்பா பண்டியா (Bounty) தான் இருப்பார். அப்புறம் கண்டிப்பா ஒரு டுயல் (Duel) சண்டை இருக்கும். நம்ப ஊருக்கு இந்த  பண்டி ஹண்டர் (Bounty Hunter), அப்புறம் டுயல் (Duel) சண்டை எல்லாம் ரொம்ப புதுசா இருக்கும்.

பண்டி (Bounty): நம்ப பாஷையில் சொல்ல வேணும்னா “தலைக்கு விலை குறிக்கிறது”. பின் லேடன் மாதிரி பெரிய தலைக்கு $25 மில்லியன் பரிசு பணம் குறிக்கப்பட்டது. போன நூற்றாண்டுல அமெரிக்காவில் நிறைய சட்ட விரோதிகளுக்கு பண்டி நிர்ணயத்து இருந்தாங்க. அந்த சமுக விரோதிகளை வேட்டையாடி உயிரோடு அல்லது பிணமாக பிடிபவர்களுக்கு, பரிசு பணம் அரசாங்கம் குடுக்கும். இந்த மாதிரி வேலைய யாரு செய்வாரு, கண்டிப்பா நம்ப ஹீரோ தான். வில்லன் தான் பண்டி (Bounty).சரி இப்போ ஹீரோ, வில்லன் ரெடி. வெஸ்டர்ன் படங்களில் கண்டிப்பாக குதிரைகள், மர வீடு மற்றும் குதிரை சண்டை இருக்கும். அப்புறம் முக்கியமா துப்பாக்கி சண்டை , சும்மா சுட்டுகிட்டே இருப்பாங்க. 

டுயல் (Duel) சண்டை

துப்பாக்கி சண்டைனா ரெண்டு வகை, ஒன்னு மறைஞ்சு சுடுறது, இன்னொன்னு டுயல் (Duel) சண்டை. டுயல் (Duel) சண்டையில ரெண்டே பேர் தான் இருப்பாங்க, துப்பாக்கியை ரெடியா வச்சிருக்கணும், பேக் கிரௌன்ட்ல முசிக் ஓடும், முசிக் முடிஞ்ச அடுத்த செகண்ட் துப்பாக்கியை எடுத்து சுடணும், யாரு வேகமா இருக்காங்களோ அவங்க அடுத்தவனை முதல்ல சுடுவாங்க, யாரு உயிரோட இருக்காங்களோ அவங்க தான் வின்னர். இந்த மாதிரி சண்டை பார்க்க நல்ல சுவாரசியமா இருக்கும். இதே மாதிரி சண்டை “இரும்பு கோட்டை” படத்துல கூட இருக்கும். மேல சொன்ன எல்லா அம்சமமும் இருந்தா அது ஹாலிவுட் வெஸ்டர்ன் படம். அந்த மாதிரி ஒரு படம் தான் For a Few Dollars More. 

எப்படி நம்ப ஊரு கிராமத்து கதைக்கு கிராமராஜன்னோ, சாரி, ராமராஜன்னோ, அதே மாதிரி இந்த வெஸ்டர்ன் டைப் படங்கனா, அது கிளென்ட் ஈஸ்ட் வூட்(Client East Wood) தான். சும்மா பின்னி எடுப்பாரு மனுஷன். அவரோட வரலாறு நமக்கு தேவையில்லாதது, அவரு பண்டி ஹண்டர்ரா நடிச்ச இந்த படத்தை பத்தி மட்டும் பார்போம்.

இந்த படம் டபுள் ஹீரோ சப்ஜெக்ட். ஒரு ஹீரோ ஈஸ்ட் வூட் (East Wood) , இன்னொரு ஹீரோ லீ வான் கிளிப் (Lee Van Cleef). ரெண்டு பேரும் பெரிய பண்டி ஹண்டர்ஸ். முத 20 நிமிஷம் ரெண்டு பேர பத்தின அறிமுகத்தோட படம் ஆரம்பிக்கும். ரெண்டு பேரும் வெவ்வேறு ஊருல பண்டியை கொன்னு பரிசு பணத்த வாங்குவாங்க. அதுல லீ கிளிப் டுயல் (Duel) சண்டை போடுறதுல பெரிய அப்பாடக்கர். சும்மா அசால்டா துப்பாக்கியை பிரயோக படுத்துவார். இன்னொரு ஹீரோ ஈஸ்ட் வூட், அவரும் நல்லா துப்பாக்கி சண்டை எல்லாம் போடுவார், ஆனால் லீ கிளிப் அளவுக்கு பெரிய வித்தைகாரன் இல்லை. இப்போ வில்லன் வேணுமே, ரெண்டு பெரிய ஹீரோவுக்கு இணையா வில்லன் இல்லாட்டி கதை நல்லா இருக்காதே, வில்லனும் பெரிய ஆளு தான். பேரு எல் இன்டியோ (El Indio) வில்லன் ஜெயிலுல இருந்து தப்பிக்கிற மாதிரி அவரோட அறிமுகம் இருக்கும். அவரு ரொம்ப கொடுரமான ஆளு அப்படிங்கிறதை கட்டற மாதிரி ரெண்டு காட்சி இருக்கும். அவர ஜெயில்ல போட உதவி செஞ்ச ஒரு ஆளை வில்லன் மற்றும் அவரு கேங் கொலை செய்வாங்க.

ஜெயில்ல இருந்து தப்பிச்சதனால வில்லன் தான் ஊருலயே பெரிய பண்டி, கிட்ட தட்ட $10,000, அது போக வில்லன் பெரிய கேங் வேற வச்சு இருப்பாரு. மொத்தம் 14 பேரு. எல்லா மேலயும் பண்டி இருக்கும். மொத்தமா வில்லன் கும்பலுக்கு $25,000 பண்டி பணம். இப்போ ரெண்டு ஹீரோக்கும் வில்லனை பிடிக்க நல்லா காரணம் கிடைச்சாச்சு. இப்போ வில்லன் எல் பசியோ (EL PASO) அப்படிங்கற ஊர்ல இருக்குற கொள்ளை அடிக்கவே முடியாதுன்னு சொல்ல படுற ஒரு பேங்க்கை கொள்ளை அடிக்க திட்டம் போடுறான். அது ஹீரோ ரெண்டு பேருக்கும் தெரிஞ்சுடுது, ரெண்டு பேரும் அந்த ஊர்க்கு வராங்க. வந்து வில்லன் போட்ட திட்டத்தை முறியடிச்சாங்ககளா ?? வில்லன் பேங்க்கை கொள்ளை அடிச்சானா ?? பெரிய பண்டி தொகைய யாரு வாங்கினா ?? இது போல பல கேள்விகளுக்கு விடைய டைரக்டர் ரொம்ப சுவாரிசியமாக பதில் சொல்லி இருப்பார்.
படத்தோட டைரக்டர் Sergio Leone. டாலர்ஸ் ட்ரையாலஜி (Dollars Trilogy) அப்படிங்கற பேருல மொத்தம் முனு படம் எடுத்தார். A Fistful of Dollars , For a Few Dollars More & The Good Bad and Ugly, முனு படமே அட்டகாசமான வெஸ்டர்ன் படங்கள்.

வெஸ்டர்ன் டைப் படங்கள் உங்களுக்கு பிடிக்கும் என்றல் கண்டிப்பாக இந்த முனு படத்தையும் பாருங்கள். 

படத்துல மொத்தம் 3 டுயல் (Duel) சண்டை, பார்க்கும் நமக்கு யாரு ஜெயிப்பாங்கன்னு நல்லா தெரியும். ஆனாலும் சண்டைய பார்க்கும் போது ஒரு விதமான பரபரப்பு ஏற்படும். அது தான் டைரக்டர் Sergio டச்.

படத்துல ஏகப்பட்ட ட்விஸ்ட் இருக்கும், நிறைய காட்சிகள் நம்ப யுகிச்சகதுக்கு மாறாக இருக்கும். அதனால சுவாரிசியதுக்கு பஞ்சமே இருக்காது.

My Rating: 8.1/10......

Mission Impossible-4 - Ghost Protocol (2011) - ஐமாக்ஸ் அற்புதம்

இந்த பதிவுல நம்ப பார்க்க போற படம் “MISSION IMPOSIBLE-4 GHOST PROTOCOL”. படம் போன வாரம் தாங்க ரிலீஸ் ஆச்சு. நான் ஏன் இந்த படத்துக்கு போனேன், படம் என்னக்கு என்ன மாதிரியான அனுபவத்தை குடுத்திச்சு போன்ற விசயங்களை இந்த பதிவுல பார்போம். படத்துல வெறும் ஆக்க்ஷன், ஆக்க்ஷன் மட்டும் தான்.உங்களுக்கு ஆக்க்ஷன் படங்களை பிடிக்குமா.. நீங்க கண்டிப்பா மிஸ் பண்ணாம பார்க்க வேண்டிய படம் MI-4. MISSION IMPOSIBLE சீரிஸ்ல இந்த படம் நான்காவது பாகமாக வெளிவந்து உள்ளது. இதுக்கு முன்னாடி வந்த முன்று படத்துல நான் முன்றாவது பாகத்தை மட்டும் தான் பார்த்து உள்ளேன் , முதல் ரெண்டு பாகத்தை நான் பார்க்க வில்லை. எனக்கு MI-3 படம் ரொம்ப பிடிச்சிருந்தது. ச்சே MI-1 & MI-2 படத்தை மிஸ் பண்ணிடோம்ன்னு தோணிச்சு. நான் ஏன் MI-1 & MI-2 படத்தை பார்கையிலனா, சின்ன வயசுல என்னக்கு “TOM CRUISEயை” பிடிக்கவே பிடிக்காது. என்னோட சின்ன வயசுன்னா அது “1993 முதல் 2003” வரைக்கும் தான். அதற்கான் காரணத்தை உங்களுக்கு சொல்லறேன், கேளுங்க...

அந்த கால கட்டத்தில் (1993-2003) தான் எனக்கு இங்கிலீஷ் படங்களோட அறிமுகம் கிடைத்தது.அப்போ ஹாலிவுட்காரன் அன்னகோண்டா பாம்பு, டைனோசர், கொடூர குரங்கு, ராட்சஸ பல்லி, வெறி கொண்ட வௌவால், வேற்று கிரகத்து பூச்சி, எகிப்து மம்மி, கியூபாவில் போய் அமெரிக்க அதிகாரிகளை மீட்கும் ரேம்போ, போன்ற வஸ்துக்களை வச்சு தான் படம் எடுத்துகிட்டு இருந்தான். உண்மைய சொல்லனும்னா இந்த மாதிரி படங்கள் தான் தமிழ் நாட்டுல ரிலீஸ் ஆகும். இது போக நம்ப ஜெட்லி மற்றும் ஜாக்கி சான் நடிச்ச...!!!! சைனிஸ் படத்தை இங்கிலீஷ்ல டப் பண்ணி விடுவாங்க...என்னக்கு இந்த சைனிஸ் ஆக்க்ஷன் படங்கள், மற்றும் மேலே சொன்ன பாம்பு, பல்லி வஸ்துக்கள் இருக்குற படங்கள் தான் எனக்கு பிடிக்கும். 

அந்த கால கட்டத்தில ஜெட்லிக்கும் ஜாக்கி சான்க்கும் சண்டை வச்ச யாரு ஜெயிப்பாங்கன்னு நானும் என்னோட நண்பனும் சண்டை போட்டுக்குவோம்..இப்படி பட்ட சினிமா அறிவு இருக்குற எனக்கு “TOM CRUISE யை” பிடிக்காம போனதுல்ல பெரிய ஆச்சிரியமே கிடையாது. என்ன பொறுத்த வரைக்கும் “TOM CRUISEக்கு” பறந்து பறந்து சண்டை எல்லாம் போட தெரியாது, அதனால அவரு படத்துக்கு போய் காசை வேஸ்ட் பண்ண கூடாது அப்படிங்கற முடிவுல நான் ரொம்ப உறுதியா இருந்தேன். அதனாலயே ஏனோ MI-1 & MI-2 படத்தை நான் பார்க்கவில்லை. 

இப்போ என்னோட ஹாலிவுட் சினிமா அறிவை பத்தி உங்களுக்கு கொஞ்சம் ஐடியா கிடைசிருக்கும். சரி அத விடுங்க, இப்போ எனக்கு ஹாலிவுட் சினிமாவை பத்தி கொஞ்சம் அறிவு இருக்கு…ரொம்ப கொஞ்சம் தான். அதனால MI-4 பற்றிய அறிவிப்பு வந்தவுடனே இந்த படத்தை பாத்திட முடிவு செஞ்சுட்டுடேன். அதுவும் IMAXல தான் பார்கிறதுன்னு. சரி இப்போ படத்தோட கதையும், என்னோட அனுபவத்தையும் இப்போ பார்போம். 

ரஷ்யாவின் முக்கிய நகரமான கிரெம்ளின் (Kermlin) சக்திவாய்ந்த வெடிகுண்டு வெடிக்கிறது. இந்த சதியை செய்தது யு.ஸ் அரசாங்கத்தின் அமைப்பான IMF என்று ரஷ்யா நம்புகிறது. இரு நாட்டுக்கு இடையே போர் மூளும் அபாயம் ஏற்படுகிறது. இந்த இக்கட்டான சூழ்நிலையில் ஏதன் ஹண்ட்க்கு (டாம் குரூஸ்) ரஷ்யா குண்டுவெடிப்பிற்கு காரணமான சதிகாரனை கண்டுபிடிக்கும் பொறுப்பு தர படுகிறது சதிகாரனை கண்டுபிடித்து அவன் ஏற்படுத்த போகும் ஆபத்தையும் தடுக்க வேண்டும். இது தான் மிஷ்ன் கோஸ்ட் ப்ரோடோகால் (Ghost Protocol). இந்த மிஷ்ன்க்கு அமெரிக்க அரசாங்கத்தின் எந்த உதவியும் கிடைக்காது, ஏதன் ஹண்ட் மற்றும் முன்று பேர் தான் மொத்த டீம். நான்கு பேர் சேர்ந்து எப்படி வில்லனின் சதியை முறியடித்து அமெரிக்காவை எப்படி காப்பாற்றினார்கள் !!!!! என்பது தான் மிஷ்ன் இம்பாசிபல் (Mission Impossible).

படத்தின் ஆரம்ப காட்சியே அட்டகாசமாய் இருக்கும். அமெரிக்க உளவாளி மாடியில் இருந்து குதிப்பது போன்று ஒரு காட்சி.

அந்த கிரெம்ளின் குண்டுவெடிப்பு, நீங்கள் எதிர்பாராத நேரத்தில் நடக்கும். கண்டிப்பாய் உங்களை உலுக்கி விடும். மிகவும் அற்புதமாய் காட்சிபடுத்த பட்டு இருக்கும்.

துபாயில் உலகிலே மிக உயரமான கட்டிடத்தில் டாம் குரூஸ் ஏறும் காட்சி IMAX கேமராவை கொண்டு படமாக்க பட்டு இருக்கும். IMAXயில் பார்த்தால் அந்த காட்சி வாவ்......சூப்பர் அனுபவம் !!!

அடுத்து அந்த பாலைவன புயலில் நடக்கும் சேஸிங் காட்சிகள், மங்கலான வெளிச்சத்தில் பர பரவென்று நடக்கும் கார் சேஸிங் .... அருமை. !!!!

கில்லர் ஆக (Assassin) வரும் அந்த வில்லி...கண்களாலேயே வில்லத்தனம் செய்யும் காட்சிகள் யப்பா..நல்ல தேர்வு.

படத்தின் டைரக்டர் Brad Bird , இவர் பிக்ஸார் நிறுவனத்திற்காக Ratatouille and The Incredibles போன்ற அனிமேஷன் படங்களை இயக்கி உள்ளார். அனிமேஷன் படங்களை இயக்கிய தன் அனுபவத்தை கொண்டு சிறந்த ஆக்சன் படத்தை கொடுத்துள்ளார்.

படத்தில் இந்திய நடிகர் அணில் கபூர் வேறு உள்ளார். பெரிய வேலை இல்லை. அது போக வில்லன் ஏவுகணை செலுத்துவதற்கு சன் டிவியில் நெட்வொர்க்கை உபயோகிப்பது போன்று காட்சி வைத்து இருப்பார்கள்.

படத்தை IMAX ஸ்கிரீனில் பார்த்தால், அந்த அனுபவம் உங்களுக்கு மறக்க முடியாத அனுபவமாய் இருக்கும். வாய்ப்பு கிடைத்தால் கண்டிப்பாய் IMAXயில் பாருங்கள்.

My Rating: 7.9/10......

க்வென்டினின் மாஸ்டர் பீஸ் -Inglourious Basterds (2009)

இன்னைக்கு நான் உங்களுக்கு அறிமுக படுத்த போகும் படம் Inglourious Basterds. படம் வெளி வந்த ஆண்டு 2009. படத்தோட டைரக்டர் என்னோட ஆல் டைம் பேவரைட் க்வென்டின் டரென்டினோ (Quentin Tarantino). எனக்கு பிடிச்ச டாப் 5 படங்களில் இவரு படம் 2 இருக்கும், அது Pulp Fiction & Kill Bill. க்வென்டினின் கதை சொல்லும் பாணி மிகவும் வித்தியாசமானது, இவரின் அனேக படங்களில் நான்-லீனியர் பாணி கையாள பட்டு இருக்கும். சரி நான்-லீனியர்னா என்ன? நம்ப ஒரு நாவல் வாங்குறோம், எப்படி படிப்போம்? முதல் அத்தியாத்தில் இருந்து கடைசி அத்தியாயம் வரைக்கும் படிச்சா அது லீனியர் (Linear) வகை. அதே நாவலை கடைசி அத்தியாயத்தின் சில பத்திகளை, எடுத்தவுடன் படித்து விட்டு மீண்டும் முதல் அத்தியாயத்திலிருந்து படிக்கத் துவங்கி, நடுவில் நான்காவது அத்தியாயத்தை மூன்றாவதாகவும், மூன்றாவதை நான்காவதாகவும் படித்து விட்டு, மீண்டும் கடைசி அத்தியாயத்தை முழுமையாகப் படித்து முடித்தால் அதுதான் நான்-லீனியர் (Non-Linear). க்வென்டின் நான்-லீனியர் ஆக கதை சொல்லுவதில் வல்லவர். அவரின் அனேக படங்கள் நான்-லீனியர் வகையை சேர்ந்தவை. ஒரு நல்ல நாவல்னா எப்படி படிச்சாலும் புரியணும். அதே போல தான் நல்ல திரைகதை-ஆசிரியர் எழுதிய திரைக்கதையும் நமக்கு புரியணும். க்வென்டின் ஒரு நல்ல திரைகதை-ஆசிரியர். ஆனால் Inglourious Basterds படத்தை சற்று மறுபடத்தி லீனியர் வகையில் எடுத்திருப்பார். படம் நேர் கோட்டில் போகும்.

க்வென்டினின் படங்களுக்கு என்று சில விதிமுறைகள் இருக்கும். படத்தில் கதை சொல்லும் பாணியை நாவலில் வருவது போல் அத்தியாயம் (Chapter) வரியாக பிரித்து இருப்பார். நீநீநீநீண்ட மற்றும் கூர்மையான வசனங்கள், அளவை மீறிய வன்முறை, மெல்லிய நகைச்சுவை, நான்-லீனியர் பாணி போன்றவை க்வென்டினின் படங்களில் தவறாமல் இடம் பெறுபவை. ஆனால் இந்த படம் அவரின் மற்ற படங்களில் இருந்து மாறுபட்டு இருக்கும். ஏன் என்றல் இந்த படத்தில் க்வென்டினின் லீனியர் பாணியில், அதாவது நேர் கோட்டில் கதை சொல்லி இருப்பார். திரைக்கதையில் ஒரு ஐந்து நிமிடம் கூட தொய்வு இல்லாமல் படம் செல்கிறது. படத்தில் ஒரு முக்கியமான் கதாபாத்திரத்தில் அமெரிக்க உளவாளியாக ப்ராட் பிட் (Brad Pitt) நடித்து இருப்பார். மற்றும் ஒரு மிக முக்கிய கதாபாத்திரத்தில் ஜெர்மன் ராணுவ அதிகாரியாக க்ரிஸ்டஃப் வால்ட்ஸ் (Christoph Waltz) நடித்து இருப்பார். இப்படத்தில் நடித்ததற்காக க்ரிஸ்டஃப் வால்ட்ஸ்க்கு 2010 ஆம் ஆண்டு சிறந்து துணை நடிகருக்கான ஆஸ்கார் விருது வழங்க பட்டது. சரி இப்போது இந்த படத்தின் கதை என்னவென்று பார்போம்.

Chapter-1: Once Upon a Time in Nazi-Occupied France: 

இரண்டாம் உலக போர் நடக்கும் காலகட்டத்தில் “Once Upon a Time in Nazi-Occupied France” என்ற வரிகளுடன் படம் ஆரம்பிக்கும். வால்ட்ஸ் (Waltz) ஒரு பிரெஞ்சு விவசாயின் வீட்டுக்கு வந்து, அவனது வீட்டில் யூதர்கள் யாரையாவது ஒளிந்து கொண்டு இருக்கிறார்களா என்று விசாரணை செய்வார். அந்த விசாரணை, சுமார் 7 நிமிடங்கள் நடக்கும். க்வென்டின் ஸ்டைல் நீண்ட உரையாடல்கள், சும்மா அதகளமாய் இருக்கும், விசாரணையின் முடிவில் அந்த விவசாயி தன் வீட்டில் ஒரு யூத குடும்பம் ஒளிந்து இருப்பதை ஒத்துகொள்வார். வால்ட்ஸ் (Waltz) சிறிதும் இரக்கம் இல்லாமல் அந்த மொத்த குடும்பத்தை சுட்டு கொன்று விடுவார். அந்த குடும்பத்தில் இருந்து ஒரு பெண் மட்டும் தப்பி ஓடி விடுவார். பெண்ணின் பெயர் ஷோசான்னா (Shosanna). நிற்க....

Chapter-2: Inglourious Basterds: 

இந்த அத்தியாயத்தில் அமெரிக்கன் உளவாளி ப்ராட் பிட் (Brad Pitt) தனது Inglourious Basterds படைகளுடன் அறிமுகம் ஆவார். இந்த படை படையின் முக்கிய குறிக்கோள் ஜெர்மன் நாட்டில் இருக்கும் ஜெர்மன் படை வீரர்கள் மனதில் அச்சத்தை விதைப்பது. அதற்காக இந்த படை கையில் அகப்படும் ஜெர்மன் வீரர்களின் கபாலத்தைக் கொய்வது, அவர்களை மிகவும் கொடுரமான முறையில் கொலை செய்வது போன்ற நல்ல காரியங்களை செய்து வருகிறார்கள். இதில் ப்ராட் பிட் (Brad Pitt) பேசும் அசென்ட், மிகவும் அற்புதமாக இருக்கும். இந்த ரெண்டு அத்தியாயத்தில் முடிவில் வால்ட்ஸ் (Waltz) மற்றும் ப்ராட் பிட் (Brad Pitt) இரு வேறு துருவங்கள் என்று நாம் உணர்ந்து விடுவோம்....

Chapter-3: German Night In Paris: 

இப்பொழுது முதல் அத்தியாயத்தில் வால்ட்ஸ்யிடம் (Waltz) இருந்து தப்பித்த யூத பெண் ஷோசான்னா (Shosanna), பாரிஸ் நகரத்தில் ஒரு சினிமா தியேட்டர்ரை நிர்வகித்து வருவார். இரவு கட்சிக்கு தயார் ஆகி கொண்டிருக்கும் போது அங்கு வரும் ஒரு ஜெர்மன் ராணுவ வீரன் ஷோசான்னாவை (Shosanna), முதல் பார்வையிலே காதலிக்க ஆரம்பத்து விடுவார். ஜெர்மன் ராணுவ வீரனின் பெயர் பெட்ரிக் (Fredrick Zoller). இவர் ஜெர்மனியின் பெருமையை எடுத்து விளக்கும் Nation's Pride என்ற போர் திரைபடத்தில் கதாநாயகனாக நடித்து இருப்பார். அந்த திரைபடத்தின் முதல் காட்சி பாரிஸ் இருக்கும் ஒரு பெரிய திரைஅரங்கில் வெளியிட பட இருக்கும். பெட்ரிக்கு ஷோசான்னாவின் மேல் இருக்கும் காதலால் தன் கனவு திரைபடத்தை ஷோசான்னாவின் திரைஅரங்கிலே முதல் காட்சியை வெளியிட முடிவு செய்து விடுவான். அதற்கான அனுமதியையும் ஜெர்மன் உயர் அதிகாரியிடம் பெற்று விடுவான். அந்த உயர் அதிகாரி வேறு யாரும் இல்ல, நம்ப முத அத்தியாயத்தில் பார்த்த வால்ட்ஸ் (Waltz) தான்.

Chapter- 4 & 5: Operation KINO & Revange of the Gaint Face:

அந்த திரைபடத்தை பார்பதற்கு ஜெர்மனியின் மிக முக்கிய புள்ளிகள், உயர் ராணுவ அதிகாரிகள் முதல், ஹிட்லர் வரை அனைவரும் பாரிஸ் உள்ள ஷோசான்னாவின் தியேட்டர்க்கு வர இருப்பார்கள். ஹிட்லரின் வருகையை ஒட்டி பாதுகாப்பு ஏற்பாடுகளை கவனிக்கும் பொறுப்பு வால்ட்ஸ்யிடம் (Waltz) தர பட்டு இருக்கும். ஷோசான்னாவிற்கு தன் குடும்பத்தை கொன்ற ஜெர்மானியர்களை கொல்ல அருமையான் சந்தர்ப்பம்.... ப்ராட் பிட்னின் (Brad Pitt) Inglourious Basterds படையும் ஹிட்லரை கொல்ல நல்ல சந்தர்ப்பம் பார்த்து கொண்டு இருப்பார்கள்... ஹிட்லர் பாரிஸில் ஒரு தியேட்டர்க்கு வருவது தெரிந்ததும், மொத்த தியேட்டர்ரை வெடி குண்டு முலம் தகர்க்க திட்டம் தீட்டி விடுவார்கள்... அந்த திட்டத்தின் பெயர் “ஆபரேஷன் கினோ” (Operation Kino).

ஷோசான்னா தியேட்டர்ரை மொத்தம்மாக தீயிட்டு எரித்து விட திட்டம் தீட்டி இருப்பாள்... இதற்கு இடையே வால்ட்ஸ் (Waltz) Basterds படையின் திட்டத்தை கண்டு பிடித்து விடுவார்..

வால்ட்ஸ் (Waltz) Basterds படையின் சதியை முறியடித்தாரா..?? ஷோசான்னா ஜெர்மனியார்களை பழி வாங்கினாளா..?? Basterds என்ன ஆனார்கள்…..?? போன்ற பல கேள்விகளுக்கு க்வென்டின் தனது பாணியில் பதில் சொல்லி இருப்பார். வேகமான நகரும் திரைக்கதையை விரும்பும் அனைவரும் இந்த படத்தை கண்டிப்பாக பார்க்கலாம்....

படத்தின் கடைசி இரண்டு அத்தியாயங்கள் தான் படத்தின் பலமே. அடுத்து என்ன, அடுத்து என்ன என்று உங்களின் டெம்போவை ஏற்றி விடும். 

ப்ராட் பிட் (Brad Pitt) , இது தான் என் “மாஸ்டர் பீஸ்” என்று படம் முடிந்தும் சொல்லுவார். உண்மையில் அவருக்கு இது “மாஸ்டர் பீஸ்” தான்.

வால்ட்ஸ் (Waltz) சும்மா வாழ்ந்து இருப்பார். இரண்டு இடத்தில் இரு வேறு ஆட்களை விசாரணை செய்வார். பார்க்கும் நமக்கே பயமாக இருக்கும்.. அந்த இரண்டு காட்சிக்கு மட்டுமே அவருக்கு ஆஸ்கார் குடுக்கலாம். சிறந்த துணை நடிகருக்கான ஆஸ்கார் விருதை 2010 ஆம் ஆண்டு பெற்றார் வால்ட்ஸ்.

My Rating: 8.2/10......

க்ளாசிக்கல் கொலைகாரன்- No Country For Old Men(2007)

இந்த பதிவு முலமாக நான் உங்களுக்கு அறிமுகப்படுத்த போகும் படம் No Country for Old Men. படம் வெளி வந்த ஆண்டு 2007. இது சஸ்பென்ஸ் த்ரில்லர் வகையை சேர்ந்த படம். ஏதாவது படம் பார்க்கலாம்ன்னு தேடுனப்போ No Country for Old Men என்னோட கண்ணுல பட்டுச்சு. 2008 ஆம் ஆண்டு 4 பிரிவுகளில் ஆஸ்கார் விருதுகளை வாங்கி குவிச்ச படம் இது. அதுவும் சிறந்த படம், சிறந்த துணை நடிகர், சிறந்த டைரக்டர் மற்றும் சிறந்த தழுவல் திரைக்கதை ஆகிய பிரிவுகளில் விருது வாங்கி இருந்தது. அதுவும் இல்லாம இது No Country for Old Men என்ற த்ரில்லர் நாவலை அடிப்படையாக கொண்டு எடுக்க பட்ட விஷயத்தை அறிய முடிந்தது. நாவலை நான் படிக்க வில்லை, அதனால் நான் படத்தை பற்றிய என்னுடைய அனுபவத்தை மட்டும் பகிர்கிறேன்.

அப்படி என்ன தான் படத்துல இருக்குன்னு பார்த்தா, படம் பார்த்த என்னை ரொம்பவே மற்றும் ரொம்ப நேரம் யோசிக்க வச்சிருச்சு. என்ன யோசனையினா “ங்கொயால என்ன படம் டா இது” அப்படிங்கிற மாதிரி. என்ன மாதிரி சராசரி சினிமா ரசிகனுக்கு இந்த படம் ஒரு ரொம்ப வித்தியாசமான அனுபவம். ஏனா ஹாலிவுட்டின் நிறைய பார்முலாவை இந்த படம் ஒடச்சு இருக்கும். சாதாரனமா ஒரு படத்துல, ஹீரோ இருப்பார், வில்லன் இருப்பார், ஹீரோயின் இருப்பாங்க. ஆனா இதுல்ல அந்த மாதிரி நம்ப யாரையும் பாகு படுத்தி பார்க்க முடியாது. மொத்தம் முன்று முக்கியமான கதாபாத்திரங்கள், அதுல நமக்கு யார புடிச்சுருக்கோ, அவங்களையே நம்ப ஹீரோவா வச்சுக்கலாம். பிடிக்காதவங்களை வில்லனா வச்சுக்கலாம். நம்ப இஷ்டம். அந்த மூன்னு கதாபாத்திரங்கள் யாரு யாரு..?? அப்புறம் படத்தோட கதை என்னன்னு இப்போ பார்போம்.

அமெரிக்காவின் டெக்சாஸ் மகாணத்தில் நடைபெறும் சில சம்பவங்களின் தொகுப்பே இந்த திரைப்படம். மரண தண்டனை விதிக்க பட்ட ஒரு கொலையாளி போலீஸ் கஸ்டடியில் இருந்து தப்பிப்பதில் இருந்து படம் ஆரம்பிக்கும். அந்த கொலையாளி தான் நம்ப Javier Bardem. இவரு கேரக்டர் நம்பர் 1, பேரு ஆண்டன் சிகுரு (Anton Chiguru). இவருக்கு தான் சிறந்த துணை நடிகருக்கான ஆஸ்கர் விருது குடுக்க பட்டது. மனுஷன் சும்மா மிரட்டி இருப்பாரு. இந்த ஆளு அதிகமா பேச மாட்டாரு, ஆனா இவரு வர எல்லா காட்சிகளிலும் பார்க்குற நமக்கு ஒரு மாதிரியான திகல் அனுபவத்தை குடுக்கும். பயம் கலந்த மிரட்சியோடு தான் நாம் இவர பார்போம். ஏன்னா இவரு ஒரு சைக்கோ கொலைகாரன்.

ஆண்டன் 14 வயசு பொண்ண கொலை பண்ணிட்டாரு, என்பது தான் அவரு மீது சுமத்த பட்டுள்ள குற்றச்சாட்டு. “ஏன்யா கொன்னேணு” ?? ஷெரிப் (Sherif) கேட்டா, “எனக்கு யாரையாவது கொலை பண்ணனும்ன்னு ரொம்ப நாளா ஆசை, அதனால தான் கொன்னனே” அப்படின்னு வித்தியாசமான பதில்லை குடுப்பார். இதுலயே நமக்கு ஆண்டன் (Anton) ஒரு மரம் கழண்ட கேஸுன்னு தெரிஞ்சுடும். கொலை குற்றத்திற்காக, ஷெரிப் (Sherif) அவருக்கு மரண தண்டனை குடுத்து இருப்பார். இங்க ஷெரிப் பேரு எட டாம் (Edd Tom). இவரும் நான் முன்னாடியே சொன்ன 3 முக்கிய கதாபாத்திரங்களில் ஒருத்தர். கேரக்டர் நம்பர் 2. ஆண்டன்யை ஜெயிலுக்குள் போடறதுக்கு முண்ணாடி அங்க இருக்குற ஒரே ஒரு போலீஸ்காரரை ரொம்ப ரொம்ப கொடூரமான முறையில் கொலை செஞ்சுட்டு அங்கிருந்து தப்பிச்சுடுவார்.

அடுத்து டெக்சாஸ் பாலைவனத்துல ஒரு வேட்டைக்காரன் (நம்ப டாக்கூடர் விஜய் இல்லேங்க, இவரு Hunter), சில விலங்குகளை வேட்டையாடிகிட்டு இருக்காரு. அவரு பேரு மோஸ் (Moss). அவரு தான் கேரக்டர் நம்பர் 3.இவரு தான் சுட்ட மானை எடுக்க போன எடத்துல ஒரு அசம்பாவித்தை பார்க்க வேண்டியதா போகுது. அங்க கொஞ்சம் நேரத்துக்கு முன்னாடி ரெண்டு போதை மருந்து கடத்தல் கும்பல்கிடையே பெரிய துப்பாக்கி சண்டை நடந்து முடிந்து இருக்கும். கடத்தல் கும்பலில் எல்லோரும் செத்து போய் இருப்பாங்க. ஒருத்தருக்கு மட்டும் உயிர் ஒட்டி கிட்டு இருக்கும். அந்த ஆள் தண்ணிக்கு தவித்து பாவமாய் மோஸ்யை (Moss) பார்பார். மோஸ் அதை எல்லாம் கண்டுக்காம அந்த எடத்தை தேடுவார். அங்க ஒரு டிராக்கில் போதை பொருட்களும், வேறு ஒரு பெட்டியில் 2 மில்லியன் டாலர் பணம் இருக்கும். அதை எடுத்து கொண்டு தன் வீட்டுக்கு போய் விடுவார்.    

அந்த எடத்துக்கு வரும் ஒரு போதை மருந்து கும்பல், தங்கள் பணம் திருட பட்டு இருப்பதை பார்த்து, பணத்தை மீட்கும் பொறுப்பை நம்ப சைக்கோ கொலைகாரன் ஆண்டன் சிகுரு (Anton Chiguru) கிட்ட தராங்க. பொறுப்பை வாங்குன அடுத்த நிமிஷமே ஆண்டன் அந்த ரெண்டு பேரை கொன்னுடுவார். சும்மா டைம் பாஸுக்கு கொலை செஞ்சவர் நம்ப ஆண்டன், இப்போ அவருக்கு நல்ல வேலைவேற கிடைச்சிருக்கு, விடுவாரா என்ன ? அந்த 2 மில்லியன் டாலர் பண பெட்டியில ஒரு டிரன்சிமிட்டர் (Transmitter) பொறுத்த பட்டு இருக்கும். ஆண்டன் தன் கிட்ட இருக்குற ரிசிவரை (Receiver) வச்சு பண பெட்டிய தேடுவாறு. இங்க இருந்து படம் வேகம் எடுக்கும். மோஸ் (Moss) பண பெட்டிய தூக்கிட்டு ஊர் ஊரா ஒடுவாரு. சைக்கோ ஆண்டன் (Anton) மோஸ் (Moss) போற எடத்துக்கு எல்லாம் வருவாரு. இவங்க ரெண்டு பேர தேடி நம்ப ஷெரிப் எட டாம் (Edd Tom) வேற அலைவார். இப்படியாக போகும் படம்.

பண பெட்டிய கடைசியில் யார் கைப்பற்றினார்கள் ?? ஷெரிப் எட டாம் (Edd Tom) ஆண்டனை (Anton) பிடிச்சாரா ?? மோஸ் (Moss) என்ன ஆனாரு ?? இது போல பல கேள்விக்கான விடையை டைரக்டர் சஸ்பென்ஸ் மற்றும் த்ரில்லர் கலந்து சொல்லி இருப்பார். இந்த படம் த்ரில்லர் ரசிகர்கள் கண்டிப்பாக பார்க்க வேண்டிய திரைப்படம்.

• சைக்கோ ஆண்டன் சிகுரு (Anton Chiguru) ஒரு வித்தியாசமான துப்பாக்கி உபயோக படுத்துவார். ஏர் கன் (Air Gun) மாதிரி ஒரு வஸ்து. அந்த கன்யை அவரு தூக்கிட்டு வர காட்சியை பார்த்தாலே நமக்கு பீதி ஆகும். ஆண்டன் அத வச்சுக்கிட்டு படம் பூரா யாரையாவது கொன்னுகிட்டே இருப்பாரு. 
• படத்தோட கிளைமாக்ஸ் தாங்க, படத்தை தூக்கி நிறுத்தும். கண்டிப்பா அதுக்கே ஆஸ்கார் குடுக்கலாம். நிறைய பேருக்கு கிளைமாக்ஸ் புரியாது. என்னக்கும் புரியல. அப்புறம் திரும்ப திரும்ப பார்த்து தான் எனக்கு கிளைமாக்ஸ் புரிந்தது.
• ஷெரிப் எட டாம் (Edd Tom) ரொம்ப நல்லா நடிச்சு இருப்பார். ஊரில் நடக்கும் குற்றங்களை தடுக்க முடியாமல் அவர் கஷ்ட படும் காட்சிகள் மிகவும் அழகாக இருக்கும்.
• ஆண்டன் சிகுரு (Anton Chiguru) மற்றும் மோஸ் (Moss) இடையே நடக்கும் துப்பாக்கி சண்டை மிகவும் நேர்த்தியாக இருக்கும். அந்த கட்சிகளை நீங்கள் முச்சு விட மறந்து பார்ப்பீர்கள்.

வித்தியாசமான ஹாலிவுட் படங்களை பார்க்க விரும்பும் நீங்கள் கண்டிப்பாக தவற விட கூடாத படம் தான் No Country for Old Men.

My Rating: 8.4/10......

டின்டினின் சாகசங்கள் The Adventures of Tintin-The Secret of the Unicorn (2011)

படத்தை பற்றி பார்பதற்கு முன்பு டின் டின் யார் என்று பார்போம். 17 வயது நிரம்பிய துப்பறியும் கார்ட்டூன் கதாபாத்திரம் தான் டின் டின். இந்த கதாபாத்திரத்தை உருவாக்கியவரின் பெயர் Hergé. இவர் பெல்ஜியம் நாட்டை சேர்ந்த கார்டூனிஸ்ட். டின்டினின் சாகசங்கள் என்ற தலைப்பில் நிறைய காமிக்ஸ் புத்தகங்களை எழுதி தள்ளினார். சுருக்க சொல்லவேண்டு என்றால் டின்டின் ஜேம்ஸ் பாண்டு போன்று ஒரு கற்பனை பாத்திரம். டிண்டின் காமிக்ஸ் குழந்தைகள் மற்றும் பெரியவர்களை கவரும் விதமாக எழுத பட்டு இருக்கும்.

டின்டினின் அணைத்து காமிக்ஸ்கலிலும் அவனுக்கு உற்ற தோழனாக வருவது அவனது நாய் ஸ்னோவி (Snowy). மற்றும் ஒரு முக்கிய கதாபாத்திரத்தின் பெயர் ஹேடாக் (Haddock), இவர் ஒரு கப்பல் கேப்டன். சதா எந்த நேரமும் தண்ணியில் மிதப்பவர். பிறகு ப்ரொஃபஸர் கால்குலஸ் (calculus), இவர் ஒரு விஞ்ஞானி. காமிக்ஸில் வரும் முக்கிய விஞ்ஞான புதிர்களை அவிழ்ப்பதற்க்கு இவர் பயன் படுவார். இது போக இரட்டைப் போலீஸ்காரர்கள் "தாம்ஸன்" & "தாம்ப்ஸன்" (Thomson & Thompson). இந்த படத்தில் ஸ்னோவி, ஹேடாக் மற்றும் "தாம்ஸன்" & "தாம்ப்ஸன்" மட்டுமே உள்ளனர். ஏனோ கால்குலஸ் இல்லை. வில்லனாக வரும் கதாபாத்திரத்தின் பெயர் ஸாஹரின் (Sakharine).

      

மொத்தம் 23 டின்டின் காமிக்ஸ்கள் வெளிவந்துள்ளன. இந்த திரைப்படம் முன்று காமிக்ஸ்களின் கதையை கலவையாக்கி வெளிவந்துள்ளது. The Secret of the Unicorn (1943), The Crab with the Golden Claws (1941) மற்றும் Red Rackham's Treasure (1944) ஆகிய மூன்று காமிக்ஸ் கதைகளையும் சேர்த்து எடுக்கப்பட்டிருக்கும் திரைப்படமே இந்தப் படம்.  

படம் ஆரம்பித்தவுடன்  நாம் கதைக்குள் நுழைந்து விடுவோம். டின்டின் ஒரு பொம்மை கப்பலை (Unicorn) ஒரு பவுண்ட் விலை குடுத்து வாங்குவார். அங்கு வரும் ஸாஹரின் அந்த கப்பலை தனக்கு குடுக்கும்மாறு டின்டினை மிரட்டுவார். ஆனால் டின்டின் அதற்கு மறுத்து கப்பலை தன் வீட்டுக்கு எடுத்து சென்று விடுவார். வீட்டில் நாய் ஸ்னோவிக்கும் ஒரு பூனைக்கும் நடக்கும் சண்டையில் அந்த பொம்மை கப்பல் உடைந்து விடுகிறது. அதில் இருந்த ஒரு ரகசிய பேனா வெளி வந்து மேசை அடியில் சென்று ஒளிந்து கொள்கிறது.

டின்டின் வெளியில் சென்ற நேரம் பார்த்து ஸாஹரின் ஆட்கள் வந்து டின்டினின் வீட்டை சோதனையிட்டு அந்த கப்பலை திருடி சென்று இருப்பார்கள். அபொழுது தான் டின்டின்க்கு அந்த கப்பலில் ஏதோ மர்மம் இருப்பது புரிய வரும். தவறி மேசைக்கு அடியில் விழுந்த பேனாவை நாய் ஸ்னோவி கண்டுபிடித்து விடும். அந்த பேனாவின் உள்ளே ஒரு காகிதம் இருக்கும். படித்து பார்த்தால் ஏதோ புதையல்க்கு ஆனா ரகசிய குறியீடு போல் தோன்றும்.

மறு நாள் டின்டின் வீட்டுற்கு வரும் ஒரு மர்ம ஆசாமி ஸாஹரின் ஆட்களால் சுட்டு கொல்ல படுகிறார். பிறகு அந்த மர்ம ஆசாமி ஒரு போலீஸ்காரர் என்று தெரிய வருகிறது. அவர் டின்டினிடம் ஏதோ ஒரு ரகசியத்தை சொல்ல வந்து இருப்பார், ஆனால் அதற்கு முன்பே அவர் இறந்து விடுவார். அதன் பிறகு அங்கு நடக்கும் கலாட்டாவில் டின்டின் ஸாஹரின்  ஆட்களால் தாக்கப்பட்டு காரபௌட்ஜின் (Karaboudjan) என்ற கப்பலுக்கு பெட்டியில் அடைத்து எடுத்து செல்ல படுகிறான். அந்த கப்பலில் இருந்து நாய் ஸ்னோவியின் உதவியுடன் தப்பிக்கும் டின்டின், அதே கப்பலில் சிறைவைக்கப்பட்ட கேப்டன் ஹேடாக்கை (Haddock), சந்திக்கிறான்.

டின்டின்னும் கேப்டன் ஹேடாக்வும் இனைந்து காரபௌட்ஜின் (Karaboudjan) கப்பலில் இருந்து தப்பிக்கிறார்கள். தப்பித்த டின்டின் பஹார் (Bagghar) என்ற ஊரில் புதையல்க்காண ரகசியம் மறைந்து இருப்பதை அறிகிறான். ஹேடாக், டின்டின் மற்றும் ஸ்னோவி  பஹார் (Bagghar) செல்கிறார்கள். புதையலை ரகசியத்தை தேடி வில்லன் ஸாஹரின் மற்றும் அவனது ஆட்கள்களும் அங்கு வருகிறார்கள்.

ஸாஹரின் கேப்டன் ஹேடாக்கை மற்றும் டின்டினை ஏன் கடத்தினான். புதையல் ரகசியம் என்ன ? டின்டின் அந்த புதிர்களை எப்படி அவிழ்த்தான் ? புதையல் இருந்ததா ? அதை யார் கை பற்றினார்கள் ? என்ற பல கேள்விகள்க்கு டின்டினின் சாகசங்கள் முலம் படம் பதில் சொல்கிறது.

இதை படம் என்று சொல்வதை விட ஒரு அனுபவம் என்று தான் சொல்ல வேண்டும். அதுவும் 3D அனுபவம். படத்தின் இறுதியில் வரும் துரத்தல் கட்சிகள் உங்களை மெய் சிலிர்க்க வைத்து விடும்.

      

படத்தை இயக்கியவர் ஸ்பீல்பெர்க் (Spielberg). இவரை பற்றி நான் சொல்ல வேண்டியது இல்லை. இவரே தான் ஒரு டின்டின் காமிக்ஸ் ரசிகன் என்று கூறி உள்ளார். அதனால் படத்தை பார்த்து பார்த்து செதுக்கி உள்ளார்.

இந்த அளவு தந்துருபமான கிராபிக்ஸ் கட்சிகளை நான் வேற எந்த படத்திலும் பார்த்ததில்லை, அவதார் தவிர்த்து.

டின்டின் காமிக்ஸ் பிரியர்கள் மட்டும் அல்லது அணைத்து தரப்பு மக்களையும் கவரும் விதமாக படம் வெளிவந்துள்ளது.

My Rating: 7.8/10......

போரின் கொடுரத்தை உணர்த்தும் Black Hawk Down-(2001)

இந்த இடுகையின் முலமாக நான் உங்களுக்கு அறிமுக படுத்த போகும் படம் Black Hawk Down. படம் வெளிவந்த ஆண்டு 2001. இந்த படம் சோமாலியாவில் நடந்த உள் நாட்டு போரை மையமாக கொண்டு எடுக்க பட்டு இருக்கும். நான் போரை மையபடுத்தி எத்தனையோ படங்களை பார்த்து இருந்தாலும் இந்த படம் ஏற்படுத்திய பாதிப்பை வேற எந்த படமும் எனக்குள் ஏற்படுத்தியது இல்லை.

இந்த படம் 1999 ஆம் வெளிவந்த Black Hawk Down: A Story of Modern War என்ற நாவலை அடிப்படையாக கொண்டு எடுக்க பட்டு இருக்கும். அந்த நாவல் 1993 ஆம் ஆண்டு சோமாலியாவில் நடந்த ஒரு உண்மை சம்பவத்தை அடிப்படையாக கொண்டு எழுத பட்டு இருக்கும்.

எனக்கு போரின் அறிமுகம் சின்ன வயசுல நடந்துச்சு. சின்ன வயசுல DD National மட்டுமே இருந்த காலத்தில, ஞாயிற்றுக் கிழமை காலை 9 மணிக்கு கடவுள் கிருஷ்ணர் சங்கு ஊதி போரை ஆரம்பிப்பார். பாண்டவர்கள் பக்கத்தில் இருந்து அர்ஜூனன் அம்பை விடுவர். அந்த ஒரு அம்பு பத்து அம்பா மாறி கெட்டவாங்களை போய் குத்தும். சில நேரத்துல அம்பு பக்கத்துல வந்த உடனே வில்லன் மறைஞ்சி போய்டுவார். பார்க்க நல்லா இருக்கும். நான் வளர வளர போர்ன்னா அது இல்லை, அது ரொம்ப மோசமானதுன்னு தெரிஞ்சது.

இந்தியாவில் நான் வாழும் காலத்தில் நடந்த போர்னா அது கார்கில் போர் தான். அப்புறம் கொஞ்சம் வருஷம் கழிச்சு அமெரிக்கா தனது கண்டுபிடிப்புகளை பரிசோதனை செய்ய மற்றும் பெட்ரோல் கொள்ளைக்காக ஆப்கானிஸ்தான் மற்றும் ஈராக் மேல போர் தொடுத்தது. அப்போ கூட போரை பற்றியும், அதன் உண்மையான பாதிப்புகளையும் நான் உணரவில்லை. இலங்கையில் நாம் ஈழமக்கள் மீது போர் தொடுக்க பட்டதே, அப்பொழுது தான் போரின் கொடுமையை நான் உணர்தேன்.

இந்த படம் நமக்கு போரின் தாகத்தை அதன் வலியை நமக்கு உணர்த்தும். போர் காட்சிகள் மிகவும் தந்துருப்பமாக படமாக்க பட்டு இருக்கும். இளகிய மனம் படைத்தவர்கள் இந்த படத்தை தவிர்ப்பது நல்லது. சரி படத்தை பற்றி பார்போம்.

ஆண்டு 1993: சோமாலியாவில் உள்நாட்டு போர் நடந்து கிட்டு இருக்கு. இப்போ சமீபத்தில் EGYPT & LIBIYA வில் நடந்துச்சே, அதே மாதிரி. எந்த ஏழை நாட்டுல உள்நாட்டு போர் அல்லது புரட்சி நடந்தாலும் அமெரிக்காவுக்கு முக்கு வேர்துடுமே. அவன் கண்டுபிடிச்சு வச்சு இருக்குற நவீன ஆயுதங்கள் பரிசோதனை பண்ண ஒரு இடம் கிடைச்சாச்சுன்னு அங்க கிளம்பிறுவான். இங்கேயும் கிளம்பி வரான். அந்த காலகட்டத்தில் நடந்த ஒரு நாள் உண்மை சம்பவமே இந்த திரைப்படம்.

போரில் மாட்டி கஷ்ட படுற சோமாலியா மக்களுக்கு U.N உணவு பொருட்களை அனுப்புறாங்க. அந்த உணவு பொருட்கள் எல்லாம் மக்களுக்கு போய் சேர விடாம பண்னுறது, உள் நாட்டு போர் நடக்க முக்கிய காரணமாக இருக்கும் தலைவன். அவன் பேரு, விடுங்க பேரா முக்கியம். இந்த படத்தை பொறுத்தவரை அவன் தான் வில்லன். அவனுக்கு ரெண்டு தளபதிகள், நம்ப இளைய தளபதி இல்லேங்க, அந்த ரெண்டு பேரும் போர் படை தளபதிகள். அந்த ரெண்டு படை தளபதிகளை பிடிச்சுட்டா போர் முடிவுக்கு வந்துடும்.

அதனால அமெரிக்கன் வீரர்கள் 123 பேர் அவங்களை பிடிக்க போறாங்க. அவங்க போற போர் ஹெலிகாப்டர் பேரு தான் Black Hawk. அந்த ரெண்டு பேரை பிடிப்பது ரொம்ப சுலபமான வேலைன்னு எல்லா வீரர்களும் நெனைச்சுக்கிட்டு அந்த மிஷன்க்கு கிளம்புவாங்க. ஆனா அவங்களுக்கு அங்க ஒரு அதிர்ச்சி காத்துக்கிட்டு இருக்கும். அமெரிக்கன் வீரர்கள் நெனச்சதுக்கு மேலையே தளபதிகள் (புரட்சி படை)கிட்டே இருந்து எதிர்ப்பு இருக்கும். 

அமெரிக்க படைகளுக்கும் சோமாலியா கிளர்ச்சி/புரட்சி படைக்கும் நடக்கும் சண்டை தான் படமே. புரட்சி படை சுமார் ஆயரம் பேர் இருப்பார்கள். புரட்சி படை ரெண்டு அமெரிக்கன் போர் ஹெலிகாப்டர்ன்னா ப்ளாக் ஹாக்யை (Black Hawk) சுட்டு விழித்தி விடுவார்கள். தப்பி பிழைத்த மீதம் இருக்கும் அமெரிக்கன் படைக்கும் புரட்சி படைக்கும் இடையே மிகவும் உக்கிரமான சண்டை நடக்கும்.

அதன் பிறகு தான் போரின் கொடுரத்தை நாம் உணர ஆரம்பிப்போம். போர் நடக்கும் அந்த இடத்தில மாட்டி கொண்ட மீதம் இருக்கும் அமெரிக்கன் வீரர்கள் UN மற்றும் NATO படையினர்களால் எப்படி மீட்க்க பட்டனர் என்பதே மிதி படம். இறுதி காட்சி வரை விறுவிறுப்பு குறையாமல் போகும் படம். 

இந்த படம் 2 ஆஸ்கார் விருதுகள் பெற்றுள்ளது. ஆக்சன் பிரியர்களுக்கு இந்த படம் ஒரு நல்ல விருந்து. 

பலம்:

• படத்தில் ஹீரோ கிடையாது. அதனால் கதை ஒருவரை சுற்றி நகராது. 
• படத்தில் காதல் கிடையாது. ஹாலிவுட் போர் படங்களில் வருவது போல் இதில் செண்டிமெண்ட் சுத்தமாக கிடையாது. படம் ஆரம்பம் முதல் கடைசி வரை ஆக்சன் தான். 
• இந்த அளவு போர் காட்சிகள் தந்துருப்பமாக வேறு எந்த படத்திலும் காட்ட பட வில்லை. நீங்களே அந்த இடத்தில இருப்பது போல் உணர்வீர்கள்.· 

பலவீனம்: 

• அமெரிக்கனின் பார்வையில் படம் சொல்ல பட்டு இருக்கும். சோமாலியாவில் உள்நாட்டு போர் ஏன் நடக்குது என்று சொல்ல பட்டு இருக்காது.

My Rating: 7.5/10.........

மர்ம முடிச்சு - பிரெஞ்சு படம்- Les Diaboliques (1955)

இந்த பதிவு முலமாக நான் உங்களுக்கு அறிமுக படுத்த போகும் படம் Diabolique. படம் வெளிவந்த ஆண்டு 1955. இது ஒரு பிளாக் அன்ட் ஒயிட் திரைப்படம் அதுவும் இல்லாமல் இது பிரெஞ்சு மொழி படம். என்னடா நமக்கு பிரெஞ்சு எல்லாம் தெரியாதே, படம் புரியாமான்னு சந்தேகமே வேண்டாம் சப்-டைட்டில் சேர்த்து பார்த்தா படம் கண்டிப்பா புரியும். இந்த படம் சஸ்பென்ஸ்/த்ரில்லர் வகையை சேர்ந்தது.

இந்த படம் ஒரு பிரெஞ்சு நாவலை அடிப்படையாக கொண்டு எடுக்க பட்டு இருக்கும்.நமக்கு நாவலை (அதுவும் ஃப்ரென்ச்) விமர்சனம் செய்யும் அளவுக்கு தகுதி இல்லாதனால், நேரடியாக படத்தை பத்தி பார்போம். படம் கொஞ்சம் மெதுவாக போகும். ஆனா ரொம்ப நல்ல சஸ்பென்ஸ் கதை, அதை இயக்குனர் அப்படியே படமா எடுத்து இருப்பாரு.

கதை ரொம்ப சாதாரணமானது. கதையை விளக்குவது ரொம்ப சுலபம். பிரான்சில் ஒரு சின்ன கிராமத்தில், ஒரு ஸ்கூல் (School) இருக்கு. அந்த ஸ்கூல்ல ஹாஸ்டல் வேற இருக்கு. நிறைய பசங்க அங்க படிக்கிறாங்க. ஸ்கூல்ல மொத்தம் 4 ஆசிரியர்கள், ஒரு தலைமை ஆசிரியர். அந்த பள்ளியின் தலைமை ஆசிரியர் தான் நம்ப கதைக்கு ரொம்ப தேவையான ஆளு. அவருக்கு 2 பொண்டாட்டி, தப்பு தப்பு ஒரு மனைவி, ஒரு துணைவி.

நம்ப ஊருலத்தான் ரெண்டு பொண்டாட்டி இருந்த அதுல ஒன்னு பேரு மனைவி, இன்னொன்னு பேரு துணைவி ஆச்சே, அதுனால தான் அப்படி சொன்னனே !!!!! சரி இப்போ கதைக்கு வருவோம். தலைமை ஆசிரியரின் மனைவி மற்றும் துணைவி ரெண்டு பேருமே அதே ஸ்கூல்ல ஆசிரியர்களாக வேலை பார்ப்பாங்க. இவங்களை தவிர இன்னும் ரெண்டு ஆசிரியர்கள் அதே ஸ்கூல்ல வேலை பார்கிறாங்க.

தலைமை ஆசிரியர் பேரு மைக்கேல். மனைவி பேரு கிறிஸ்டியானா . துணைவி பேரு நிக்கோல். மைக்கேல் ரொம்ப மோசமானவர். ஹாஸ்டல்ல பசங்களுக்கு சாப்பாடு சரியா போடாமல் அவங்களை ரொம்ப கொடுமை படுத்துறாரு.

அவரு மனைவி மற்றும் துணைவி ரெண்டு போரையும் மதிக்கவே மாட்டார். மனைவி (கிறிஸ்டியானா) .ரொம்ப சின்ன வயசு பொண்ணு. கடவுள் நம்பிக்கை உள்ளவங்க. ரொம்ப பயந்த சுபாவம் உடையவங்க. மைக்கேல் அவரைத்தான் ரொம்ப ரொம்ப கொடுமை படுத்துவார். துணைவி (நிக்கோல்) கொஞ்சம் தைரியமானவ... இருந்தாலும், அப்பப்போ மைக்கேல் அவளையும் கொடுமைப்படுத்தறான். நிக்கோல் & கிறிஸ்டியானா ரெண்டு பேரும் தினமும் மைக்கேல் கிட்ட திட்டு வாங்கறதுனால, அவன் மேல கடுப்புல இருக்காங்க... மைக்கேலிடம் இருந்து எப்படி தப்பிப்பது என்று ரொம்ப தீவரமா யோசிக்கறாங்க. கடைசியில் மைக்கேலை கொலை செய்வது என்று முடிவு எடுக்குறாங்க. மனைவி (கிறிஸ்டியானா) ரொம்ப பயபடுறாங்க. துணைவி (நிக்கோல்) தான் ரொம்ப தைரியசாலி ஆச்சே, அதனால் அவங்க தான் எல்லா ப்ளானும் பண்ணுறாங்க. மனைவி ரொம்ப பயந்தாலும், அதுக்கு உடன்படறா.

ஸ்கூல்க்கு சம்மர் லீவு வருது. மைக்கேலை கொல்றதுக்கு ப்ளான் ரெடி. மனைவியும் துணைவியும் சேர்ந்து வெளியூர் போன மாதிரி எல்லார்கிட்டேயும் காட்டிகிட்டு, மைக்கேலை பாத்ரூம் தொட்டியில அழுத்தி கொலை பண்ணிட்டு, பள்ளிக்கூட நீச்சல் குளத்துல டெட்பாடியை போட்டுடறாங்க.

எல்லோரும் மைக்கேல் காணாம் போய்ட்டுடாருனு நெனச்சுக்கவாங்க. இப்போ ஸ்கூல் நம்ப மனைவி கண்ட்ரோல்க்கு வந்துருச்சு. ரெண்டு மூன்று நாளுக்கு அப்புறம் மனைவியும் துணைவியும் சேர்ந்து அந்த நீச்சல் குளத்தை தூர் வாற முடிவு செஞ்சு, ஒரு ஆளை வைச்சு குளத்துல உள்ள தண்ணியை எல்லாம் வெளிய எடுத்து போடுவாங்க. தண்ணி எல்லாம் காலி ஆனதுக்கு அப்புறம் பார்த்தா அங்க டெட்பாடியைக் காணோம். அங்க இருந்து டென்ஷன் ஆரம்பம் ஆகும். அடுத்த நாளு பார்த்தா மைக்கேல் சாகும் போது போட்டுருந்த கோட்-சூட் அவங்களுக்கு பார்சல்ல வருது. டெம்போ ஏறும்.....

ஸ்கூல்ல படிக்கற பையன் ஒருத்தன், ஹெட்மாஸ்டர் மைக்கேலை இப்பதான் பார்த்தேன்னு அடிச்சு சத்தியம் பண்ணறான். நமக்கோ டென்ஷன் ஏறும். ரெண்டுநாள் கழிச்சு, நிர்வாணமான நிலையில டெட்பாடி ஒரு ஆத்தங்கரையில ஒதுங்கி இருக்குன்னு நியூஸ் பேப்பர்ல ஒரு நியூஸ் வருது. மனைவி பயந்து போய் போலீஸ் ஸ்டேஷன் போய் பார்த்தா அது மைகேல் இல்லை. அங்க இருக்குற ஒரு வயசான போலீஸ்காரர் தானாகவே வந்து நான் மைக்கேலை கண்டுபிடிச்சு தரேன்னு அவரும் ஆட்டத்துல சேர்ந்துப்பார். மோர் டென்ஷன்........

அடுத்த நாள் ஸ்கூல்ல குரூப் போட்டோ எடுப்பாங்க, அந்த போட்டோவுல பார்த்த மைக்கேல் முஞ்சி மாதிரியே ஒரு முஞ்சி தெரியும். மறுபடியும் டெம்போ ஏறும். மைக்கேல் ஆவியா வந்துட்டார்னு துணைவி (நிக்கோல்) ரொம்ப பயந்துபோய் ஊரை விட்டே ஓடி போயிருவாங்க. அன்னைக்கி நைட் தான் திக் திக் கிளைமாக்ஸ்.........நான் அந்த கிளைமாக்ஸ் பார்த்து ரொம்ப பயந்துட்டேன் . இந்த படத்தோட கிளைமாக்ஸ் எங்க தேடினாலும் கிடைக்காது. அது தெரியணும்னா படத்த டவுன்லோட் செஞ்சு பாருங்க.

பலம்:

• கதையை ரொம்ப நேர்த்தியாக சொல்லி இருப்பாங்க. கிளைமாக்ஸ் நம்மால யூகிக்க முடியாத படி படமாக்க பட்டு இருக்கும்.
• ஹாலிவுட் த்ரில்லர் படங்கள்ல இருக்கற பயமுறுத்தற இசை, எக்குத்தப்பான கேமிரா கோணம் இதுல இல்லை. ஆனாலும் நம்ப பயப்படுவோம்.
• எல்லோரும் ரொம்ப நல்லா நடிச்சு இருப்பாங்க.

பலவீனம்:

• படம் கொஞ்சம் மெதுவாக போகும். அதுவும் மைக்கேலை கொலை செய்ற வரைக்கும் தான்.

நீங்க இந்த படத்தை பார்க்காம விட்டுட்டா, சினிமா உலகின் முக்கியமான சஸ்பென்ஸ் த்ரில்லர் படத்தை மிஸ் பண்ணுன மாதிரி ஆகிரும்... மிஸ் பண்ணாதீங்க.

My Rating: 8.5/10 ......

கேள்வியை தேடும் தேர்வு - EXAM (2009)

இந்த பதிவு முலமாக நான் உங்களுக்கு அறிமுகபடுத்த போகும் படம் “EXAM”. படம் வெளி வந்த ஆண்டு 2009. இந்த படம் ஒரு சஸ்பென்ஸ் வகையைச் சார்ந்தது. இந்த படத்தின் தனி சிறப்பு என்னவென்றால், இதில் மொத்தமே 10 கதாபாத்திரங்கள் தான். படம் முழுவதும் ஒரே ஒரு சின்ன அறையில் படமாக்க பட்டு இருக்கும். கேமரா அந்த ஒரு அறைய விட்டு வெளிய போகாது.

இந்திய சினிமாக்களில் ஒரே காட்சியை ஒவ்வொரு ஊரில் எடுப்பார்கள். ஒவ்வொரு பாட்டுக்கும் ஒரு நாட்டுக்கு பறந்து போவர்கள். டைரக்டர்களிடம் "ஏன் சார் இப்படி சம்பந்தம் இல்லாமல் ஒவ்வொரு பாட்டுக்கும் வெளிநாட்டுக்கு போய், ஹீரோவா தெருவுல ஆட விடுறேங்கனு" கேளுங்க. அதுக்கு அவரு சொல்லுவாரு " உள்ளூர் ரசிகர்கள் எல்லாராலும் வெளிநாடு எல்லாம் போக முடியாது, அதனால் அவங்க ஆசையை பூர்த்தி செய்யற மாதிரி நாங்க வெளிநாட்டுக்கு போய் அங்க பாட்டு பாடி, அவனுக்கு வெளிநாட்ட சுத்தி காமிக்றோம்" அப்படின்னு ஒரு பெரிய விளக்கம் குடுப்பாரு. சரி விடுங்க நமக்கும் அந்த மாதிரி கலர்புல்லாக இருந்தா பிடிக்கும். அப்புறம் நம்ப ஊரு டைரக்டர்ஸ் எல்லாம் எப்ப தான் வெளிநாடு எல்லாம் போறது.

ஆனா இந்த படத்தில் ஓரே ஒரு அறை தான். படம் முடியும் வரை அதே அறை தான். நம்ப இப்போ EXAM படத்தை பற்றி பார்ப்போம். நம்ப எல்லோரும் கண்டிப்பா பரீட்சை எழுதி இருப்போம். இந்த படமும் ஒரு பரீட்சையை பற்றியது. 80 நிமிடங்கள் நடக்கும் ஒரு பரீட்சை தான் இந்த படம்.

ஒரு ஊருல, அது என்ன ஒரு ஊரு, அமெரிக்காவுல ஒரு பெரிய கம்பெனி (Organization), சும்மா பேஸ்புக், கூகிள் மாதிரின்னு வச்சுகாங்க. அந்த கம்பெனியின் CEO கிட்ட கரியதரசி (Secretary) வேலை. அந்த வேலையில் சேருவதற்குகாண கடைசி கட்ட தேர்வுக்கு மொத்தம் 8 பேர் தேர்வு ஆகி இருப்பாங்க. அப்புறம் அந்த தேர்வை நடத்துபவர் (Invigilator), ஒரு காவலாளி துப்பாக்கியுடன். (8+1+1)மொத்தம் 10 கதாபாத்திரங்கள். பரீட்சை ரூமுக்கு 8 Candidates வருவார்கள்.

படம் இங்கே ஆரம்பிக்கும். அனைவர்க்கும் ஒரு மேசை, ஒரு நாற்காலி, ஒரு பேப்பர், ஒரு பென்சில் குடுக்க பட்டு இருக்கும். தேர்வு நடத்துபவர் மொத்தம் 3 விதிமுறைகளை சொல்லுவார்.

• யாரும் என்னிடமோ (Invigilator), அல்லது காவலாளியிடமோ பேச கூடாது.
• யாரும் அந்த பேப்பரில் எழுதவோ, அல்லது அந்த பேப்பரை சேத படுத்தவோ கூடாது.
• யாரும் அந்த அறையை விட்டு வெளியேற கூடாது.

இந்த முன்று விதிமுறையை மீறுவோர் தேர்வில் இருந்து வெளியேற்றபடுவார்கள். இதை சொல்லி விட்டு தேர்வை நடத்துபவர் (Invigilator), அந்த அறையை விட்டு வெளியேறி விடுவார். தேர்வு ஆரம்பம் ஆகும். தேர்வு நேரம் 80 நிமிடங்கள். முதலில் ஒரு பெண், அந்த பேப்பரில் எழுதுவாள், உடனே அவளை அங்கு இருக்கும் காவலாளி அந்த பெண்ணை தகுதி நீக்கம் செய்து வெளியேற்றி விடுவான், ஒரு Candidate அவுட், மீதி இருப்பது 7 பேர். படம் இங்கு இருந்து வேகம் எடுக்கும். நன்றாக யோசித்து பார்த்தல், தேர்வை நடத்துபவர் (Invigilator) தேர்வுக்கான கேள்வியை சொல்லி இருக்க மாட்டார்.

மீதி 7 பேரும் சேர்ந்து கேள்வியை கண்டு பிடித்து பிறகு விடையை கண்டு பிடிக்க வேண்டும். நாமும் அவர்களுடன் சேர்ந்து கேள்வியை தேட ஆரம்பிப்போம். 7 பேரும் அவர்கள் உள்ளயே பெயர் வைத்து கொள்ளவார்கள். மொத்தம் 4 ஆண்கள், மற்றும் 3 பெண்கள்.

அவர்கள் பெயர்கள் மற்றும் அவர்கள் குணாதிசயங்கள் கிழே குடுத்து உள்ளேன்

1. வைட்(White) = இவரு ஒரு அமெரிக்கன். இவருக்கு பேரு White என்னா இவரு வெள்ளையா இருப்பார். இவருக்கு அடுத்தவர்கள் பற்றிய கவலை கிடையாது. சுயநலவாதி.
2. ப்ளக் (Black) = இவரும் ஒரு அமெரிக்கன். இவருக்கு பேரு black என்னா இவரு கருப்பா இருப்பார். அடுத்தவங்களுக்கு உதவி செய்ய வேண்டும் என்ற எண்ணம் கொண்டவர்.
3. ப்ரௌன் (Brown) = இவரு ஏசியன் (Asian), இவருக்கு பேரு Brown என்னா இவரு பிரௌனா இருப்பார். இவரு முதலில் தான் ஒரு கம்ப்ளீர் (Gambler) என்று சொல்லுவார். பிறகு ராணுவத்தில் இருந்ததாக சொல்லுவார். 
4. டெப் (Deaf) = இவரு பேசவே மாட்டாரு. அதனால இவரு பேரு டெப் (Deaf).
5. ப்ளொண்டு (Blonde) = இவங்க ரொம்ப அழகா இருப்பாங்க, அதனால் Blonde. அடுத்தவங்களுக்கு உதவி செய்ய வேண்டும் என்ற எண்ணம் கொண்டவங்க.
6. ப்ருநெட்(Brunette) = இவங்க முடி பிரவுன் (Brown) கலரில் இருக்கும். அதனால் இவங்க ப்ருநெட்.
7. டார்க் (Dark) = இவங்க டார்க். இவங்க கேரக்டர் கொஞ்சம் குழப்பம் ஆனது. 

இதில் ஒவொருவரும் எப்படி எல்லாம் வெளியேற்ற பட்டனர், என்பதை மிகவும் சுவாரசியம் சொல்லி இருப்பர் இயக்குனர். கடைசியில் யார் அந்த கேள்வி/விடையை கண்டு பிடித்து அந்த வேலையை கை பற்றுகிறார் என்பதே மீதி கதை. 

பலம்:

• ஒரே ஒரு அறையில் முழு படத்தையும் எடுத்து இருப்பார்கள். இருந்தாலும், பார்க்கும் நமக்கு அலுப்பு ஏற்படாதவாறு படம் ஆக்க பட்டு இருக்கும்.
• கடைசி வரை அந்த கேள்வி/விடையை நம்மால் யூகிக்க முடியாது. அந்த சஸ்பென்ஸ் கடைசி காட்சி வரை காப்பாற்ற பட்டு இருக்கும்.
• படத்தில் அனைவரும் தங்கள் நடிப்பை தேவையான அளவு வெளி படுத்தி இருப்பார்கள். 
• படம் முழுவதும் பின்னணி இசை படத்தின் வேகத்தை குறைக்காமல், நாம் காதை சேதபடுதாமல், மெல்ல தவழ்ந்து ஓடும்.

பலவீனம்:

• படத்தில் பலவீனம் என்று சொல்லும் அளவு பெரிய குறை ஒன்றும் கிடையாது. வழக்கமான எல்லா ஹாலிவுட் படங்களில் வருவது போல், இதிலும் உலகத்திற்கு ஆபத்து, அதை இந்த கம்பெனியின் C.E.O வால் தான் அதை காப்பாற்ற முடியும் என்பதை போல் கதை அமைத்து இருப்பார்கள். அந்த ஒரு பகுதி மட்டும் கொஞ்சம் மொக்கை. 

My Rating: 8.0/10 .

எனக்கு பிடித்த படங்கள்

எனக்குள்ள ரொம்ப நாளாவே ஒரு ஆசை. ஆசைன்னு சொல்லறதை விட பேரசைன்னு கூட சொல்லலாம்.அது என்னன்னா நாமளும் தமிழில் ப்ளாக் எழுதணும் அப்படின்னு. ஆனாலும் ஒரு பயம், ப்ளாக் எழுத தமிழ் இலக்கியம் எல்லாம் தெரியணும்னு சொல்லுவாங்களே... நமக்கு தமிழே எழுத வரதே இதுல இலக்கியத்துக்கு எங்க போறதுன்னு. அனாலும் அசை யாரை விட்டுச்சு. ரொம்ப யோசிச்சு இலக்கியம் அதிகம்மா தேவை படாத ஒரு விஷயத்தை கைல எடுத்தேன். அது தான் "சினிமா சினிமா". ப்ளாக்கு தலைப்பும் அதே தான்.

அதுனால சினிமாவை பத்தி மட்டும் எழுதலாம்னு முடிவு பண்ணிட்டேன். சினிமான்னு முடிவு பண்ணியாச்சு, சரி எந்த மாதிரி படங்களை பத்தி எழுதறது அப்படின்னு யோசிச்சு பார்த்தப்ப எனக்கு தோணினது ஹாலிவுட் படங்கள்தான். என்னா தமிழ் படங்கள அலசி காயப்போட பல பிளாக்கர்ஸ் இருகாங்க. ஹாலிவுட் படங்களை பற்றி எழுத கொஞ்ச பேர் தான் இருகாங்க, அதனால்தான் நான் ஹாலிவுட் படங்களை எழுதலாம் என்று முடிவு செய்தேன். அதனால் இங்க வெறும் ஆங்கிலம் திரைப்படம் மட்டும் தான் கிடைக்கும். அதுக்காக நீங்க என்ன பீட்டர் அப்படின்னு நெனச்சுக்க வேண்டாம். மிகச்சிறந்த கதைகள்/கருத்துக்கள் உள்ள படங்கள், வித்தியாசமான திரைக்கதை உள்ள படங்களைப் பற்றி எனக்கு தெரிந்ததை, நான் படித்ததை, உங்களுடன் (ப்ளாக் ரீடர்ஸ்) பகிர  வேண்டும் என்பதே இந்த வலைப்பூவின் நோக்கம்.

இப்போ எனக்குப் பிடித்த திரைப்படங்கள் பற்றிய தொகுப்பு தான் இந்த பதிவு. இதில் இருக்கும் படங்கள் அநேகமாக எல்லோருக்கும் தெரிந்த/பார்த்த திரைபடங்கள் தான். என்னை மிகவும் பாதித்த திரைப்படங்களை மட்டுமே இங்கு தொகுத்து உள்ளேன். இந்த படங்களை பற்றி விரிவாக எழுதும் எண்ணம் வேறு உள்ளது.

God Father -Trilogy:

இந்த படத்தை பற்றி நிறைய பேர் அக்கு வேறா பிரிசுட்டாங்க இருந்தாலும் ஹாலிவுட் படங்கள பத்தி எழுதுறேன் சொல்ற நான் இந்த படத்த பத்தி சொல்லியே ஆகனும். இந்த படம் மாபியா கும்பல்குளே நடக்கும் போர் பற்றியது.இந்த படத்தில் யாரும் நடிக்கவில்லை, எல்லோரும் அந்த அந்த கதாபாத்திரமாக வாழ்ந்து இருப்பார்கள். இந்த படம் ஒரு டான்னின் வாழ்க்கைய அருகில் இருந்து பார்ப்பது போன்ற ஒரு உணர்வை தரும். மொத்தம் முன்று பாகங்கள் இந்த படம் வெளி வந்து உள்ளது.

இயக்குனர்: Francis Ford Coppola 

Pulp Fiction:

இந்த படம் ஒரு Non-Linear வகையானது. அதாவது ஒரு சூப்பர் திரில்லர் நாவல் படிப்பதை போன்ற ஒரு அனுபவத்தை உங்களுக்கு தரும். நாவலில் வருவதுபோல் படத்தை அத்தியாயம் (Chapter) வரியாக பிரித்து இருப்பார்கள். படத்தில் நான்கு கிளை கதைகள் , இந்த நான்கு கதைகளும்... ஒன்னுக்கொன்னு முட்டிக்கொண்டோ.. இல்லை பின்னிக்கொண்டோ இருக்கும். ஆனா..கடைசி வரை ஒட்டவே ஒட்டாது. படம் முடிந்த பிறகு நீங்கள் ரொம்ப நேரம் படத்தை பற்றி யோசித்து கொண்டு இருப்பேர்கள்.

இயக்குனர்: Quentin Tarantino

Memento:

நீங்க எத்தனை படம் வேணும்னாலும் பார்த்திருக்கலாம்... ஆனா ஒரு 3-D படம் பார்க்கிற மாதிரி வருமா? அது ஒரு தனி அனுபவம்... புதுமையான அனுபவம்... சொன்னாலோ, படிச்சாலோ புரியாது... அனுபவிக்கணும்... அதே மாதிரிதான் மெமெண்டோவும்... புதுமையான குழப்ப அனுபவம். இந்த படம் 20 நிமிடங்கள்வரை ஒன்றுமே புரியாது. 20 நிமிடங்களுக்கு பிறகுதான் இது எப்படி பட்ட படம் என்று தெரியும். அதனால் இதை நீங்கள மறுபடியும் முதலில் இருந்து பார்ப்பேர்கள். குறைந்தபட்சம் 4~5 முறை பார்த்தல் தான் இதில் உள்ள புதிர்கள் ஓர் அளவுக்குவது புரியும்.

இயக்குனர்: Christopher Nolan

The Shawshank Redemption:

இந்த படத்தை நான் எத்தனை தடவை பார்த்தேன் என்று எனக்கு நினைவில் இல்லை. எந்த ஒரு விளிம்பு நிலையிலும் மனிதன் நம்பிக்கயை மட்டும் இழக்க கூடாது என்பதை விளக்கும் படம் இது. மிகவும் மெதுவாக போகும் படம். கட்டை வண்டியில் பயணம் செய்வதை போன்று இருக்கும், ஆனால் இந்த பயணம் ஒரு மறக்கவே முடியாத அனுபவமாக நிச்சியம் இருக்கும். 21/2 மணி நீங்கள் பொறுமையாக பயணம் செய்ய வேண்டும். இது ஒரு சிறந்த பீல் குட் (Feel Good) படம். இந்த படத்தின் பலமே இதன் வசனங்கள் தான்.

இயக்குனர்: Frank Darabont

Kill Bill -Duology:

இது ஒரு சாதாரண பழி வாங்கல் திரைப்படம். படத்தின் கதாநாயகி (Uma Thurman) தனது காதலனை & கருவில் இருக்கும் குழந்தையை கொன்ற 4 பேரை கொல்வது தான் கதை. இந்த கதைக்கு மிகவும் சுவாரஸ்யமான திரைக்கதை அமைத்து இருப்பர் இயக்குனர். இதுவும் நமக்கு ஒரு நாவலை படிப்பது போன்ற ஒரு உணர்வை தரும். படம் மொத்தம் 3 மணி நேரம். அதை 1 ½ மணி நேரமாக பிரித்து Kill Bill - Vol-1 & Kill Bill – Vol-2 ஆக வெளியிட பட்டது. கவனிக்க Part -1 & Part -2 ஆக இல்லை. 

இயக்குனர்: Quentin Tarantino

மேலே உள்ள படங்கள் என்னக்கு மிக மிக பிடித்த திரைபடங்கள். இது தவிர நான் பார்த்த/ரசித்த/என்னை பாதித்த படங்களை உங்களுக்கு அறிமுகம் செய்வதே இந்த ப்ளாக்கின் நோக்கம். மிண்டும் சந்திப்போம்.