நானும் ஆஸ்கர் விருதும் - 2012

அடிச்சிகோ பிடிச்சிகோ என்று இன்று காலை 84-வது ஆஸ்கார் விருதுகள் அறிவிக்க பட்டு விட்டன. அனைவரின் எதிர்பார்ப்பை பூர்த்தி செய்யும் விதத்தில் இந்த முறை அதிக விருதுகள் வாரி குவித்துள்ள படம் "தி ஆர்டிஸ்ட்". இப்படம் 5 விருதுகளை வாங்கி குவிச்சிருக்கு. முக்கியமா சிறந்த படம், சிறந்த நடிகர், சிறந்த டைரக்டர் போன்ற மிக முக்கிய விருதுகளை வாங்கி இருக்கு இந்த படம். வேற என்ன என்ன படம் விருது வாங்கி இருக்கு அப்படின்னு இப்போ பார்க்குற முன்னாடி ஆஸ்கார் விருதுக்கும் எனக்கும் என்ன சம்பந்தம் அப்படின்னு இப்போ பார்போம்.

          ஆஸ்கார் விருது ஹாலிவுட் காரர்களால் ஹாலிவுட் படங்களுக்கு குடுக்க படும் விருதுன்னு எல்லோருக்கும் தெரியும். 1997 -ஆம் ஆண்டு டைட்டானிக் படத்தோட தமிழ்நாட்டு ரிலீஸ்க்கு அப்புறமா தான் எனக்கு ஆஸ்கார் விருது பற்றிய அறிமுகம் கிடைச்சது. அதுக்கு முன்னாடி நான் ஆஸ்கார் பத்தி கேள்வி பட்டது கூட கிடையாது. டைட்டானிக் முன்னாடி எனக்கு தெரிஞ்ச ஹாலிவுட் படம்னா அது மம்மி, அனகோண்டா, ஜுராசிக் பார்க் மட்டும் தான். வின்னர் ஆப் 11 ஆஸ்கார் என்ற பயங்கரமான விளம்பரத்தோட டைட்டானிக் தமிழ்நாட்டுல ரிலீஸ் ஆச்சு. டைட்டானிக் பார்காட்டி தெய்வ குத்தம் ஆகிடும் அப்படிங்கற அளவுக்கும் சன் டிவி விளம்பரம் பண்ணுனாங்க. எதுக்கு சாமி பொல்லாப்புன்னு நானும் போய் டைட்டானிக் பார்த்தது எல்லாம் பெரிய வரலாற்று நிகழ்வு. என்னடா இது சண்டையே இல்லாத படத்துக்கு போய் பெரிய பெரிய விருது எல்லாம் குடுத்து இருகங்களே அப்படின்னு ரொம்ப பீல் பண்ணுனேன். டைட்டானிக் எனக்கு அப்போ பிடிக்கமா போச்சு. நம்ப ஊர் தேசிய விருது எப்படி பெங்காலி மற்றும் மலையாள ஆர்ட் மூவிக்கு தான் குடுப்பாங்கலோ, அதே போல  தான் ஆஸ்கார் அப்படின்னு ஒரு முடிவுக்கு வந்துட்டேன். அதுக்கு அப்புறம் ஆஸ்கார் வாங்கின படம்னா அப்படியே தள்ளி வச்சிட்டு போயிடுவேன். அப்படி நான் நிறைய நல்ல படங்களை தவற விட்டு இருக்கேன்.

            இதே கதை 2009 வரைக்கும் தொடர்ந்து. எனக்கும் ஆஸ்கார் மேல அவ்வளவு ஈடுபாடு இருந்து கிடையாது. ஆனா 2009 - ஆம் ஆண்டு ஆஸ்கார் விருதுக்கு இசைக்கான ரெண்டு பிரிவுல ஒரு தமிழன் A.R. Rahman பரிந்துரை செய்ய பட்டு உள்ளார் என்று கேள்விபட்டு ரொம்ப ஆச்சிர்யமா போச்சு. அப்ப தான் SlumDog Millionaire படமும் நெட்ல டவுன்லோட் பண்ணி பார்த்தேன். அந்த படமும் அந்த படத்தின் இசையும் எனக்கு நிறைய விசயங்களை கத்து கொடுத்துச்சு. SlumDog போல் ஒரு விறுவிறுப்பாக திரைபடத்தை அது வரை நான் பார்த்தது கிடையாது.ஆரம்பம் முதல் கடைசி வரை கொஞ்சம் கூட சுவாரஸ்யம் குறையாமல் அதே நேரத்தில் மிக அழுத்தமான காட்சிகளோடு, யதார்த்தம் கொஞ்சமும் மீறாமல், பேண்டஸித் தன்மையோடு நகரும் பட காட்சிகள் எனக்கு புது அனுபவத்தை குடுத்தன. அந்த படத்தில் இறுதியில் வரும் ஒரு காட்சி இது, கடைசி கேள்விக்கு விடை தெரியாமல் ஜமால் முழிக்கும் நேரத்தில் டிவி பார்த்து கொண்டு இருக்கும் ஒரு வயதான முதாட்டி "ஜமால் உன்னால் முடியும்" என்று சொல்லும் அந்த வசனமும் அதற்கான பின்னணி இசையும் எனக்கு மிக பெரிய நம்பிக்கை டானிக். அந்த காட்சியை இப்போ நினைத்தாலும் எனக்கு புல் அரிக்கும். அப்படி பட்ட இசையை குடுத்த ஏ.ஆர்.ரஹ்மானின் இசையை தான் ஆஸ்கார்க்கு பரிந்துரை செய்ய பட்டு உள்ளது என்ற எண்ணமே எனக்கு ஒரு திருப்தியை குடுத்தன.

            ஆனா அதுக்கும் மேல A.R. Rahman அந்த விருதை வாங்கி விழா மேடையில் "எல்லா புகழும் இறைவனுக்கே" அப்படின்னு தமிழ்ல சொன்னாரோ, அப்ப நான் அடைந்த சந்தோஷத்துக்கு அளவே இல்லை. அந்த ஒரு வினாடிய இப்போ நினைச்சாலும் எனக்கு அப்பிடியே சிலிற்கும். ஏதோ நானே அந்த எடத்துல இருந்த மாதிரி ஒரு பீலிங். அப்போதான் எனக்கு புரிஞ்சது, ஆஸ்கார் விருது ஹாலிவுட் காரனுக்கு மட்டும் சொந்தமானது இல்லை, திறமை இருந்தா ஒரு தமிழன் கூட வாங்கலாம். அப்போ நீங்க கேட்கலாம் ரஹாமனை விட பல மடங்கு திறமை வாய்ந்த இசைஞானிக்கு ஏன் இன்னும் ஆஸ்கார் குடுக்கலன்னு ? காரணம் ரொம்ப சிம்பிள், இசைஞானி இன்னும் ஹாலிவுட் படத்துக்கு மியூசிக் போடல. என்ன கேட்டா இசைஞானிக்கு இன்னும் இந்தியாவில நல்ல அங்கீகாரம் கிடைகவில்லைன்னு தான் சொல்லுவேன். சரி விடுங்க எங்கேயோ போயிட்டோம், இப்போ மறுபடியும் ஆஸ்கார். 

             அதுக்கு அப்புறம் எனக்கு ஆஸ்கார் மேல ரொம்ப மரியாதை வந்துடுச்சு. அப்புறம் நான் ஆஸ்கார் வாங்கின படமா தேடி தேடி பார்த்தேன்.  ஆஸ்கார் வரலாறை எடுத்து பார்த்தா, வருஷா வருஷம் மிக சிறந்த படத்தை தான் அவங்க தேர்ந்து எடுத்து இருகாங்கன்னு எனக்கு புரிஞ்சது. 98% அவங்க தேர்வு சரியா இருக்கும். ஒன்னு ரெண்டு தடவை அவங்க முடிவு கொஞ்சம் தப்பாய் போய் இருக்கலாம். மற்ற படி ஆஸ்கார் அரசியல் அப்படின்னு ஒன்னும் கிடையாது என்பது என்னோட கருத்து. சரி இந்த வருஷம் ஆஸ்கார் வாங்கின படம் மற்றும் அதுக்கு போட்டியிட்ட படங்களை இப்போ பார்போம்.

               சிறந்த படத்துக்கான விருதுக்கு போட்டியிட்டது மொத்தம் 9 படங்கள்:

The Tree of Life , The Descendants, Extremely Loud & Incredibly Close, The Help, Midnight in Paris, Money ball, War Horse & The Artist.

மேல உள்ள படங்களை பத்தி ஏற்கனவே நம்ப தமிழ் ப்ளாக்கரஸ் கொஞ்ச பேரு எழுதி இருகாங்க. தனியா நான் வேற இந்த படங்களை பத்தி எழுத வேண்டாமேன்னு நினைச்சு நான் படிச்ச சில நல்ல விமர்சன்களை மட்டும் இங்கு குடுத்து இருக்கேன். அதோட லிங்க் இதோ, போய் பாருங்க.

ஹாலிவுட் ரசிகனின் Moneyball மற்றும் Hugo.

Tha Cinemaவின் பார்வையில் Midnight in Paris (2011) - கலை இலக்கிய ஃபேன்டஸி 

ஆனந்த அவர்களின் பார்வையில் தி ஆர்டிஸ்ட்.

விருதுக்கு பரிந்துரை செய்ய பட்ட மற்ற படங்களை பற்றி ஆனந்த இந்த போஸ்ட்ல ரொம்ப நல்லா எழுதி இருக்கார். 

இத்தனை கடும் போட்டிக்கு மத்தியில் சிறந்த படத்துக்கான ஆஸ்கார் விருதினை வென்றது தி ஆர்டிஸ்ட். இந்த படத்தில் நடித்த Jean Dujardin -க்கு சிறந்த நடிகருக்கான விருதும், இப்படத்தை இயக்கிய Michel Hazanavicius -க்கு சிறந்த இயக்குனர்க்கான விருதும் வழங்க பட்டு உள்ளது.

அது போக சிறந்த கிராபிக்ஸ்/விஷுவல் எபக்ட்ஸ் உடைய திரைப்படங்களுக்கு ஆஸ்கார் விருதுகள் வழங்கப்படும். அந்த விருதினை தட்டி சென்ற படம் "The Hugo".

விஷுவல் எபக்ட்ஸ் பிரிவில் பரிந்துரைக்க பட்ட படங்களை பற்றிய நம்ப JZ அவர்கள் ரொம்ப டீபா அலசி உள்ள பதிவு 

அது போக சிறந்த அனிமேஷன் படத்துக்காண விருதை வென்ற படம் Rango. 

அனிமேஷன் படங்களை பற்றிய JZ அவர்களின் அலசல் பதிவு.

விருது பெற்ற படங்களின் பட்டியல் இதோ: 

BEST PICTURE

- The Artist

BEST DIRECTOR

- Michel Hazanavicius – The Artist

BEST ACTOR

- Jean Dujardin – The Artist

BEST ACTRESS

- Meryl Streep – The Iron Lady

BEST SUPPORTING ACTOR

- Christopher Plummer – Beginners

BEST SUPPORTING ACTRESS

- Octavia Spencer – The Help

BEST ORIGINAL SCREENPLAY

- Woody Allen – Midnight in Paris

BEST ADAPTED SCREENPLAY

- Alexander Payne, Nat Faxon & Jim Rash – The Descendants

BEST ANIMATED FILM

- Rango

BEST FOREIGN LANGUAGE FILM

- A Separation (Iran)

BEST CINEMATOGRAPHY

- Robert Richardson – Hugo

BEST DOCUMENTARY

- Undefeated

BEST DOCUMENTARY SHORT

- Saving Face

BEST SHORT FILM (ANIMATED)

- The Fantastic Flying Books of Mr. Morris Lessmore

BEST SHORT FILM (LIVE-ACTION)

- The Shore

BEST VISUAL EFFECTS

- Hugo

BEST ART DIRECTION

- The Artist

BEST COSTUME DESIGN

- The Artist

BEST MAKEUP

- The Iron Lady

BEST FILM EDITING

- The Girl with the Dragon Tattoo

BEST SOUND MIXING

- Hugo

BEST SOUND EDITING

- Hugo

BEST ORIGINAL SCORE

- Ludovic Bource – The Artist

BEST ORIGINAL SONG

- ‘Man or Muppet’ from The Muppets

The Good, the Bad and the Ugly- (1966) செர்ஜியோ லியோனியின் டாலர்ஸ் ட்ரையாலஜி பாகம் -3

இந்த பதிவு முலமாக நான் உங்களுக்கு அறிமுக படுத்த போற படம் The Good Bad and Ugly, இது ஒரு வெஸ்டர்ன் வகையை சேர்ந்த படம். அதுவும் இல்லாம இது டாலர்ஸ் ட்ரையாலஜி சீரீஸ்ல வந்த கடைசி படம். இந்த சீரீஸ்ல ஏற்கனவே வந்த ரெண்டு படத்தையும் என்னோட ப்ளாக்ல எழுதி உள்ளேன். முத படம் FistfulOf Dollars ரெண்டாவது படம் For a Few Dollars More. செர்ஜியோ லியோனி இயக்கிய இந்த திரைக்காவியம் அவரோட முத ரெண்டு டாலர்ஸ் படத்தையும் தூக்கி சாப்பிட்டுச்சு. அந்த காலத்தில் இப்படி பட்ட ஒரு பிரண்டமான படம் எடுத்த செர்ஜியோவுக்கு முத சல்யூட்.செர்ஜியோ இத்தாலிய டைரக்டர், அவர் டாலர்ஸ் ட்ரையாலஜி படங்களை முதலில் இத்தாலிய மொழியில் தான் எடுத்தார், பிறகு இப்படங்கள் இங்கிலீஷில டப்பிங் செய்ய பட்டு அமெரிக்காவில் ரிலீஸ் செய்ய பட்டன. இந்த படத்தை மிஞ்சுற மாதிரி ஏன் இது பக்கத்துல வர மாதரி கூட இந்த நாள் வரை எந்த வெஸ்டர்ன் படமும் வந்தது இல்லை. வெஸ்டர்ன் படம்னா அது The Good Bad and Ugly. ஏன் இந்த படத்துக்கு இந்த பில்ட் அப் அப்படின்னு இப்ப பார்போம்....

படத்தை பத்தி பார்க்கிறதுக்கு முன்னாடி செர்ஜியோ லியோனி பத்தி கொஞ்சம் பார்போம். லியோனியின் 25 வருஷ டைரக்டர் கேரியரில் அவர் மொத்தமே 10 படங்களை தான் இயக்கி உள்ளார். அதில் ஒன்று கூட நேரடி ஆங்கில படம் கிடையாது. எல்லாமே இத்தாலிய மொழி படங்கள் தான். முக்கியமா அவருக்கு ஆங்கிலம் தெரியாது. ஆனாலும் அவரின் அணைத்து படங்களும் அமெரிக்கா முதல் கொண்டு உலகம் முழுவதும் இன்று வரை கொண்டாடபடுகிறது. வெஸ்டர்ன் படங்களுக்கு என்றே இவர் தனியா ஒரு பாணியை உருவாக்கினார். முக்கியாமாக பண்டி ஹண்டர்ஸ், வங்கி கொள்ளை, புதையல் தேடி அலைவது, டுயல் துப்பாக்கி சண்டை, மர விடுகள், குதிரையில் இருந்த படியே துப்பாக்கி சண்டை, வறண்ட பாலைவனம், பழிவாங்குதல், பயங்கர முகம் கொண்ட வில்லன்கள் போன்ற விசயங்கள் கண்டிப்பாக அவரின் அணைத்து படங்களிலும் இடம் பெற்றன. நம்ப வாழ்கை முறைக்கு சம்பந்தமே இல்லாத வெஸ்டர்ன் வாழ்கை முறை மேல ஏனோ எனக்கு சின்ன வயசுல இருந்து ஒரு பயங்கர பிடிப்பு. நம்பனால டெக்சாஸ், மெக்ஸிகோ போன்ற ஊருக்கு எல்லாம் போய் அந்த வாழ்க்கைய அனுபவிக்க முடியாது. ஆனா அந்த கௌபாய் உலகத்தை கண்டிப்பா செர்ஜியோவின் படங்களின் முலமாக அனுபவிக்கலாம். அந்த வாழ்கையை வேற ஒரு வழி முலமாக கூட அனுபவிக்கலாம், அது என்னன்னு வேற பதிவுல சொல்றேன்...

இந்த திரைப்படத்தின் ஆரம்பம் முற்றிலும் வித்தியாசமாக இருக்கும். முன்று கதாபாத்திரங்களின் அறிமுகத்தோடு படம் ஆரம்பிக்கும். முதலில் டுகோ. டுகோ தான் UGLY. இவன் ஒரு பலே திருடன். பண்டி ஹண்டரிடம் இருந்து டுகோ தப்பிப்பது போன்று இவரின் ஆரம்ப காட்சி இருக்கும். இந்த காட்சி நல்ல நகைச்சுவையாக இருக்கும். அடுத்து ஏஞ்சல் ஐஸ். இவன் தான் BAD. இவன் ஒரு முன்னாள் அமெரிக்க ராணுவ வீரனை விசாரணை செய்வது போன்று ஆரம்ப காட்சி இருக்கும். இந்த காட்சி Inglorious Basterds படத்தில் Waltz செய்யும் விசாரணை காட்சிக்கு ஈடானது. இதில் இவனது கொடூர குணம் நமக்கு தெரிய வரும். அடுத்து ஈஸ்ட் வூட், இவரு தான் Good. டுகோவை வேறு சில பண்டி ஹண்டரிடம் இருந்து இவர் காப்பாற்றுவது போன்ற ஒரு காட்சி. இதில் ஈஸ்ட் வூட்டின் துப்பாக்கி உபயோக படுத்தும் வேகம், அவரின் திறமை நமக்கு தெரிய வரும். இப்போ முனு முக்கிய கதாபாத்திரங்களின் அறிமுகம் முடிஞ்சுது. அடுத்து என்ன ஹீரோயின் அறிமுகமா..??? அது தான் கிடையாது இந்த படத்துல பொண்ணுங்களே கிடையாது. ஒரே ஒரு காட்சியில் மட்டும் ஒரு பொண்ணு வரும். அது என்னன்னு உங்களுக்கு தெரிஞ்சா கமெண்ட்ல சொல்லுங்க...

18 ஆம் நுற்றாண்டு இறுதியில், அமெரிக்காவில் உள்நாட்டு போர் நடைபெற்ற காலகட்டத்தில் நடப்பது போன்ற கதை அமைக்க பட்டு இருக்கும். வழக்கம் போல இந்த படத்துலயும் ஈஸ்ட் வூட்க்கு பேர் கிடையாது. டுகோ அவரை பிளாண்டி(Blondie)அப்படின்னு தான் குப்பிடுவான். பிளாண்டியும் டுகோவும் சந்தர்ப்ப வசத்தால் நண்பர்கள் ஆனவர்கள். மேலும் சந்தர்ப்ப வசத்தால் அவர்கள் இருவருக்கும் $20,000 மதிப்புள்ள ஒரு புதையல் ரகசியம் தெரிய வருகிறது.புதையல் இருக்கும் இடம் ஒரு சுடுகாடு. அந்த சுடுகாட்டின் பெயர் டுகோவுக்கு தெரிய வரும். ஆனால் எந்த கல்லறையில் அந்த புதையல் புதைக்கப்பட்டு உள்ளது என்று பிளாண்டிக்கு தெரிய வரும். இருவரும் சேர்ந்து புதையலை எடுப்பது என்று தீர்மானித்து தம் பயணத்தை தொடர்வார்கள். அந்த நீண்ட பயணத்தில் ஏஞ்சல் ஐஸ்யும் (BAD) சேர்ந்து கொள்வான். புதையல் எடுக்க இந்த முன்று கில்லாடி கௌபாய்கள் இடையே நடைபெறும் போட்டி தான் மீதி படம்.

லியோனியின் பள்ளி நண்பரான எனியோ மோரிகோன் இந்த படத்துக்கு மியூசிக் போட்டு இருப்பார். அந்த அறிமுக மியூசிக், மிகவும் அற்புதமாய் இருக்கும். அந்த மியூசிக் கேட்கும்போது கண்டிப்பாய் நமக்கு இனம் புரியாத ஒரு சுகமான வருடல் உணர்வை தரும்.

பாடலை அனுபவிக்க: 

உண்மையில் சுருட்டு பிடிக்க தெரியாத ஈஸ்ட் வூட், படம் முழுவதும் சுருட்டு பிடிப்பது போன்று வரும், அவர் சுருட்டு பிடிக்கும் ஸ்டைல்,சும்மா அதகளமாய் இருக்கும். ஈஸ்ட் வூட்டின் பல மேனரிசங்களை பார்க்கும் போது நமக்கு சூப்பர் ஸ்டார் ரஜினியை பார்ப்பது போன்று இருக்கும்.

டுகோ, இவரை பற்றி கண்டிப்பாய் சொல்ல வேண்டும். படத்தில் காமெடிக்கு இவர் தான். ஆனால் பேர் UGLY. முன்று பேரில் என்னை மிகவும் கவர்ந்தது டுகோ தான். இவர் உயிரை குடுத்து !!! படத்தில் நடித்து இருப்பார். படபிடிப்பின் போது இவர் தூக்கில் தொங்க வேண்டிய ஒரு காட்சியில் குதிரை வேகமாய் ஓடி விட, டுகோ உண்மையில் தூக்கில் தொங்க வேண்டியது ஆகி விட்டது. பிறகு பட குழுவினர் இவரை காபற்றினார். மற்றும் ஒரு சந்தர்பத்தில் தண்ணி என்று நினைத்து அங்கு உள்ள ஆசிட்டை குடித்து விட்டார். இப்படி இவர் உயிரை குடுத்து இப்படத்தை உருவாக்கினர்.

அடுத்து ஏஞ்சல் ஐஸ், இவர் தான் BAD. For a Few Dollars More படத்தில் 2nd ஹீரோவாக நடித்தவர். இவரும் தன் சிறந்த நடிப்பை வெளிபடுத்தி இருப்பார். 

படத்துல நிறைய பிரண்டமான போர் காட்சிகள் வரும். ஒவ்வொரு போர்க்களக் காட்சிக்கும் பெருங்கூட்டம் தேவைப்பட்டது. சிக்கனம் கருதி லியோனி ஸ்பெயின் நாட்டில் படத்தை எடுத்து வந்தார். ஸ்பெயின் அரசின் சிறப்பு அனுமதி பெற்று, ஆயிரத்தி ஐநூறு நிஜமான இராணுவ வீரர்களையே இலவசமாக நடிக்கவைத்துவிட்டார் செர்ஜியோ.

படத்தில் முதல் 10 நிமிடங்கள் வசனமே கிடையாது. அடுத்து நீங்க அனுபவிக்க போகும் 170 நிமிடங்களுக்கு அந்த 10 நிமிடங்களில் உங்களை நன்றாக தயார் படுத்தி விடும். அந்த முதல் 10 நிமிடங்கள் ஒரு நல்ல வார்ம் அப் (Warm Up). 

படத்தில் இறுதியில் வரும் டுயல் (Duel) சண்டை, உங்கள் டெம்போவை கண்டிப்பாய் ஏற்றி விடும். அது இந்த முன்று முக்கிய கதாபாத்திரங்களின் இடையே நடக்கும் டுயல்.

இந்த படத்தை நீங்கள் “The God Father” படத்துடன் கண்டிப்பாய் ஒப்பிடலாம். God Father படம் பார்த்தவர்களுக்கு கண்டிப்பாய் அந்த தாக்கம் குறைந்தது ரெண்டு நாட்கள் இருக்கும். இந்த படத்தை பார்த்ததும் அதே தாக்கம் உங்களுக்கு கண்டிப்பாய் ஏற்படும். இது ஒரு எபிக் சாகா (Epic Saga).

டிஸ்கி: 

வெஸ்டர்ன் திரைப்படங்களை போலவே இருக்கும் நிறைய வெஸ்டர்ன் வீடியோ கேம்ஸ் விளையாடி உள்ளேன். அதை பற்றி எழுதலாம் என்று ஒரு எண்ணம் உள்ளது. இடை இடையே நான் ரசித்த வீடியோ கேம்ஸ் பற்றி எழுத போறேன்.

My Rating: 9.1/10......

A Fistful Of Dollars -(1964) செர்ஜியோ லியோனியின் டாலர்ஸ் ட்ரையாலஜி பாகம் -2

போன பதிவுல For a Few Dollars More அப்படிங்கற வெஸ்டர்ன் படத்தை பத்தி பார்த்தோம். For a Few Dollars More “டாலர்ஸ் ட்ரையாலஜி”-ல (Dollars Triology- A Fistful of dollars, Few dollars more, Good bad and ugly) வந்த ரெண்டாவது படம். டாலர்ஸ் ட்ரையாலஜி”-ல வந்த முத படம் “A Fistful Of Dollars”. இன்னைக்கு இந்த படத்தை பத்தி நம்ப பார்போம். படத்தோட டைரக்டர் செர்ஜியோ லியோனி (Sergio Leone). இவரு தான் “டாலர்ஸ் ட்ரையாலஜி”-ல வந்த முனு படத்தையும் எடுத்தவர். முனு படத்திலும் ஹீரோ கிளென்ட் ஈஸ்ட் வூட்(Client East Wood). வெஸ்டர்ன் படங்கள் எடுக்கிறதுல்ல செர்ஜியோவை மிஞ்ச ஆளு இல்லைன்னு சொல்லலாம்.இவரு டாலர்ஸ் ட்ரையாலஜி எடுக்கறதுக்கு முன்னாடி எத்தனையோ வெஸ்டர்ன் கெள்-பாய் படங்கள் வந்து இருந்தாலும்,A Fistful Of Dollars படம் தான் வெஸ்டர்ன் படங்களின் முன்னோடி அப்படின்னு சொல்லலாம். அப்படி என்ன தான் பெருசா படம் எடுத்துட்டார்ன்னு இப்போ நம்ப பார்போம்.

ஜப்பான்ல அகிரா குரசோவா அப்படின்னு ரொம்ப ரொம்ப பெரிய டைரக்டர் இருந்தார். அவரு சாமுராய்கள் எனப்படும் ஜப்பானிய போர் வீரர்களை பற்றிய படங்களை தொடர்ச்சியாக எடுத்து தள்ளிட்டு இருந்தார். அவரு படங்கள் எல்லாமே டாப் உலக சினிமா லிஸ்ட்ல கண்டிப்பா இருக்கும். அகிராவின் மிக முக்கிய படங்கள்னா அது " ரோஷோமான்" (Rashomon– 1950), “செவென் சாமுராய்" (Seven Samurai -1954) , “யோஜிம்போ” (Yojimbo – 1961), சஞ்சுரோ (Sanjuro- 1962) தான். இன்னும் நிறைய காவியங்களை எடுத்து தள்ளி இருக்கிறார், ஆனா அவரு சாமுராய்களை மைய படுத்தி எடுத்த முக்கிய படம்னா அது இந்த நாலு படம் தான். "பாய்ஸ்" படத்துல பரத் ஜெனிலியாகிட்ட சீன் போடுறதுக்கு “குரசோவா, கோடார்ட் படங்களாம் பார்த்து இருக்கீங்களா ??” அப்பிடின்னு கேட்பார்.. ரொம்ப நாளா அது சே குவாரோன்னு நான் நினைச்சுகிட்டு இருந்தேன். என்னடா சுஜாதா சம்பந்தமே இல்லாம சே குவாரோ பத்தி சொல்லுராருன்னு நினைச்சுடேன். கொஞ்ச வருஷத்துக்கு முன்னாடி அதுவும் இணையத்தின் அறிமுகத்தின் அப்புறம் தான் அது அகிரா குரசோவா, ஜப்பானின் மிக பெரிய ஜாம்பவான்னு தெரிந்தது. குரசோவாவின் படங்கள் எல்லாம் பெரிய ஹிட்டு ஆனதுனாலே ஹாலிவுட்காரன் குரசோவா டைப் படங்களை அவங்க ஊருல எடுக்கனும்னு ஆசை பட்டு எடுத்த படங்கள் தான் வெஸ்டர்ன் கெள்-பாய் படங்கள், முக்கியமா டாலர்ஸ் ட்ரையாலஜி.

ஹோட்டல்காரன் & ஈஸ்ட் வூட் 

இப்போ திரும்பவும் செர்ஜியோ லியோனி. அகிராவின் “யோஜிம்போ” (Yojimbo – 1961) படத்தின் இன்ஸ்பிரேஷன் தான் A Fistful Of Dollars. இன்ஸ்பிரேஷன் அப்படின்னு சொல்லறதை விட திரைக்கதை காப்பின்னு சொல்லலாம். செர்ஜியோவும், நம்ப ஊரு டைரக்டர் மாதிரி வழக்கம் போல கிரெடிட்ல அகிராவிற்க்கு நன்றின்னு போடல. A Fistful Of Dollars ஹிட்டு ஆகாட்டி அகிரா மன்னிச்சு விட்டு இருபார், ஆனா படம் பெரிய ஹிட்டு ஆனதுனாலே கேஸ் போட்டு $100,000 அபராதமும், படத்தின் வசூலில் 15% வாங்கிட்டார். செர்ஜியோ A Fistful Of Dollars படத்தை எடுத்தது பெரிய கதை. ரொம்ப கம்மி பட்ஜெட்டில் படத்தில் நடித்த நடிகர்களுக்கு காஸ்ட்யூம் கூட வாங்கி குடுக்க முடியாத நிலைமையில் படத்தை எடுத்தார் செர்ஜியோ. ஸ்பெயினில் அஞ்சு ஆறு மர வீடு செட் போட்டு, ரொம்பவே சிக்கனமான படமா இந்த படத்தை எடுத்தார் செர்ஜியோ. அதுவும் இல்லாமல் செர்ஜியோ முதல இந்த படத்தை இத்தாலிய மொழியில தான் எடுத்தார். படத்தின் வெற்றிக்கு பிறகு இதை இங்க்லீஷ்ல டப் பண்ணினார். அதனால் இந்த படத்தை இங்க்லீஷ்ல பார்க்கும போது நமக்கு ஏதோ விஜய் டிவியில டப்பிங் படம் பார்க்குற பீல் வரும். அப்புறம் முக்கியம்மா இந்த படம் தான் ஹாலிவுட்க்கு ஈஸ்ட் வூட் என்ற மாமேதையை அறிமுக படுத்திய படம் இது.

கிளைமாக்ஸ் டுயல் (duel) சண்டை

சுருக்க சொல்லனும்னா இந்த படம் தமிழ்ல வந்த “சேது” மாதிரி. எப்படி பாலாவுக்கும், விக்ரமுக்கும் பெரிய பிரேக் குடுதிச்சோ, அதே போல செர்ஜியோவுக்கும் ஈஸ்ட் வூடிக்கும் இப்படம் ஒரு திருப்புமுனை என்றே கூறலாம். அகிராவின் யோஜிம்போவுக்கும் செர்ஜியோவின் A Fistful Of Dollars-க்கும் என்ன என்ன ஒற்றுமை இருக்குனு பார்போம். யோஜிம்போவில் ‘சமுராய்’ என்றால் A Fistful Of Dollars-யில் ‘கெளபாய்’. அங்கே சாமுராய் வாள், இங்கே துப்பாக்கிச் சண்டை. கதை கூட ஒன்று தான். இப்போ A Fistful Of Dollars படத்தின் கதையை மட்டும் பார்போம்.

நாடோடியாக அலைந்து திரியும் கெளபாய் ஈஸ்ட் வூட். படத்தில் அவருக்கு பெயர் இருக்காது. அவரு குதிரை எந்த பக்கம் போகுதோ அந்த ஊருக்கு அவர் போவாரு. அப்படி வர ஊரு தான் சான் மிகுவேல் (San Miguel). அந்த ஊருல ரெண்டு கேங், ரெண்டு கும்பலும் கொள்ளைகாரர்கள் மற்றும் கடத்தல்காரர்கள். யாருமே நல்லவங்க கிடையாது. ரெண்டு கேங் ஊரை ரொம்ப கொடுமை படுத்துறாங்க. ஊரு என்றால் அது அந்த அஞ்சு மர வீடு தான். அந்த கொடுமை எல்லாம் பார்த்த ஈஸ்ட் வூட் இரண்டு கூட்டத்தையும் அழிக்கப்போவதாக சொல்லி அதே ஊருல ஒரு ஹோட்டல்ல தங்குறார். ஈஸ்ட் வூட் கூறுவதைக் கேட்டு முதலில் அவனை அவநம்பிக்கையுடன் பார்க்கும் ஹோட்டல்காரன், பின்பு அவனுக்கு உதவத் தொடங்குகிறார். அந்த கொள்ளை கூட்டத்திலேயே ஒருவனாகச்சேர்ந்து, அவர்களின் நம்பிக்கைக்கு உகந்தவனாக மாறி பின்பு அவர்களை அழிப்பதுதான் கதை. போக்கிரி படத்துல விஜய் பண்ணுற மாதிரின்னு நீங்க நெனச்ச அது ரொம்ப தப்பு. இந்த படத்துல ஈஸ்ட் வூட் பண்ணுறது “வேற..வேற..” சும்மா காட்டு..காட்டுன்னு காட்டுவாரு. மிகவும் விறுவிறுப்பான படம் தவறாமல் பாருங்க.

வில்லன் (Gian Maria) வித் Winchester கன்

படத்துல வில்லன் கதாபாத்திரம் கியான் மரியா (Gian Maria). இவரு தான் “டாலர்ஸ் ட்ரையாலஜி”-ல வந்த ரெண்டு படத்திலும் வில்லன்.

வில்லன் ஒரு மெக்ஸிகன் பழமொழி கூறுவார். “Winchester முன் Pistol வைத்திருப்பவன் இறந்தவனுக்கு சமம்” (வில்லன் Winchester பயன்படுத்துபவர், கதாநாயகன் Pistol பயன்படுத்துபவர்). Winchester என்பது ஒரு வகையான சக்திவாய்ந்த துப்பாக்கி. இறுதிகாட்சியில் ஈஸ்ட் வூட் இந்த பழமொழியை நினைவுபடுத்தி வில்லனுடன் டுயல் (duel) சண்டை போடுவார்.

படத்தில் நிறைய பஞ்ச் டயலாக் இருக்கும். எதுவும் நம்மை எரிச்சல் படுத்தாமல் நாம் ரசிக்கும் படி இருக்கும். ஈஸ்ட் வூட் பேசும் எல்லா வசனம்மும் பஞ்ச் டயலாக் போல தான் இருக்கும்.

டிஸ்கி:

டாலர்ஸ் ட்ரையாலஜி”-ல வந்த ரெண்டு படத்தை மட்டும் தான் இப்போ வரைக்கும் நாம் எழுதி இருகிறேன்.. இன்னும் ஒரு படம் பாக்கி இருக்கு. அது “The Good Bad and Ugly” என்ற மாபெரும் திரைக்காவியம். அடுத்து அந்த படத்துடன் உங்களை சந்திக்கிறேன். 

My Rating: 8.3/10......

2012 –(2009)- உலகம் அழிய வேண்டுமா..???

பதிவுக்கு போறதுக்கு முண்ணாடி எல்லோருக்கும் ஒன்னு சொல்லியே ஆகனும், அனைவருக்கும் என் இதயம் கனிந்த இனிய புத்தாண்டு நல்வாழ்த்துக்கள். 2011 முடிஞ்சு 2012 ஆரம்பிச்சாச்சு...சில பேருக்கு “ஜஸ்ட அனதர் டே” (Just another Day), அப்பிடின்கிற மனப்பான்மை இருக்கும். பல பேருக்கு “போனது எல்லாம் போகட்டும், இனி மேல புதுசா ஒரு இன்னிங்க்ஸ் தொடங்குவோம்” அப்பிடின்கிற மனப்பான்மை இருக்கும். எண்ணங்கள் எப்படியோ, எல்லோருக்கும் இந்த ஆண்டு வெற்றிகரமாய் அமைய என்னுடைய வாழ்த்துக்கள். அப்புறம் வர போற 2012 ஹாலிவுட்காரன்க்கு ரொம்ப ஸ்பெஷலான மற்றும் பிடிச்ச ஆண்டு. ஏன்னா இந்த நம்பரை வச்சு ஏற்கனவே அவனுக நல்லா காசு பார்துட்டானுக.2009 ஆண்டு Roland Emmerich எடுத்த திரைகாவியம் தான் 2012. இங்க எப்படி பேரரசும், விஜய டி.ஆர் -ம் தமிழில் யார் என்ன மாதிரி உலக சினிமா எடுத்தாலும், தங்களோட ஸ்டைலில் கொஞ்சம் கூட காம்பிரமிஸ் பண்ணிக்காம அவங்களுக்கு பிடிச்ச !!! ஸ்டைல்ல படம் எடுத்து தள்ளுறாங்கலோ, அதே போல ஒரு ஹாலிவுட் டைரக்டர் தான் Roland Emmerich. இவரு எடுக்குற படம் எல்லாம் “அழிவு, பேரழிவு, ரொம்ப ரொம்ப பேரழிவு “அப்படிங்கிற முனு பிரிவுல போட்டுறலாம். இந்த படத்தை நான் மூனாவது பிரிவுல “ரொம்ப ரொம்ப பேரழிவு” சேர்கிறேன்.

Roland Emmerich: இவரோட படங்கள் முக்காவாசி உலகுத்துக்கு ஆபத்து, அமெரிக்காவுக்கு ஆபத்து, அப்படிங்கிற கொடுரமான சிந்தனையை கொண்டு இருக்கும்.வெள்ளைக்காரனக்கு (அமெரிக்கன்) எப்போவுமே ஒரு பயம் இருக்கும், எங்க தான் வாழ்ந்துகிட்டு இருக்குற சுகமான !!! வாழ்கைக்கு ஏதாவது பங்கம் வந்திருமோ அப்படிங்கிற பயம் தான் அது. அதனாலயே தனக்கு ஆபத்துன்னு தெரிஞ்ச “பின்லேடன்”-ஐ 10 வருஷம் விடாம தேடி கொன்னான். இப்படி பட்ட உயிர் பயம் உள்ளவங்களை இன்னும் நிறைய பயமுறுத்த Roland அழிவு படமா எடுத்து தள்ளினார். அவரோட சில படங்கள் தவிர எல்லாமே மொக்கை படங்கள் தான். இதுல பெரிய காமெடி அவரோட எல்லா படத்தோட கிளைமாக்ஸ். நோ லாஜிக், நோ மேஜிக். ரொம்ப மொக்கையா இருக்கும். அவரு எடுத்த முக்கியமான !! உலக சினிமாக்கள் : 

Independence Day - (1996) , Godzilla -(1998) , The Day After Tomorrow – (2004) ,1000 BC - (2008) ,2012 - (2009)

எரிமலை-சேஸிங்

இந்த படத்துல (2012) அவரு எடுத்த கான்செப்ட் வழக்கம் போல உலக அழிவு தான், அதுவும் கரெக்டா 2012 ஆம் ஆண்டு உலகம் அழிய போறதா 2009 ஆம் வருஷம் இந்த படத்தை எடுத்தார். கான்செப்ட் என்னனா “மாயன் நாகரிகம்” கணக்கு படி அவங்க காலண்டர் கி.மு. 3113ல் தொடங்கி, கி.பி. 2012-ல் முடியுது. அதுவும் கரெக்டா 2012 டிசம்பர்-21 ஆம் தேதி முடியுது. சரி அவங்க காலண்டர் முடிஞ்சா புது காலண்டர் வாங்கி குடுக்க வேண்டியதுதானே, அத விட்டுட்டு “மாயன் காலண்டர்” முடிஞ்சா உலகமே அழிய போகுது அப்பிடின்னு கொலைவெறி பதியை கிளப்பி விட்டாங்க சில அறிவு ஜீவிகள். அதையே Roland கெட்டியா பிடிச்சுகிட்டு எடுத்த படம் தான் 2012. 

ஏற்கனவே இதே மாதிரி “1999” ஆம் ஆண்டு முடிஞ்சு 2000 வருஷம் ஆரம்பத்தில் உலகம் அழிய போறதா நாஸ்ட்ரடாமஸ் கணிச்சசாருன்னு ஒரு புரளி வந்திச்சு. நாஸ்ட்ரடாமஸ் பெரிய அப்பாடக்கர், அவரு கனிச்சா கரெக்டா இருக்கும், அப்பிடின்னு பெரிய பில்ட் அப் எல்லாம் குடுத்தாங்க. ஆனா 1999 முடிஞ்சு 13 வருஷம் ஆச்சு. அதுக்கு ஏத்த மாதிரி “Y2K” பிரச்சனை வேற சொன்னாங்க. ஆரம்பம் (உலகம்) அப்படின்னு ஒன்னு இருந்தா கண்டிப்பா முடிவுன்னு ஒன்னு இருக்கும். ஆனா ஆரம்பமே (உலகம்) எப்படி உருவானது அப்படின்னு நமக்கு சரியா தெரியாதப்ப முடிவை பத்தி யோசிக்கிறது முட்டாள்தனமானது. சரி உலக அழிவ விடுங்க, ரொம்ப சீரியஸ்ஸ போயிட்டோம். நம்ப அடுத்து க்வென்டின் 2014 –ல எடுக்க போற “Kill Bill –Vol-3” படத்துல யாரு யார பழி வாங்குவாங்க அப்படின்னு கவலை படுவோம். இல்லாட்டி நோலன் “The Dark Knight Rises”- க்கு அப்புறம் என்ன படம் எடுப்பாருன்னு யோசிப்போம். ஐயோ.. எங்கயோ ஆரம்பிச்சு எங்கயோ போயிட்டேன்......இப்போ 2012 படத்தை பத்தி பார்போம்.. 

கதை 2009ல் துவங்குகிறது. பூகம்பம் மற்றும் சுனாமி மூலம் பூமிக்கு அழிவு நெருங்குவதை விஞ்ஞானிகள் அமெரிக்க அரசுக்கு அறிக்கையாகத் தருகிறார்கள். பூமியைக் காக்க உலக நாடுகள் தடுப்பு நடவடிக்கைகளில் இறங்குகின்றன. பலனில்லை. 2012ல் உலகின் அழிவு துவங்குகிறது. இப்படி உலக அழியிர கதையில ஒரே ஒரு அமெரிக்க குடும்பம் மட்டும் தப்பிக்க நடத்தும் போராட்டம் தான் படமே. அந்த குடும்பம் அக்மார்க் அமெரிக்க குடும்பத்துக்கு உண்டான எல்லா தகுதிகளும் நிறைந்த ஒரு பல்கலைக்கழகம். எப்படினா அந்த குடும்ப தலைவி வேற ஒருத்தன் கூட வாழ்ந்து கொண்டிருப்பாள். அந்த குடும்பத்துல்ல ரெண்டு குழந்தைகள், ஒரு பையன், பொண்ணு. அந்த பையனுக்கும் அவனோட அப்பாவான ஹீரோவுக்கும் நல்ல ரீலேசன்ஷிப் இருக்காது. கடைசியில அந்த குடும்பம் உலக அழிவுல எப்படி தப்பிச்சு அப்பிடிங்கிரத Roland தன்னோட பணியில பதில் சொல்லி இருப்பார்.

படத்தோட கதை படு மொக்கையா இருந்தாலும், கிராபிக்ஸ் கலக்கலா இருக்கும். சுனாமி, பூகம்பம், எரிமலை எல்லாத்தையும் ஸ்க்ரீன்ல ஒரே நேரத்துல பார்க்க விஷுவல் ட்ரீட்.

அமெரிக்கன் ப்ரெசிடெண்ட் மக்களுக்காக !!! தன் உயிரை தியாகம் செய்யும் காட்சி நல்லா இருக்கும்.

டிஸ்கி:

நீங்க படத்தை பார்திருந்தா ஓகே. பாக்காட்டி சின்ன அட்வைஸ். ரொம்ப கடுப்பா இருந்தா இந்த படத்தை பார்க்காதீங்க, இன்னும் ரொம்ப கடுப்பு ஆகிருவேங்க. சும்மா ரிலாக்ஸ்ஸா இருக்கும் போது பாருங்க.. நல்ல BR Rip ப்ரின்ட்ல பாருங்க...

இந்த படத்துக்கு அப்புறம் Roland இனிமேல் அழிவு படமே எடுக்க மாட்டேன் அப்படின்னு சத்தியம் பண்ணி இருக்கிறார்.

My Rating: 6.9/10......

For a Few Dollars More - (1965) பண்டி ஹண்டர் ஈஸ்ட் வூட்

இந்த பதிவு முலமாக நான் உங்களுக்கு அறிமுக படுத்த போகும் படம் For a Few Dollars More. படம் வெளிவந்த ஆண்டு 1965. இந்த படம் வெஸ்டர்ன் (Western) படங்களின் வகையை சார்ந்து. சரி வெஸ்டர்ன் (Western) படம்னா என்னங்க...?? நம்ப ஊர்ல எப்படி படங்களை மசாலா படம், கிளாசிக்கல் !!! படம்,காமெடி படம்ன்னு பல வகையில் பிரிக்கிறோம், அதே போல ஹாலிவுட்ல வெஸ்டர்ன் வகைன்னு சில படங்கள் இருக்கும். எப்படி மசாலா படம்னா அஞ்சு பாட்டு, அஞ்சு பைட், பன்ச் டயலாக் அப்படின்னு ஒரு பார்முல்லா இருக்குமோ, அதே போல வெஸ்டர்ன் வகை படங்களுக்கு ஒரு பார்முல்லா இருக்கும். முக்காவாசி படங்கள் ஒரே மாதிரி தான் இருக்கும். நம்ப ஊர்லையும் வெஸ்டர்ன் டைப் படங்கள் நிறைய வந்து இருக்கு, அந்த காலத்துல நம்ப ஜெய்சங்கர் இந்த மாதிரி படங்கள் நிறைய பண்ணி இருக்கார். இப்போ “இரும்பு கோட்டை முரட்டு சிங்கம்”  கூட வெஸ்டர்ன் டைப்ல வந்த படம் தான். 

ஹாலிவுட் வெஸ்டர்ன் படங்களில் பார்த்தேங்கனா, ஹீரோ வில்லன், காமெடியன் முதல்கொண்டு எல்லோரும் துப்பாக்கி வச்சு இருப்பாங்க, ஹீரோ முக்காவாசி பண்டி ஹண்டர் (Bounty Hunter) கதாபாத்திரத்தில் தான் வருவார். வில்லன் கண்டிப்பா பண்டியா (Bounty) தான் இருப்பார். அப்புறம் கண்டிப்பா ஒரு டுயல் (Duel) சண்டை இருக்கும். நம்ப ஊருக்கு இந்த  பண்டி ஹண்டர் (Bounty Hunter), அப்புறம் டுயல் (Duel) சண்டை எல்லாம் ரொம்ப புதுசா இருக்கும்.

பண்டி (Bounty): நம்ப பாஷையில் சொல்ல வேணும்னா “தலைக்கு விலை குறிக்கிறது”. பின் லேடன் மாதிரி பெரிய தலைக்கு $25 மில்லியன் பரிசு பணம் குறிக்கப்பட்டது. போன நூற்றாண்டுல அமெரிக்காவில் நிறைய சட்ட விரோதிகளுக்கு பண்டி நிர்ணயத்து இருந்தாங்க. அந்த சமுக விரோதிகளை வேட்டையாடி உயிரோடு அல்லது பிணமாக பிடிபவர்களுக்கு, பரிசு பணம் அரசாங்கம் குடுக்கும். இந்த மாதிரி வேலைய யாரு செய்வாரு, கண்டிப்பா நம்ப ஹீரோ தான். வில்லன் தான் பண்டி (Bounty).சரி இப்போ ஹீரோ, வில்லன் ரெடி. வெஸ்டர்ன் படங்களில் கண்டிப்பாக குதிரைகள், மர வீடு மற்றும் குதிரை சண்டை இருக்கும். அப்புறம் முக்கியமா துப்பாக்கி சண்டை , சும்மா சுட்டுகிட்டே இருப்பாங்க. 

டுயல் (Duel) சண்டை

துப்பாக்கி சண்டைனா ரெண்டு வகை, ஒன்னு மறைஞ்சு சுடுறது, இன்னொன்னு டுயல் (Duel) சண்டை. டுயல் (Duel) சண்டையில ரெண்டே பேர் தான் இருப்பாங்க, துப்பாக்கியை ரெடியா வச்சிருக்கணும், பேக் கிரௌன்ட்ல முசிக் ஓடும், முசிக் முடிஞ்ச அடுத்த செகண்ட் துப்பாக்கியை எடுத்து சுடணும், யாரு வேகமா இருக்காங்களோ அவங்க அடுத்தவனை முதல்ல சுடுவாங்க, யாரு உயிரோட இருக்காங்களோ அவங்க தான் வின்னர். இந்த மாதிரி சண்டை பார்க்க நல்ல சுவாரசியமா இருக்கும். இதே மாதிரி சண்டை “இரும்பு கோட்டை” படத்துல கூட இருக்கும். மேல சொன்ன எல்லா அம்சமமும் இருந்தா அது ஹாலிவுட் வெஸ்டர்ன் படம். அந்த மாதிரி ஒரு படம் தான் For a Few Dollars More. 

எப்படி நம்ப ஊரு கிராமத்து கதைக்கு கிராமராஜன்னோ, சாரி, ராமராஜன்னோ, அதே மாதிரி இந்த வெஸ்டர்ன் டைப் படங்கனா, அது கிளென்ட் ஈஸ்ட் வூட்(Client East Wood) தான். சும்மா பின்னி எடுப்பாரு மனுஷன். அவரோட வரலாறு நமக்கு தேவையில்லாதது, அவரு பண்டி ஹண்டர்ரா நடிச்ச இந்த படத்தை பத்தி மட்டும் பார்போம்.

இந்த படம் டபுள் ஹீரோ சப்ஜெக்ட். ஒரு ஹீரோ ஈஸ்ட் வூட் (East Wood) , இன்னொரு ஹீரோ லீ வான் கிளிப் (Lee Van Cleef). ரெண்டு பேரும் பெரிய பண்டி ஹண்டர்ஸ். முத 20 நிமிஷம் ரெண்டு பேர பத்தின அறிமுகத்தோட படம் ஆரம்பிக்கும். ரெண்டு பேரும் வெவ்வேறு ஊருல பண்டியை கொன்னு பரிசு பணத்த வாங்குவாங்க. அதுல லீ கிளிப் டுயல் (Duel) சண்டை போடுறதுல பெரிய அப்பாடக்கர். சும்மா அசால்டா துப்பாக்கியை பிரயோக படுத்துவார். இன்னொரு ஹீரோ ஈஸ்ட் வூட், அவரும் நல்லா துப்பாக்கி சண்டை எல்லாம் போடுவார், ஆனால் லீ கிளிப் அளவுக்கு பெரிய வித்தைகாரன் இல்லை. இப்போ வில்லன் வேணுமே, ரெண்டு பெரிய ஹீரோவுக்கு இணையா வில்லன் இல்லாட்டி கதை நல்லா இருக்காதே, வில்லனும் பெரிய ஆளு தான். பேரு எல் இன்டியோ (El Indio) வில்லன் ஜெயிலுல இருந்து தப்பிக்கிற மாதிரி அவரோட அறிமுகம் இருக்கும். அவரு ரொம்ப கொடுரமான ஆளு அப்படிங்கிறதை கட்டற மாதிரி ரெண்டு காட்சி இருக்கும். அவர ஜெயில்ல போட உதவி செஞ்ச ஒரு ஆளை வில்லன் மற்றும் அவரு கேங் கொலை செய்வாங்க.

ஜெயில்ல இருந்து தப்பிச்சதனால வில்லன் தான் ஊருலயே பெரிய பண்டி, கிட்ட தட்ட $10,000, அது போக வில்லன் பெரிய கேங் வேற வச்சு இருப்பாரு. மொத்தம் 14 பேரு. எல்லா மேலயும் பண்டி இருக்கும். மொத்தமா வில்லன் கும்பலுக்கு $25,000 பண்டி பணம். இப்போ ரெண்டு ஹீரோக்கும் வில்லனை பிடிக்க நல்லா காரணம் கிடைச்சாச்சு. இப்போ வில்லன் எல் பசியோ (EL PASO) அப்படிங்கற ஊர்ல இருக்குற கொள்ளை அடிக்கவே முடியாதுன்னு சொல்ல படுற ஒரு பேங்க்கை கொள்ளை அடிக்க திட்டம் போடுறான். அது ஹீரோ ரெண்டு பேருக்கும் தெரிஞ்சுடுது, ரெண்டு பேரும் அந்த ஊர்க்கு வராங்க. வந்து வில்லன் போட்ட திட்டத்தை முறியடிச்சாங்ககளா ?? வில்லன் பேங்க்கை கொள்ளை அடிச்சானா ?? பெரிய பண்டி தொகைய யாரு வாங்கினா ?? இது போல பல கேள்விகளுக்கு விடைய டைரக்டர் ரொம்ப சுவாரிசியமாக பதில் சொல்லி இருப்பார்.
படத்தோட டைரக்டர் Sergio Leone. டாலர்ஸ் ட்ரையாலஜி (Dollars Trilogy) அப்படிங்கற பேருல மொத்தம் முனு படம் எடுத்தார். A Fistful of Dollars , For a Few Dollars More & The Good Bad and Ugly, முனு படமே அட்டகாசமான வெஸ்டர்ன் படங்கள்.

வெஸ்டர்ன் டைப் படங்கள் உங்களுக்கு பிடிக்கும் என்றல் கண்டிப்பாக இந்த முனு படத்தையும் பாருங்கள். 

படத்துல மொத்தம் 3 டுயல் (Duel) சண்டை, பார்க்கும் நமக்கு யாரு ஜெயிப்பாங்கன்னு நல்லா தெரியும். ஆனாலும் சண்டைய பார்க்கும் போது ஒரு விதமான பரபரப்பு ஏற்படும். அது தான் டைரக்டர் Sergio டச்.

படத்துல ஏகப்பட்ட ட்விஸ்ட் இருக்கும், நிறைய காட்சிகள் நம்ப யுகிச்சகதுக்கு மாறாக இருக்கும். அதனால சுவாரிசியதுக்கு பஞ்சமே இருக்காது.

My Rating: 8.1/10......